2 Samuele 3:14 - MUKANDA WA MYIDI MUKULU

¹⁴ Ke Davide kutuma bantu kudi Ishebaale, muana wa Shawule, bua kumuambila ne: “Umpingajile mukajanyi Mikale, umvua musele ku makoba lukama a misosu ya bena Peleshete.”

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Davidi wakatumina Ishi-boshete, muana wa Shaula, ba-messager, bakamuambila ne, Untumine mukashi wanyi Mikala unakafidila tukoba tua Bena Peleshete lukama bualu buandi.

2 Samuele 3:14 교차 참조

2 Samuele 2:10

Tshikondu atshi, Ishebaale uvua ne bidimu makumi anayi. Kushalaye mu bukalenga bidimu bibidi. Anu bena Yuda nkayabu ke bavua banyishe bukalenga bua Davide.

2 Samuele 3:15

Nanku Ishebaale kubikidisha Mikale uvua kua bayende Palti yele, muana wa Layishe.

2 Samuele 6:16

Musangu uvua mushete mufike mu Tshimenga tshia Davide, Mikale, muana wa Shawule, uvua mutangile pa dididishi. Kumonaye mukalenga Davide uja maja, unyunguluka kumpala kua mushete. Ke Mikale kudiula mukalenga Davide bikole.

Matayi 1:18

Bavua balela Yezu Kristu mushindu ewu. Mamuende Mariya uvua mubangila kudi Yozefe. Kadi kayi muanji kuya kudi bayende, kudimonaye muikale ne difu ku bukole bua Mueyelu wa Tshijila.

1 Samuele 18:25

Ke Shawule kubatuma ne: — Ambilayi Davide ne: “Mukalenga Shawule kena ukulomba lupetu lua tshibidilu bua dibaka edi to. Kadi, udi ukulomba anu makoba lukama a misosu ya bena Peleshete, bua kusombuelaye baluishi bende.” Shawule uvua wela meji ne: ke mudibu mua kushipa Davide kudi bena Peleshete.

1 Samuele 18:27

Davide ne bena mvita bavuaye nabu kuya mu mvita, kushipa bena Peleshete nkama ibidi. Davide kuangata makoba a misosu yabu, kuya nawu kua Shawule bua baabale bungi buawu, bua kushalaye muku wende. Ke Shawule kupesha Davide muanende wa bakaji Mikale, bua ikale mukajende.

1 Samuele 25:44

Mukaji wa kumpala wa Davide uvua Mikale, muana wa Shawule. Kadi tatuende Shawule uvua mumane kumuselesha, kudi Palti, muana wa Layishe, muena Ngalime.