2 Samuele 1:8 - MUKANDA WA MYIDI MUKULU

⁸ Kunkonkaye ne: “Wewe udi muena nganyi?” Meme kumuambila ne: ndi muena Amaleke.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Wakangebesha ne, Wewe udi nganyi? Nakamukudimuna dî ne, Ndi Muena Amaleka.

2 Samuele 1:8 교차 참조

Genese 14:7

Pashishe kupinganabu kabidi ne mvita mu Ene-Mishepate (mmumue ne Kadeshe). Kunyangabu ditunga dijima ne bintu bionsu bia bena Amaleke too ne bia bena Amore bavua basombe mu Ashashone-Tamare.

2 Samuele 1:13

Ke Davide kukonka nsongalume uvua mumuambile bualu abu ne: — Wewe udi muena nganyi? Nsongalume kuandamuna ne: — Ndi muana wa muena Amaleke, udi musombela mu ditunga edi.

2 Samuele 1:7

Shawule ukenzakana, kummonaye, kumbikila. Meme kuitaba ne: “Eyowa, mukalenga.”

2 Samuele 1:9

Ke Shawule kungamba bua meme kumushipa. Bualu nansha yeye ne lungenyi luende lujima, uvua ukengakana bikole.

Dibadika 24:20

Balaame umona bena Amaleke, kubambilaye ne: “Nuenu bena Amaleke, nuvua tshisamba tshipite bikuabu. Kadi nenubutuke bonsu amu mpindiewu.”

1 Samuele 15:3

Nanku mpindiewu, wewe Shawule, uye kubaluisha, ubabutule ne bintu bionsu bidibu nabi. Kubafuidi luse to. Ushipe bantu ne nyama bionsu: balume, bakaji, bana batoke, ngombe, mikoku, nyama ya tumelu ne ya mpunde.”

1 Samuele 27:8

Patshi wa Davide ne bantu bavuaye nabu mu Siklaje, kuluishabu bisamba ebi: bena Ngeshure, bena Ngirzi nansha bena Amaleke, mmumue ne bantu bonsu bavua basombe muaba awu kuonsu eku, mu buloba bua luseke lua ku Shure, too ne ku mukalu wa ditunga dia Ejipitu.

1 Samuele 30:1

Matuku mamane kupita abidi, Davide ne bantu bavuaye nabu kufika mu tshimenga tshia Siklaje. Kadi bena Amaleke bavua bamane kuluisha bantu bavua basombe mu ditunga dia bena Yuda, ne bena mu tshimenga tshia Siklaje. Bena Amaleke bavua bosha tshimenga tshia Siklaje, batshinyangakaje.

1 Samuele 30:13

Davide kukonka nsongalume awu ne: — Udi muena nganyi? Udi ufuma penyi? Nsongalume kuandamuna ne: — Ndi muena Ejipitu, ndi mupika wa bena Amaleke. Mfumuanyi mmunshiye, kudi matuku asatu, bualu mvua nsama.

1 Samuele 30:17

Dituku divu dilonda, Davide kubaluisha dinda too ne dilolu. Muntu nansha umue kena munyeme to. Anu bansongalume nkama inayi bavua babanda pa nyama ya tumelu, ke bavua banyema.