2 Samuele 21:7 - MUKANDA WA MYIDI MUKULU

⁷ Mukalenga Davide kufuila Mefibaale, muana wa Yonatane, muikulu wa Shawule luse, bualu uvua mumane kutua ndondu wa bulunda ne Yonatane mu dina dia Maweja-Nangila.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Kadi mukelenge wakasungila Mefibosheta, muana wa Yonatana, muana wa Shaula, bualu bua kuditshiha kuakaditshiheye nʼaku kudi Yehowa bualu buabo, kuakadi hankatshi ha Davidi ne Yonatana, muana wa Shaula.

2 Samuele 21:7 교차 참조

2 Samuele 16:4

Mukalenga Davide kumuambila ne: — Nanku ndi nkupesha bintu bionsu bivua bia Mefibaale. Siba kutua mpala panshi, wamba ne: — Mukalenga, tuasakidila! Udi mungenzele bimpe.

2 Samuele 19:25

Mefibaale, muikulu wa Shawule, uvua muye kabidi bua kusambakena ne mukalenga Davide. Kadi biangatshile dituku divua mukalenga Davide mumuke too ne dituku divuaye mupingane mu Yerushalayime ne bukole bua mubidi, Mefibaale kavua mukose miedi, kavua mowa mayi ku makasa, nansha musukule bilamba biende.

2 Samuele 4:4

Yonatane, muana wa Shawule, uvua mushiye kabidi muana wa balume, dina diende Mefibaale Muana awu uvua mutshibuke mikolu yonsu ibidi. Pavua lumu lua lufu lua Shawule ne Yonatane lufume mu tshimenga tshia Yizreyele, Mefibaale uvua ne bidimu bitanu. Nanku, ndeji wa muana ewu, kumuela ku lubesa bua kunyema nende. Kadi pavuaye unyema, muana kufinuka kudishinda, kutshibuka.

2 Samuele 9:1

Dituku dikuabu, Davide kukonka ne: — Mu nzubu mua Shawule, kamuena muntu nansha umue udi mushale ne muoyi anyi? Ndi musue kumuenzela bimpe mu dina dia Yonatane.

2 Samuele 9:10

Wewe Siba, bana bebe ne bena mudimu bebe, nudimine Mefibaale madimi, bua kupetaye biakudia. Kadi netuikale tudia ne Mefibaale ku mesa anyi matuku onsu. Siba uvua ne bana ba balume dikumi ne batanu. Uvua ne bena mudimu makumi abidi.

2 Samuele 9:6

Mefibaale, muana wa Yonatane, muikale muikulu wa Shawule, mumane kufika kua Davide, kudielaye mpala panshi kumpala kua mukalenga Davide. Davide kumukonka ne: — Wewe ke Mefibaale anyi? Mefibaale kuitaba ne: — Eyowa, mukalenga, mmeme.

2 Samuele 9:7

Davide kumuambila ne: — Kutshinyi to. Ndi nkuenzela bimpe mu dina dia tatuebe Yonatane. Ndi kupingajila maloba onsu avua a kakuebe Shawule. Newikale udia nanyi ku mesa matuku onsu.

Muambi 8:2

Padi mukalenga wakula, bidi bimpe kumuitaba. Tuvua bamulaye kumpala kua Mvidi Mukulu bua kumutumikila.

1 Samuele 18:3

Kadi bu muvua Yonatane munanga Davide bikole, kutuabu ndondu wa bulunda kashidi.

1 Samuele 20:12

Yonatane kuambila Davide kabidi ne: — Mu dina dia Maweja-Nangila Mvidi Mukulu wa Izrayele, ndi nkulaya ne: malaba nansha dituku didi dilonda, anu pa diba ditudi nebe edi, nenkonke tatu bua meme kumanya meji adi munda muende. Pikala tatu kayi ne bualu, meme tshiena nkumanyisha bualu to.

1 Samuele 20:15

Tshikondu tshidi Maweja-Nangila ubutula baluishi bebe pa buloba, ku umue ku umue, wafuilaku kabidi ndelanganyi yanyi luse.

1 Samuele 20:17

Yonatane kuambila kabidi Davide bua aditshipe bua kujadika mudiye munange Yonatane. Bualu Yonatane uvua munange Davide ne muoyi mujima.

1 Samuele 20:42

Ke Yonatane kuambila Davide ne: — Uye bimpe. Kadi uvuluke ndondu wa bulunda utudi batue nebe mu dina dia Maweja-Nangila, tuamba ne: “Anu Maweja-Nangila nkayende atuambuluishe bua tukumbaje ndondu ewu nebe kashidi, too ne ku ndelanganyi yetu.”

1 Samuele 20:8

Nanku, wewe undeje muudi munnange. Bualu tudi batue nebe ndondu wa bulunda mu dina dia Maweja-Nangila. Pangikala muenze bualu bubi bua mushindu kaayi, unshipe wewe nkayebe pa mutu pa kumfila kudi tatuebe Shawule.

1 Samuele 23:18

Yonatane ne Davide kutua ndondu wa bulunda mu dina dia Maweja-Nangila. Ke Yonatane kupingana kuende, Davide kushalaye ku Orsha.

1 Samuele 24:22

Nanku utshipe mu dina dia Maweja-Nangila, bua pangikala mumane kufua, ushale kulama ndelanganyi yanyi bimpe, bua dina dianyi ne dia bena diku dianyi kadijiminyi kashidi to.