2 Timote 3:10 - MUKANDA WA MYIDI MUKULU

¹⁰ Kadi wewe uvua mundonde mu bimvua ndongesha, mu bimvua ngenza, kabidi ne mu bimvua ngipatshila. Uvua muidikije ditaba dianyi, lutuulu banyi, dinanga dianyi, muoyi mukole umvua nawu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Kadi wewe wakalonda diyisha dianyi, bienzedi bianyi, bualu bunakahangidisha, ditabusha dianyi, lutulu luanyi, dinanga dianyi, kutantamana kuanyi,

2 Timote 3:10 교차 참조

Danyele 1:8

Bu muvua Daniyele ubenga kupia mikiya, kudikandikaye bua kudia ne bua kunua bivua mukalenga udia ne unua. Nanku Daniyele kuambila mulombodi wa bena mudimu bua kamupeshi biakudia bidi ne mikiya nansha.

Luke 1:3

Nanku, Teyofile musuibue, mpindiewu meme kabidi, ndi mukebulule menemene bionsu bivua bienzeka bituadije ku tshibangidilu. Ke pandi muele meji bua kukufundilabi mudibi bilondangana.

Bienzedi 11:23

Ufika, kumonaye muvua Mvidi Mukulu mukumbaje mudimu ne dinanga munkatshi mua bena ditaba. Nanku kusankaye, ubabela bonsu bua bananukile ne muoyi mukole, bitabe Mfumu.

Bienzedi 2:42

Matuku onsu bantu abu bavua basombe kaba kamue: bavua bateleja ne ntema bivua bapostolu babalongesha, badisanga mu buena muntu, badila kaba kamue batendelela bonsu pamue.

Bienzedi 20:18

Bakulu bamane kufika, Polu kubambila ne: — Nudi bamanye mumvua musombe matuku onsu atuvua nenu, biangatshile ku dituku dia kumpala dimvua mufike mu buloba bua Aziya.

Bienzedi 26:4

Bena Yuda bonsu mbamanye mumvua mukole mu buana, nsomba amu munkatshi mua bana betu, ne mu Yerushalayime.

Rome 16:17

Bana hetu, ndi nnulomba ne: nudimukile bantu badi bajula ditapulukangana, bakeba kupambula bena ditaba mu njila, babenga bivuabu banulongeshe. Numuke kudi bantu ba nanku.

2 Korente 1:17

Pamvua mujadike nanku, mvua tshibubabuba anyi? Pandi ndongolola malu anyi, ndi nkeba amu kudisankisha anyi? Eku ngitaba ne: eyowa, mundamunda mbenga.

Efeze 4:14

Diba adi katuakuikala kabidi bana, badibu batekakaja kudi malongesha mashilangane, mushindu udi mavuala ne mpepele bitekakaja majuwa. Muntu utshidi muana mu ditaba, bena dishima badi bamupambula, banubueja mu ntupakanyi, ne malongesha abu a kudinga nawu bantu.

Filipe 2:20

Yeye nkayende ke udi utata pamue nanyi, unutatshila ne nuenu kabidi.

Filipe 2:22

Nudi bamanye muvua Timote muleje patoke mudiye muntu wa muoyi umue. Bu mudi muana wambuluisha tatuende, ke mudiye ungambuluisha mu mudimu wa kutangalaja Lumu lua Disanka.

1 Tesalonike 1:5

Bualu katuvua banulongeshe Lumu lua Disanka anu ku mishiku patupu, kadi ne bukole kabidi. Mueyelu wa Tshijila uvua utuambuluisha. Ke mutuvua bajadike bulelela bua Lumu lua Disanka elu ne bukitu. Nudi bamanye mutuvua basombe munkatshi muenu, anu bua kunuenzela bimpe.

1 Timote 1:3

Bu mumvua mukulombe, pamvua nya ku Masedoniya, shala mu Efeze. Bualu bantu badimu badi balongesha malu adi kaayi malelela. Ubakandike! Balekele kuenza nanku!

1 Timote 4:6

Paudi ulongesha bana hetu malu aa, newikale muena mudimu muimpe wa Yezu Kristu. Neuleje muudi ukeba tshiakudia tshiebe tshia muoyi, mu miaku ya ditaba, ne mu malongesha malelela avuabu bakulongeshe.

1 Timote 6:11

Kadi wewe, muntu wa Mvidi Mukulu, epuka ku bionsu abi. Enza tshidi Mvidi Mukulu musue, umulamate, ulonde amu njila wa ditaba, wa dinanga, wa lutulu ne wa bupole.

2 Timote 2:22

Epuka ku majinga mabi a mu bunsonga. Keba kuenza malu mimpe. Ikala ne ditaba, dinanga, ditalala. Udisange ne bonsu badi ne muoyi muimpe, batendelela Mfumu.

2 Timote 4:2

longesha bantu Muaku wa Mvidi Mukulu. Amba amu kuamba, nansha mu tshikondu tshimpe, nansha mu tshikondu tshibi. Itabijija bantu. Ubabele, ubakoleshe ku muoyi, ubalongeshe ne lutuulu, kuyi upungila.

2 Timote 4:3

Bualu tshikondu netshifike, tshiabenga bantu kuteleja badi balongesha malu malelela. Nebakebe amu tshidibu bajinga bobu. Nebadisangishile balongeshi bavule badi babalongesha amu bidibu basue kuteleja.

2 Timote 4:7

Ndi muluangane mvita mimpe. Ndi mujikije mutantshi wonsu umvua ne bua kunyema. Ndi mulame ditaba too ne ku ndekelu.

Tite 2:7

Wewe mene wikale tshilejilu mu midimu mimpe yonsu. Wikale muambi wa nsongu, udi mushindike tshidiye ulongesha.

Ebrewu 13:9

Kanumbuki mu njila mulelela, bua kuitaba malongesha mashilangane adi kaayi etu. Bidi bimpe bua dinanga didi Mvidi Mukulu utunanga nadi dikoleshe muoyi wetu, mikenji idi itangila biakudia kayena mua kuenza nanku. Badi bitabe mikenji ya mushindu ewu, katshia kabena mua kupeta kantu nansha kakese.

2 Petro 3:11

Bu mudi bionsu ne bua kubutuka nanku, nudi bumvue munudi ne bua kusomba panu. Nudi ne bua kuikala bantu ba tshijila, badi benza bidi Mvidi Mukulu musue.