2 Samuele 19:25 - MUKANDA WA MYIDI MUKULU

²⁵ Mefibaale, muikulu wa Shawule, uvua muye kabidi bua kusambakena ne mukalenga Davide. Kadi biangatshile dituku divua mukalenga Davide mumuke too ne dituku divuaye mupingane mu Yerushalayime ne bukole bua mubidi, Mefibaale kavua mukose miedi, kavua mowa mayi ku makasa, nansha musukule bilamba biende.

Mukanda wa Nzambi Dihungila Dikulukulu ne Dihungila Dihia-dihia 2003

²⁵ Hakafikeye ku Yelushalema bua kusangakeneye ne mukelenge, mukelenge wakamuebesha ne, Mefibosheta, kuakumuka nʼanyi bua tshinyi?

2 Samuele 19:25 교차 참조

2 Samuele 16:17

Absalome kumukonka ne: — Ke muebe muonsu muudi unanga mulunda webe Davide nanku! Kuena muye nende bua tshinyi?

2 Samuele 4:4

Yonatane, muana wa Shawule, uvua mushiye kabidi muana wa balume, dina diende Mefibaale Muana awu uvua mutshibuke mikolu yonsu ibidi. Pavua lumu lua lufu lua Shawule ne Yonatane lufume mu tshimenga tshia Yizreyele, Mefibaale uvua ne bidimu bitanu. Nanku, ndeji wa muana ewu, kumuela ku lubesa bua kunyema nende. Kadi pavuaye unyema, muana kufinuka kudishinda, kutshibuka.

2 Samuele 9:6

Mefibaale, muana wa Yonatane, muikale muikulu wa Shawule, mumane kufika kua Davide, kudielaye mpala panshi kumpala kua mukalenga Davide. Davide kumukonka ne: — Wewe ke Mefibaale anyi? Mefibaale kuitaba ne: — Eyowa, mukalenga, mmeme.