2 Timote 1:4 - MUKANDA WA MYIDI MUKULU

⁴ Ndi mvuluka binsonji biebe. Meme kabidi ndi njinga bikole kukumona, bua meme kusanka disanka dinene.

Mukanda wa Nzambi Dihungila Dikulukulu ne Dihungila Dihia-dihia 2003

⁴ njinga kukutangila, nvuluka binsonshi biebe, bua meme kûshibua ne disanka.

2 Timote 1:4 교차 참조

Misambu 126:5

Muntu udi umiamina maminu, wenda udila, neele mbila ya disanka padiye unowa.

Yeshaya 61:3

bua kusankisha bena mu Siyone badi badila muadi. Ndi ne bua kubasa tshifulu tshia lumu, pa mutu pa butu buvuabu babalabe ku mitu. Ndi ne bua kubalaba mafuta a mupuya muimpe, bua kumusha dibungama didi pa mpala yabu. Ndi ne bua kubavuadika tshilamba tshia tshibilu, bua kumusha kanyinganyinga kadi mu muoyi wabu. Nanku nebabafuanyikije ne mitshi idi isankisha Mvidi Mukulu, nansha ne lupangu luimpe ludi luleja butumbi bua Maweja-Nangila.

Yirmeya 31:13

Nanku, bansongakaji nebaje maja a disanka. Nansha bansongalume mene, ne bakulumpe nebasanke. Bualu Maweja-Nangila udi wamba ne: Nenkudimune kanyinganyinga kabu, kandamuke disanka. Nembasambe, ngumusha ntatu buabu nayi. Nembuwuje ne disanka.

Yowanane 16:22

Ke munudi nubungama nuenu kabidi mpindiewu. Kadi nennumone tshiakabidi. Muoyi wenu neusanke. Kakuakuila muntu nansha umue udi mua kununyenga disanka dienu.

Yowanane 16:24

Too ne mpindiewu kanuena banji kulomba tshintu mu dina dianyi. Lombayi, nenupete, bua disanka dienu dikale dijima.

Bienzedi 20:19

Mvua mukuatshile Mfumu mudimu ne bupuekele buonsu. Bena Yuda bavua bambungamija, bankengesha, bualu bavua bangelela bifufu bibi.

Bienzedi 20:31

Nanku nuikale batabale. Nuvuluke ne: bidimu bisatu butuku ne munya, mvua mbela yonsu wa kunudi, nansha ne binsonji ku mesu.

Rome 1:11

Bualu ndi njinga bikole kunumona, bua kunutuadila mapa makuabu a Mueyelu wa Tshijila adi mua kunukolesha mu ditaba.

Filipe 1:8

Mvidi Mukulu mmujadike bulelela bua bindi ngamba ebi se: ndi mununange bonsu ne dinanga dinene didi Yezu ununanga nadi.

Filipe 2:26

mMunusamine bonsu muoyi, mulubakane kabidi, bualu nuvua bumvue ne: udi usama.

1 Tesalonike 2:17

Bana hetu, tuvua bashiyangane nenu bua tshitupa tshipi, kabidi amu bua mubidi. Bualu tudi amu tuenda nenu mu meji etu. Kadi bu mutuvua bajinge bikole kumonangana nenu, tuvua benze muetu muonsu bua kupeta mushindu wa kunukumbula tshiakabidi.

2 Timote 4:21

Kolesha, ufike lukasa, muvu wa mashika kauyi muanji kufika. Ebuluse, Pudense, Linuse, Klodiya, ne bena ditaba bakuabu bonsu, badi banutumina muoyi.

2 Timote 4:9

Kolesha, bua umpete lukasa.

1 Yone 1:4

Tudi tunufundila ebi, bua tusanke, tutshionkomoke.

Didimanyisha 21:4

Neabakuupule binsonji bionsu ku mesu. Lufu kaluakuikalaku kabidi, nansha madilu, nansha miadi, nansha dikenga. Bikulukulu nebishile bipiabipia muaba.’’

Didimanyisha 7:17

Bualu Muana wa mukoku udi munkatshi mua nkuasa wa butumbi neikale mulami wabu. Neabafikishe ku mpokolu idi ne mayi adi afila muoyi. Mvidi Mukulu neabakupule binsonji bionsu ku mesu.