2 Timote 3:3 - MUKANDA WA MYIDI MUKULU

³ Nebikale bantu ba malu makole, kabayi ne luse. Nebikale bena bijanu, bena tshikisu, bena lonji, baluishi ba bantu badi benza bimpe.

Mukanda wa Nzambi Dihungila Dikulukulu ne Dihungila Dihia-dihia 2003

³ kabai banangi ba bana babo, bashihi ba bihungidi, bena bunsonge, kabai mua kudikanda, bena luonji, kabai basue malu mimpe,

2 Timote 3:3 교차 참조

Genese 49:7

Ndi mbenga tshiji tshiabu tshikole, ndi mpidia lonji luabu kaluyi luse! Ndi ntangalaja ndelanganyi yabu, munkatshi mua bena Izrayele. Ndi nyimuangalaja mu ditunga dijima.

Misambu 15:4

Udi upepeja badi Mvidi Mukulu udiwula, unemeka badi bitaba Maweja-Nangila. Yeye mutule diyi udi udikumbaja, nansha yeye mufuane kujimija bidiye nabi.

Misambu 22:6

Bavua bakubikila, wewe kubapikula. Bavua bakutekemena, kabayi bashala ku bundu!

Yeshaya 53:3

Bavua bamudiombola kudi bantu. Bavua bamubenga, bualu mmuntu mudine mu makenga. Tuvua bamupetule. Katuvua bamuangate ne mushinga to. Uvua bu muntu uvuabu kabayi mua kutangila.

Yeshaya 60:14

Bantu bavua bakukengesha, nebasemene kuudi, nebiname panshi. Bantu bonsu bavua bakulembakaje, nebadiele ku makasa ebe. Nebakuinyike ne: “Ke tshimenga tshia Maweja-Nangila”, “Ke Siyone musoku wa wa tshijila wa bena Izrayele.”

Danyele 8:23

Padi makalenga aa ashikila, benji ba malu mabi bamane kuvudija malu abu mabi, mukalenga wa budisu ne dishima neamueneke.

Matayi 10:21

Bantu nebafile bana babu bua kubashipabu. Baledi nebenze bia momumue ne bana babu balela. Bana pabu nebatombokele baledi babu; nebabashipeshe.

Matayi 4:1

Pashishe Mueyelu wa tshijila kufikisha Yezu mu tshipela, bua bamutetemu kudi diabolu.

Luke 10:16

Ke Yezu kuambila kabidi balongi bende ne: — Muntu udi unuteleja, udi unteleja meme. Muntu udi unubenga, udi umbenga meme. Kadi muntu udi umbenga, udi ubenga ne Tatu uvua muntume.

Luke 16:14

Baparushe bavua bumvua miaku yonsu eyi. Kadi kusekabu Yezu, bualu bavua bananga makuta.

Yowanane 6:70

Yezu kubandamuna ne: — Tshivua munusungule bonsu buenu dikumi ne babidi anyi? Kadi umue wenu ndiabolu!

Rome 1:29

Badi buwule tente ne malu mabi a mishindu yonsu: bubi, lukuka, tshikisu; badi ne lubabu munda tente, bashipangana, batandangana; bikale kabidi ne budimu, kabidi ne bibidilu bibi. Badi bena lubuakabuaka,

Rome 1:31

Kondu kabu ka munda kakena kabapisha ku bualu nansha bumue. Kabena bakumbaja bidibu balaya. Badi ne muoyi mupape, kabayi bafuila bantu luse.

1 Korente 7:5

Kanubenganganyi mu nzubu. Panuikala basue kubengangana nanku, nuanji kumonangana. Nuenze kabidi nanku amu bua matuku makese, bua numone mua kutendelela muenu muonsu. Pashishe nudisange tshiakabidi mu nzubu, muenu mua tshibidilu. Kanuyi benze nanku, nudi mua kupanga kudilama, diabolu udi mua kunuteya, kunutshimuna.

1 Korente 7:9

Kadi panudi kanuyi mua kudikolela, nubuele mu dibaka. Bidi bipite buimpe kubuela mu dibaka, pa mutu pa kushala ne dialakana mu muoyi.

1 Tesalonike 4:8

Muntu udi ubenga mikenji eyi, kena ubenga muntu, kadi udi ubenga Mvidi Mukulu, udi unupa Mueyelu wende wa Tshijila.

1 Timote 3:11

Bakaji babu kabidi badi ne bua kudinemeka. Kabikadi bena bijanu. Bamanye mua kudilama. Bikale bantu ba diyi dimue mu malu onsu.

Tite 1:8

Amanye mua kuakidila bimpe benyi. Anyishe bilenga bidi bantu benza. Ikale muntu wa meji, muntu muimpe, wa tshijila, udi mumanye mua kudikokesha.

Tite 2:3

Longesha kabidi bakaji bakulumpe bua benze malu makanyine bantu ba tshijila, kabayi bena bijanu, kabayi basombela amu maluvu. Balongeshe kabidi bakuabu amu malu adi mimpe.

Yakobe 2:6

Kadi nuenu nudi nupetula bapele! Badi banukengesha, banufila miaba idibu balambuluisha bantu, ki mbena biuma anyi?

2 Petro 2:14

Badi balengamena amu bakaji badi bananga malu mabi. Kuenza malu mabi kakuena kubatonda. Badi bateya badi kabayi ne muoyi mukole. Muoyi wabu mmuibidile lukuka lua biuma. Mvidi Mukulu mmumane kubatshipa!

2 Petro 2:19

Badi balaya bantu ne: nenudienzele malu munudi basue. Kadi bobu mene batshidi mu bupika bua bibidilu bidi mua kubafikisha ku lufu. Bualu muntu yonsu udi mupika wa tshidi tshimukokesha.

2 Petro 3:3

Bangabanga numanye ne: matuku a nshikidilu nekupatuke bantu badi balonda amu majinga abu. Nebanuseke, banuebeja ne:

Yuda 1:16

Bantu aba kabena baleja disanka dituku nansha dimue, badi batontolodi ba kashidi. Badi benza malu amu mudi nkuka yabu. Badi bakula ne dipetu, balabidila bantu bua kupeta bintu.

Yuda 1:18

Bavua banuambile ne: ku nshikidilu bantu babi nebanuseke. Nebalonde majinga abu mabi.

Didimanyisha 13:15

Nyama muibidi uvua mupete bumfumu bua kupuija mueyelu wa muoyi mu tshimfuanyi tshia nyama wa kumpala, bua tshimfuanyi etshi tshimone mua kuakula, ne kushipa bonsu badi babenga kutshikukuila.

Didimanyisha 13:17

Muntu nansha umue kavua mua kusumba, nansha kusumbisha, kabayi bamutue tshitampi atshi. Tshitampi atshi tshivua tshibatua dina dia nyama, nansha bungi budi bumvuija dina adi.

Didimanyisha 16:6

Bualu bavua bapumune mashi a bantu ba Mvidi Mukulu, ne a bambi. Mpindiewu Wewe udi mubanuishe mashi. mBapete bivuabu ne bua kupeta!”

Didimanyisha 17:6

Ke meme kumona mukaji awu, mukuatshike mashi a bantu ba Mvidi Mukulu. Uvua mukuatshike mashi a bonsu bavuabu bashipe bualu bavua bitabe Yezu. Pamvua mumumone nanku, meme kukuatshika buowa bunene.