2 Timote 2:2 - MUKANDA WA MYIDI MUKULU

² Biuvua mumvue meme mulongeshe, bantu ba bungi bavua babiumvue, babijadike. Nanku ubilongeshe bantu ba nsongu, badi bamanye mua kubilongesha bakuabu.

Mukanda wa Nzambi Dihungila Dikulukulu ne Dihungila Dihia-dihia 2003

² Malu awakunvua kundi munkatshi mua bamanyi ba bungi, malu â wafile kudi bantu badi mua kueyemenyibua, balua kukumbana mua kuyisha bakuabo kabidi.

2 Timote 2:2 교차 참조

Ezela 7:10

Bualu Ezra uvua mudifile ne muoyi wende mujima bua kulonga mikenji ya Maweja-Nangila, kuyikumbaja, kuyilongesha bena Izrayele, bua balonde anu meyi ne mikandu bidibu bafunde mu mikenji.

Ezela 7:25

“Kadi wewe Ezra, bilondeshile mikenji mimpe ya Mvidi Mukulu iudi nayi mu mukanda, usungule balumbuluishi ne balombodi, bua bikale bakosa nsambu ya bantu badi mu buloba ebu, kabidi badi bamanye mikenji ya Mvidi Mukulu webe. Badi kabayi bayimanye, neubalongesheyi.

Nehemya 7:2

Ku mudimu wa kulongolola tshimenga tshia Yerushalayime, meme kuteka muanetu Anani, kabidi Ananiya, uvua mulombodi wa nzubu wa bena mvita. Ananiya uvua muntu muimpe, mulamatshi wa Mvidi Mukulu, mupite bantu bakuabu ba bungi.

Misambu 101:6

Mu ditunga nentangile muntu undi mua kutekemena, bua kusombaye nanyi muaba umue; ne muntu udi ne nsombelu muimpe, neangambuluishe mu mudimu.

Nsumuinu 13:17

Muntu udibu batuma ne mukenji kayi uufikisha, udi ukengesha bantu. Muntu wa nsongu udi uufikisha, udi usamba bantu.

Yirmeya 23:28

Padi muambi ulota ndota, mbimpe awule anu ndota yende! Kadi padiye ne bualu bundi mumuambile bua kumanyisha bantu, abuambe anu bu mudibu. Ki mbimpe kufuanyikija mpengelane nyimu to. Meme Maweja-Nangila ndi ngamba nanku!

Lewitiki 14:42

Nenku, nebapingaje mabue makuabu, basunguile tshiakabidi miaba ivua mabue ayi.

Malaki 2:7

Eyowa, mudimu wa mutuangaji udi wa kulongesha bantu, bua bamanye Mvidi Mukulu. Yeye ke udi bantu bakonka bua kumanya tshidibu ne bua kuenza. Bualu yeye ke udi ufikisha malu a Maweja-Nangila wa bukole buonsu kudi bantu.

Dibadika 12:7

Kadi, bua muntu wanyi Moshe kabiena nanku to. Bualu yeye ke udi ulombola bimpe bantu banyi bonsu bena Izrayele.

Matayi 13:52

Nanku Yezu kubambila kabidi ne: — Ke mudi mulongeshi yonsu wa mikenji, padiye udienza mulongi wa malu a mu Bukalenga bua mu diulu, ufuanangana ne muena lupangu udi upatula bintu bipiabipia, ne bintu bia kale, mu tshibutshilu tshiende.

Matayi 24:25

Ke meme awu nnumanyisha malu aa, kaayi manji kuenzeka!

Luke 12:42

Mfumu kumuandamuna ne: — Muena mudimu muimpe wa meji nnganyi? Se mmuntu udi mfumuende uteka ku mudimu wa kulama nzubu, ne wa kupesha bena mudimu biakudia diba diakane.

1 Korente 4:2

Kadi tshidibu batekemena kudi muntu udibu bafundile mudimu ntshinyi? Badi bajinga amu ne: aukumbaje pa wowu!

2 Korente 2:14

Kadi tutumbishayi Mvidi Mukulu, bualu misangu yonsu udi utubueja mu mulongu wa badi batshimuna, patudi badisange ne Kristu. Udi utuangata bu bena mudimu bende, bua tumanyishe Kristu miaba yonsu, mudi dipembu dia manananshi ditangalaka miaba yonsu.

2 Korente 3:5

Bushuwa katuena mua kuamba ne: tudi mua kukumbaja mudimu ewu ku bukole buetu tuetu. Tudi mua kuukumbaja amu ku bukole bua Mvidi Mukulu.

Kolose 1:7

Epafrase, udi wenzela Kristu mudimu pamue netu, ke uvua munulongeshe bualu abu. Mu mudimu udiye unukuatshila, udi ulamata Kristu ne muoyi umue.

1 Timote 1:12

Ndi ngela Mfumu wetu Yezu Kristu tuasakidila, bualu uvua mumpeshe bukole bua meme kumukuatshila mudimu. Ndi muele tuasakidila, bualu uvua mungangate ne mushinga, muanyishe bua meme kumuenzela mudimu,

1 Timote 1:18

Timote wanyi, ndi nkupesha mudimu ewu, bilondeshile miaku ya bambi ivuabu bakule kale bualu buebe. Miaku eyi ikukoleshe mu maboku, bua uluangane mvita mimpe.

1 Timote 4:14

Kulenguludi dipa dia kudi Mvidi Mukulu didi munda muebe, diuvua mupete pavua bambi bakule, bakulu bakutenteke bianza.

1 Timote 4:6

Paudi ulongesha bana hetu malu aa, newikale muena mudimu muimpe wa Yezu Kristu. Neuleje muudi ukeba tshiakudia tshiebe tshia muoyi, mu miaku ya ditaba, ne mu malongesha malelela avuabu bakulongeshe.

1 Timote 5:22

Kutenteki muntu bianza lukasalukasa bua kumupesha muanzu mu Tshisumbu tshia bena ditaba. Kubuelakanyi mu mibi idi bantu bakuabu benza. Wewe kabidi kuenji bibi.

1 Timote 6:12

Mu mvita ya kukolesha ditaba diebe, uluangane bimpe, bua upete muoyi wa kashidi. Mvidi mukulu mmukubikile ku muoyi ewu, pauvua mujukule ditaba diebe ne miaku milenga, bantu ba bungi bumvue, bajadike muuvua wamba.

2 Timote 3:10

Kadi wewe uvua mundonde mu bimvua ndongesha, mu bimvua ngenza, kabidi ne mu bimvua ngipatshila. Uvua muidikije ditaba dianyi, lutuulu banyi, dinanga dianyi, muoyi mukole umvua nawu.

2 Timote 3:14

Kadi wewe, vuluka amu bimpe bivuabu bakulongeshe, biuvua muitabe, mujadike. Udi mumanye kabidi bavua bakulongeshabi.

Ebrewu 2:17

Ke patataye ne bua kufuanangana ne bana babu ku malu onsu, bua kuikalaye mutuangaji wabu munene, udi ne luse lua bungi, kabidi udi Mvidi Mukulu wanyisha, bua amone mua kujimija mibi ya bantu.

1 Samuele 2:35

Pashishe meme nendisunguile mutuangaji udi mua kuenza ne muoyi umue tshindi musue. Nemmupeshe ndelanganyi idi mua kuenza mudimu wa butuangaji kashidi kumpala kua mukalenga ungikala musungule.