2 Samuele 13:20 - MUKANDA WA MYIDI MUKULU

²⁰ Mukuluende Absalome kumukonka ne: — Muakunyanyi wa bakaji! Amnone mmukubuelele mu nzubu ku bukole anyi? Lekela mutoyi, bualu ebu kabukutondi to. Amnone mmuanenu! Biangatshile diba adi, Tamare kusomba ku nzubu kua mukuluende Absalome ne kanyinganyinga, bu mukaji udibu babenga ku dibaka.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Abashaloma, muanʼabo mulume, wakamuebesha ne, Muanʼetu Amenona wakadi nʼebe, anyi? Udiholeshe, muanʼetu mukashi, yeye udi muanʼenu mulume, kuteki bualu ebu mu mutshima webe. Nunku Tamâ wakashala ne kanyinganyinga mu nsubu wa muanʼabo Abashaloma.

2 Samuele 13:20 교차 참조

Genese 34:2

Shekeme, muana wa Amore, mfumu wa bena Iti umona Diina, kumubuelelaye mu nzubu ku bukole.

Genese 46:15

Aba ke bana bonsu ba balume bavua Leya mulele ne Yakobe mu Mezopotamiya. Uvua mulele kabidi muana wa bakaji, Diina. Bana bonsu ba Yakobe ne Leya, pamue ne bana bavuabu balele ne bikulu babu, bavua makumi asatu ne basatu.

2 Samuele 13:19

Nanku kudielaye butu mu mutu, kupanda muntumpu wende muimpe. Kubuikilaye bianza kuisu, kuyaye, wenda udila bikole.

2 Samuele 13:21

Mukalenga Davide kupeta lumu lua bionsu bivua bienzeka abi. Kufikaye munda bikole. Kadi kena mutandishe Amnone to, bualu uvua muanende muanabute, kabidi uvua mumunange bikole.

2 Samuele 14:24

Mukalenga Davide kumuambila ne: — Absalome aye amu ku nzubu kuende! Kafiki muaba undi to! Nanku Absalome kuya ku nzubu kuende. Kena mumonangane ne mukalenga Davide to.

Nsumuinu 26:24

Muena lukinu udi wakula bualu buimpe usokoka muoyi wende mubi. Munda muende udi ukeba amu kudinga bantu.

Rome 12:19

Balunda banyi, kanudisombuedi. Kadi nuanyishe amu bua Mvidi Mukulu aleje bantu tshiji tshiende. Bualu Mukanda wa tshijila udi wamba ne: “Meme Maweja-Nangila, nensombuele. Nembapingajile bubi buvuabu benze.”