2 Samuele 13:22 - MUKANDA WA MYIDI MUKULU

²² Bu muvua Amnone mubuelele muakunyende Tamare mu nzubu ku bukole, Absalome kumujila, kumukina bikole bipite.

Mukanda wa Nzambi Dihungila Dikulukulu ne Dihungila Dihia-dihia 2003

²² Abashaloma kakambila Amenona mei mimpe anyi mei mabi; Abashaloma wakadi ne Amenona lukuna bualu bua yeye wakakuata muanʼabo mukashi Tamâ ku bukole.

2 Samuele 13:22 교차 참조

Genese 24:50

Labane ne Betuyele kumuandamuna ne: — Bualu ebu mbulongolola kudi Maweja-Nangila nkayende. Tuetu katuena ne diyi dia kuamba.

Genese 31:24

Butuku abu Mvidi Mukulu kumuenekela Labane muena Arame mu tshilota, umukandika ne: — Udimuke, kukengeshi Yakobe ku bualu nansha bumue.

Genese 31:29

Meme ndi mua kukuenzela bibi. Kadi Mvidi Mukulu wa tatuebe Izake mmunkandike butuku bua lelu ne: “Udimuke, kukengeshi Yakobe ku bualu nansha bumue.”

2 Samuele 13:21

Mukalenga Davide kupeta lumu lua bionsu bivua bienzeka abi. Kufikaye munda bikole. Kadi kena mutandishe Amnone to, bualu uvua muanende muanabute, kabidi uvua mumunange bikole.

Nsumuinu 10:18

Muntu udi utekelangana lukinu mu musokoku, udi muena lubombu. Yonsu udi utumpilangana malu ku mesu a bantu, mmuntu mutshimbakane.

Nsumuinu 25:9

Wewe mutandangane ne muena mutumba nebe, umvuangane nende. Kadi kusokolodi malu ende masokome avua muntu mukuabu mukuambile.

Nsumuinu 26:24

Muena lukinu udi wakula bualu buimpe usokoka muoyi wende mubi. Munda muende udi ukeba amu kudinga bantu.

Nsumuinu 26:26

Udi ne budimu bua kusokoka lukinu luende. Kadi bantu bonsu nebajingulule bubi buende.

Muambi 7:9

Kufiki munda lukasa, bualu tshiji mmudimu wa bantu bapote.

Matayi 18:15

— Padi muanenu mukuenzele bibi, uye kumonangana nende bua kumuleja bubi buende. Kadi nuikale nende amu babidi. Pikalaye mukuteleje, wewe ke udi mumupingaje munkatshi muenu.

Efeze 4:26

Panudi ne tshiji, kanuenji bibi. Tshiji tshienu katshinengi too ne ku dilolu.

Efeze 4:31

Lekelayi kanyinganyinga konsu, bumfika munda, ne tshiji tshionsu. Kanuedianganyi mbila ya bipendu. Kanuikadi ne lukinu kudi muntu nansha umue.

1 Yone 2:11

Kadi muntu udi ukina muanabu, udi wenda mu miidima. Udi wendamu, kayi nansha mumanye kudiye uya. Bualu miidima mmimupofamije mesu.

1 Yone 2:9

Muntu udi ujadika ne: ndi ngenda mu butoke, kadi ukina muanabu, utshidi mu miidima.

1 Yone 3:10

Badi mua kujingulula patoke bana ba Mvidi Mukulu ne bana ba diabolu nenku: muntu yonsu udi kayi wenza malu makane, anyi kayi unanga muanabu, kena muana wa Mvidi Mukulu.

1 Yone 3:12

Katuikadi bu Kayine uvua muntu wa Muena bubi, ushipa muanabu. Wakamushipa bua tshinyi? Bualu malu avua Kayine wenza avua mabi. Avua muanabu wenza avua mimpe.

1 Yone 3:15

Muntu yonsu udi ukina muanabu mmushipianganyi. Nudi bamanye ne; mushipianganyi kena ne muoyi wa kashidi munda muende.