2 Samuele 20:1 - MUKANDA WA MYIDI MUKULU

¹ Mu Ngilgale, muvua muntu mukuabu mutshimbakane, muena Binyamine, dina diende Sheba, muana wa Bikri. Sheba uvua wela mpungi, wamba ne: — Davide katuena nende bualu to, katuena basue kulonda muana wa Ishayi to! Bena Izrayele, pinganayi ku nzubu yenu!

Mukanda wa Nzambi Dihungila Dikulukulu ne Dihungila Dihia-dihia 2003

¹ Muntu mubi wakadiku, dina diandi Sheba, muana wa Bikili, Muena Benyamina; yeye wakela mpungi, Wamba ne, Tuetu katuena ne tshituha kudi Davidi, katuena ne buhianyi kudi muana wa Yishai, nuenu Bena Isalele, muntu ne muntu ahingane ku ntenta wandi.

2 Samuele 20:1 교차 참조

Genese 46:21

Binyamine uvua mulele bana ba balume dikumi: Bela, Bekere, Ashebele, Ngera, Namane, Ehi, Roshe, Upime, Mupime ne Arde.

2 Samuele 15:10

Pavuaye mu tshimenga atshi, kutumaye bantu bende mu musokoku mu bimenga bionsu bia bena Izrayele. Bantu abu, bavua baye bua kuambila bena Izrayele ne: “Panuikala bumvua miadi ya mpungi, nuele mbila ne: Absalome ke udi mushale mukalenga mu Ebrone.”

2 Samuele 16:11

Mukalenga Davide kuambila kabidi balombodi bonsu ba mu bukalenga buende ne Abishayi ne: Pikala muananyi, muananyi menemene undi mulela, ukeba mua kunshipa, kanukemi bua padi Shimeyi, muena Binyamine, umpenda. Mulekelayi, ampende! Misangu mikuabu, Maweja-Nangila ke udi mumutume bua kumpendaye.

2 Samuele 16:7

Shimeyi uvua upenda mukalenga Davide ne: — Umuka, umuka, muntu mutshimbakane, mushipianganyi!

2 Samuele 18:17

Kuambulabu tshitalu tshia Absalome, kutshimansha mu tshiina tshinene tshiwa mu ditu amu. Pashishe kunguijabu mushiki munene wa mabue pa tshitalu atshi. Diba adi, bena mvita ba Absalome kunyema, muntu yonsu kuya ku nzubu kuende.

2 Samuele 20:2

Nanku bena Izrayele kumuka kudi Davide, kuya kudi Sheba. Anu bena Yuda nkayabu kushala kudi mukalenga wabu bua kumuka nende ku Yardene, kuya ku Yerushalayime.

2 Samuele 20:22

Mukaji kuya kudi bana babu, kubabela bimpe. Nanku kukosabu mutu wa Sheba, kuwimanshilabu Yowabe. Yowabe kuelesha mpungi. Diakamue bena mvita bonsu kumukabu. Kupinganabu kuabu. Yowabe kupingana kudi mukalenga Davide mu Yerushalayime.

2 Samuele 23:6

Kadi bonsu badi bapepeja Mvidi Mukulu, badi bu matamba a mitshi ya meba adibu bimansha, kabayi mua kuambula mu tshianza patupu.

1 Bakalenga 12:16

Bena Izrayele ba ku mutu, bamane kumvua ne: mukalenga Robowame kena muitabe dilomba diabu, kuandamunabu ne: — Davide katuena nende bualu, katuena basue kulonda muana wa Ishayi to! Bena Izrayele, tupinganayi ku nzubu yetu; wewe muntu wa ku ndelanganyi ya Davide, shala ne bukalenga buebe mpindiewu! Ke bena Izrayele kumuka muaba awu.

1 Bakalenga 21:10

Muaba udi Nabote muimanyine awu, nushikikepu bantu babidi bena dikamakama, bikale balulamangane ne Nabote. Bantu abu, nebamushiminyine ne: Nabote udi usendeka Mvidi Mukulu, usendeka ne mukalenga Akabe. Pashishe, nupatuke nende mu tshimenga, numuase mabue, numushipe.”

2 Kulondolola 10:16

Bena Izrayele ba ku mutu wa ditunga bamane kumvua ne: mukalenga Robowame kena muitabe dilomba diabu, kumuambilabu ne: — Davide katuena nende bualu to. Katuena basangisha tshintu ne muana wa Ishayi ewu to! Bena Izrayele, jukayi, tupingane kuetu, wewe, muntu wa ku ndelanganyi ya Davide, angataku bukalenga buebe! Bena Izrayele kumuka muaba awu.

2 Kulondolola 10:6

Mukalenga Robowame kukonka lungenyi kudi bakulu bavua tatuende Shelomu wenza nabu mudimu, patshivuaye ne muoyi. Robowame kubakonka ne: — Nudi numpeshaku lungenyi kaayi bua meme kuandamuna bantu aba?

Misambu 17:13

Maweja-Nangila, juka, ubaluishe, ubafuishe binu. Patula muela webe, unsungidile.

Misambu 34:19

Udi pabuipi ne badi ne kanyinganyinga, upandisha badi kabatshiyi ne ditekemena.

Nsumuinu 25:8

Wewe mumone bualu, lekela kuzukila bua kuya nabu ku tshilumbu. Pikala muntu uudi mufunde mukupishe, neuvue kuenza kabidi tshinyi?

Nsumuinu 26:21

Makala adi alama mbabula utema, nkunyi idi itemesha kapia muiku, muena mutoyi udi ujudija matandu.

Marke 3:24

Padi badi mu bukalenga baluangana nkayabu, bukalenga ebu kabuena mua kutungunuka nansha.

Luke 19:14

Kadi bena ditunga diabu bavua bamukina. Ke kutumabu bantu kuvuaye uya ne mukenji ne: “Katuena basue bua muntu ewu ikale mukalenga wetu to.”

Luke 19:27

Kadi bena lukuna banyi bavua kabayi basue bua meme kuikala mukalenga wabu, fikayi nabu apa. Nubashipe, meme mutangile.”

Yowanane 13:8

Petro kumuamba ne: — To, katshia kuena mua kungowesha mayi ku makasa nansha! Yezu kumuandamuna ne: — Meme tshiyi mukuoweshe mayi ku makasa, kuena mua kupeta kabidi tshintu nansha tshimue kundi.

Dielulula 13:13

Dituku dikuabu, nudi mua kumvua ne: mu tshimue tshia ku bimenga, bidi Maweja-Nangila Mvidi Mukulu wenu munupe bua kusomba,

Balombodi 19:22

Kadi pavua benyi abu badia, basanka mu nzubu, bena buenzayi ba mu Ngibeya kunyungulula nzubu awu, kukokola ku tshiibi. Kuambilabu mukulumpe muena nzubu ne: — Patula muntu mulume uudi muakidile kuebe eku. Tudi basue ikale mukajetu.

Balombodi 3:27

Mumane kufika muaba awu, kuelaye mpungi bua kubikila bena Izrayele ba mu buloba bua mikuna bua bena Efrayime. Pashishe kupitaye kumpala kuabu bua kupueka nabu ku mukuna, ubambila ne:

Rute 2:3

Ke Rute kuya ku budimi, wenda upumbulula biakudia bivua banowi bashiya mu budimi. Diakalenga, budimi abu buvua bua Bowaze, wa mu diku dia ba Elimeleke.

1 Samuele 13:2

Shawule kusungula bena mvita binunu bisatu munkatshi mua bena Izrayele. Bena mvita binunu bibidi kushala nende ku Mikmase, ne mu buloba bua mikuna bua Betele. Bena mvita bakuabu tshinunu, kuasa mu buloba bua Binyamine, mu tshimenga tshia Ngibeya, pamue ne Yonatane, muana wa Shawule. Shawule kupingaja bena Izrayele bakuabu ku nzubu yabu.

1 Samuele 2:12

Bana ba balume ba mutuangaji Eli bavua bantu babi. Kabavua batshina Maweja-Nangila to.

1 Samuele 30:22

Kadi bena mvita bavua baye ne Davide ku mvita, kabawa ne lungenyi to, bualu bavua ne lukinu. Nanku, kuambilabu Davide ne: — Bu muvua bantu aba kabayi baye netu mu mvita, kabena mua kubapa bintu bitudi banyenga mu mvita to. Muntu yonsu angate anu mukajende ne bana bende, aye nabu.