2 Samuele 9:13 - MUKANDA WA MYIDI MUKULU

¹³ Bu muvua Mefibaale mutshibuke mikolu yonsu ibidi, kusombelaye mu Yerushalayime, bua amone mua kudia ne mukalenga Davide ku mesa matuku onsu.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Nunku Mefibosheta wakashikama mu Yelushalema; wakadia bidia ku mesa a mukelenge matuku onso: yeye wakadi mulema.

2 Samuele 9:13 교차 참조

2 Samuele 19:27

Mefibaale kuandamuna ne: — Mukalenga, muena mudimu wanyi ke uvua munshime! Meme mvua muambe ne: “Bu mundi tshiyi ngenda bimpe, ndi musue kusuika biseba bia kusomba pa nyama wanyi wa mpunde, mbande pa nyama, bua tuye ne mukalenga Davide.”

2 Samuele 4:4

Yonatane, muana wa Shawule, uvua mushiye kabidi muana wa balume, dina diende Mefibaale Muana awu uvua mutshibuke mikolu yonsu ibidi. Pavua lumu lua lufu lua Shawule ne Yonatane lufume mu tshimenga tshia Yizreyele, Mefibaale uvua ne bidimu bitanu. Nanku, ndeji wa muana ewu, kumuela ku lubesa bua kunyema nende. Kadi pavuaye unyema, muana kufinuka kudishinda, kutshibuka.

2 Samuele 9:12

Mefibaale uvua ne muana wa balume, dina diende Mika. Bantu bonsu bavua mu nzubu wa Siba bavua anu bakuatshila Mefibaale mudimu.

2 Samuele 9:3

Mukalenga Davide kumukonka kabidi ne: — Mu nzubu mua Shawule, kamuena mushalaku muntu nansha umue bua meme kumuenzela bimpe mu dina dia Maweja-Nangila anyi? Siba kuandamuna ne: — Muana wa Yonatane mmushale, kadi mmutshibuke mikolu.

2 Samuele 9:7

Davide kumuambila ne: — Kutshinyi to. Ndi nkuenzela bimpe mu dina dia tatuebe Yonatane. Ndi kupingajila maloba onsu avua a kakuebe Shawule. Newikale udia nanyi ku mesa matuku onsu.

Yirmeya 52:33

Uvua mukandike bua Yoyakine kavuadi bilamba bia bena lukanu. Yoyakine uvua udiila mpindiewu anu ku mesa a mukalenga wa bena Babilone.