2 Samuele 8:18 - MUKANDA WA MYIDI MUKULU

¹⁸ Benaya, muana wa Yoyada, uvua mulombodi wa bena Kireti, ne bena Peleti, bena mvita bavua balame mukalenga Davide. Bana ba Davide bavua batuangaji kabidi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Benaya, muana wa Yehoyada, wakadi ku mutu kua Bena Kelete ne Bena Pelete; bana balume ba Davidi bakadi miloho yandi.

2 Samuele 8:18 교차 참조

2 Samuele 15:18

Bena mudimu ba mukalenga Davide bonsu, kutuadija kuenda kumpala kua mukalenga: bena Kereti ne bena Peleti, bena mvita bavua balame mukalenga; pashishe bena mvita nkama isambombu ba bena Ngate bavua ku luseke lua mukalenga Davide. Bonsu kuendabu kumpala kua mukalenga Davide bua abamone.

2 Samuele 20:23

Yowabe uvua mfumu wa bena mvita bonsu ba bena Izrayele. Benaya, muana wa Yoyada, uvua ulombola bena Kreti ne bena Peleti, bavua balame mukalenga Davide.

2 Samuele 20:26

Ira, muana wa ku ndelanganyi ya Yayire, uvua kabidi mutuangaji, wenzela mukalenga Davide mudimu.

2 Samuele 20:7

Nanku bena mvita bavua Yowabe ulombola, ne bena Kereti ne bena Peleti, bavua balama mukalenga Davide, mmumue ne: bena mvita bonsu bavua bamanye mvita bikole, kuyabu ne Abishayi mu mvita, kumukabu mu Yerushalayime, benda balondakaja Sheba.

1 Bakalenga 1:38

Mutuangaji Sadoke, muambi Natane, Benaya, muana wa Yoyada, bena Kreti ne bena Peleti bavua balame mukalenga Davide, kuya kudi Shelomu. Kumubandishabu pa nyama wa mpunde wa mukalenga Davide wa bukalenga, kuya nende ku mpokolu wa ku Ngikone.

1 Bakalenga 1:44

Davide mmutume diyi kudi mutuangaji Sadoke, kudi muambi Natane, kudi Benaya, muana wa Yoyada, ne kudi bena Kreti ne bena Peleti badi bamulame, bua baye ne Shelomu. Bantu abu, bavua babandishe Shelomu pa nyama wa mpunde wa bukalenga.

1 Bakalenga 1:8

Kadi mutuangaji Sadoke, ne Benaya, muana wa Yoyada, nansha muambi Natane, ne Shimeyi, Reyi, kabidi ne bena mvita bavua balame mukalenga Davide, kabavua baditua ku tshia Adoniya to.

1 Bakalenga 2:25

Nanku Shelomu kutuma Benaya, muana wa Yoyada, bua kushipa Adoniya. Ke muvua Adoniya mufue nanku.

1 Bakalenga 4:4

Benaya, muana wa Yoyada, uvua mfumu mulombodi wa bena mvita. Sadoke ne Abiyatare, batuangaji.

1 Bakalenga 4:5

Azariya, muana wa Natane, uvua mfumu wa balombodi ba mu bukalenga; Zabude, muana wa Natane, uvua mutuangaji, kabidi mufidi wa ngenyi wa mukalenga Shelomu.

2 Bakalenga 11:4

Mu tshidimu tshia muanda mutekete, mutuangaji Yoyada kubikidisha balombodi ba bena Kari, ne ba bena mvita bakuabu bavua balama mukalenga. Kuyaye nabu mu nzubu wa Mvidi Mukulu. Kutuaye nabu ndondu, kuditshipabu. Pashishe, kubalejaye muana wa balume wa mukalenga Akaziya.

1 Kulondolola 11:22

Benaya wa mu tshimenga tshia Kabseyele, muana wa Yoyada, ne muikulu wa muena mvita wa bukitu, uvua muleje bukitu buende misangu ya bungi. Benaya ke uvua mushipe ba Ariyele babidi ba bena Mowabe. Dituku dikuabu, tshikondu tshivua mvula wa neje uloka, Benaya kubuela mu tshiina tshia mayi, bua kushipa nyama wa ntambue uvua mu tshiina amu.

1 Kulondolola 18:17

Benaya, muana wa Yoyada, uvua mulombodi wa bena Kereti ne bena Peleti, bena mvita bavua balama mukalenga Davide. Bana ba Davide bavua ne muanzu munene mu bukalenga buende.

Yezekiyele 25:16

Nanku, meme Maweja-Nangila Mvidi Mukulu ndi mbamanyisha ne: Nembanyoke. Nembutule bantu bonsu aba badi bafume ku Kaftore, baye kusomba ku muelelu wa mayi manene.

Sefanya 2:5

Nuenu badi bafumine ku Kaftore, basombe ku muelelu wa mayi manene, nudi bena diakabi! Maweja-Nangila udi wamba ne: “Wewe Kenaane, ditunga dia bena Peleshete nenkunyangakaje. Neushale munda mutupu.

1 Samuele 30:14

Bangabanga tuvua baluishe bantu badi basombe kuinshi mu ditunga, mu buloba bua bena Kereti, bua bena Yuda ne bua bena Kalebe. Pashishe tuetu kuosha tshimenga tshia Siklaje.