2 Samuele 13:14 - MUKANDA WA MYIDI MUKULU

¹⁴ Amnone kubenga bionsu abi, kutekesha Tamare, kulala nende ku bukole.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Kadi yeye kakunyua dî diandi; kadi bualu bua yeye wakamuhita bukole, yeye wakamukuata ku bukole, wakalala nʼandi.

2 Samuele 13:14 교차 참조

Genese 34:2

Shekeme, muana wa Amore, mfumu wa bena Iti umona Diina, kumubuelelaye mu nzubu ku bukole.

2 Samuele 12:11

Teleja bimpe tshindi nkuambila: Meme nensake bana ba mu nzubu muebe bua kukukengeshabu. Nengangate bakaji bebe, mbafile kudi muanenu bua kubabuelelaye mu nzubu mu munya, wewe mutangile.

2 Samuele 13:15

Pashishe kutuadijaye kukina Tamare bikole. Lukinu luende kupita dinanga divuaye munange Tamare kumpala. Nanku, kuipataye Tamare, umuambila ne: — Umbuka apa!

Estere 7:8

Amane kudiela mu nkuasa wa tshisaka, muaba uvua Estere musombele. Diba adi mukalenga kufika mu nzubu wa didia, utumina mu lupangu. Kuelaye diyi ne: — Mulumiana ewu udi musue kabidi kuibidila mukajanyi pambidi ku bukole, bua kumufikisha ku bubi, mu nzubu muanyi, meme mutangile anyi? Amu mukalenga wamba miaku ayi, bena mudimu kusuika Amane tshilamba ku mesu.

Lewitiki 18:9

“Kuena ne bua kubuelela muanenu wa bakaji wa tatuebe nansha wa mamuebe mu nzubu to, nansha bobu kabayi bamukoleshila mu diku dienu.

Dielulula 27:22

“Muntu yonsu udi ubuelela muanabu wa bakaji wa tatuende, nansha wa mamuende, mu nzubu, asangane muena tshibawu kuenza anyi?” Bonsu ne: “Enze!”

Balombodi 20:5

Bena Ngibeya kufika butuku bua kungenzela bibi. Kunyungululabu nzubu umvua awu. Bivua basue kunshipa. Kadi kuangatabu mukajanyi, kushala nende too pakafuaye.