2 Samuele 17:23 - MUKANDA WA MYIDI MUKULU

²³ Akitofele umona ne: kabena bitabe lungenyi luende, kusuikaye biseba bia kusomba pa nyama wende wa mpunde, kupinganaye mu tshimenga tshia Ngilo, nuwuaye musombela. Kulayaye bena nzubu wende, pashishe kudiowaye. Kumujikabu mu lukita lua tatuende.

Mukanda wa Nzambi Dihungila Dikulukulu ne Dihungila Dihia-dihia 2003

²³ Hakatangila Ahitofele ne, Bakahidia lungenyi luanyi, yeye wakela tshiseba ha nyima ha nyama wandi wa mpunda, wakajuka, wakaya kuandi ku musoko wandi, wakalongolola malu a mu nsubu wandi, wakadiowa, wakafua, bakamujika mu lukita lua tatu wandi.

2 Samuele 17:23 교차 참조

2 Samuele 15:12

Pavua Absalome ulambula milambu, kubikidishaye Akitofele, mufidi wa ngenyi wa mukalenga Davide, uvua musombela mu tshimenga tshia Ngilo. Nanku, bantu bavua ku luseke lua Absalome bavua benda basangana. Buntomboji buabu buvua buenda bukole.

2 Samuele 15:31

Kuambilabu Davide ne: Akitofele udi munkatshi mua bantu badi ku luseke lua Absalome, bakeba mua kuangata bukalenga. Ke Davide kuamba ne: “Maweja-Nangila ndi nkusengelela ne: ngenyi yonsu idi Akitofele ufila, ikale ya budingidingi, kayiyi mimpe to”

2 Samuele 16:23

Tshikondu atshi, mubelu onsu uvua Akitofele ubela muntu, bavua bauteleja amu bu diyi dia Mvidi Mukulu mene. Nansha Davide nansha Absalome bavua bateleja ngenyi ayi, bayikumbaja.

2 Samuele 17:22

Nanku, Davide kujuka lukasa ne bantu bavuaye nabu, kusabuka Yardene. Butshia dinda, bantu bonsu bavua bamane kusabuka, kakuyi muntu mushale nansha umue.

1 Bakalenga 16:18

Zimri umona ne: mbamane kukuata tshimenga tshia Tirsa, kunyemenaye mu tshibambalu tshikuabu tshia nzubu wa bukalenga. Kutuaye kapia ku tshibambalu atshi, kufuaye mu kapia.

2 Bakalenga 20:1

Tshikondu atshi, mukalenga Izkiya kupeta disama dia lufu. Muambi Yeshaya, muana wa Amosa, kufika bua kumusamba, umuambila miaku ivua Maweja-Nangila muambe ne: — Diba diakumbanyi bua wewe kudilongolola, bualu mu disama edi, kuena upanda to, neufue.

Yobe 31:3

Nudi nuamba ne: “Muena tshibawu udi upeta dikenga, benji ba malu mabi badi babutuka.”

Misambu 109:20

Ke mudi Maweja-Nangila wenzela bonsu badi bansonguela kudiye, ne badi banjana nanku.

Misambu 5:10

Katuena mua kuitaba bidi baluishi banyi bamba. Badi bela meji amu bua kubutula bantu. Miaku yabu idi itukebela lufu. Badi bakula bua kudinga bantu.

Misambu 55:23

Teka bujitu bua pa makaya ebe mu bianza bia Mvidi Mukulu. Neakukankamike, kakuanyisha bua muntu wende apungile nabu.

Nsumuinu 16:18

Udi uditambisha neabutuke. Udi udisua neapone panshi.

Nsumuinu 19:3

Padi bantu badikebela makenga ku bupote buabu, badi bajana Maweja-Nangila.

Yeshaya 38:1

Tshikondu atshi, mukalenga Izkiya kupeta disama dia lufu. Muambi Yeshaya, muana wa Amose kufika kudiye bua kumusamba. Kumumanyishaye miaku ivua Maweja-Nangila muambe ne: “Diba diebe ndimane kukumbana. Udilongolole, bualu kuena upanda ku disama edi. Neufue.”

Matayi 27:5

Yudase kuimansha nkanu ayi mu nzubu wa Mvidi Mukulu, kumukaye. Pashishe kuyaye kudiowa.