2 Samuele 1:24 - MUKANDA WA MYIDI MUKULU

²⁴ Bakaji ba mu ditunga dia Izrayele, dilayi Shawule! Uvua unuvuadika bilamba bimpe, bia mushinga mukole, ulengeja bilamba bienu ne bintu bia mpawungi.

Mukanda wa Nzambi Dihungila Dikulukulu ne Dihungila Dihia-dihia 2003

²⁴ Nuenu, bana bakashi ba Bena Isalele, nujinge Shaula, wakanuluatshisha bilulu bikunze bia mushinga mukole, wakalengesha bilulu bienu ne bintu bia or.

2 Samuele 1:24 교차 참조

2 Samuele 1:23

Matuku abu onsu Shawule ne Yonatane bavua banangangana bikole. Dia lufu luabu, kabena bashiyangana. Bavua banyema lubilu, bapite biminyi. Bukitu buabu buvua bupite bua ntambue.

2 Samuele 1:25

Bilobu bia mvita mbifue mu mvita bua tshinyi? Yonatane mmufuile pa mikuna munyi?

Misambu 68:12

Maweja-Nangila udi wamba amu muaku umue. Bakaji kabayi kubala badi baya kuambila bantu ne:

Nsumuinu 25:12

Mubelu udi muntu wa meji ukubela, uuteleje; udi ne mushinga mupite wa kakanu ka mpawungi ka ku munu nansha ka mu nshingu.

Nsumuinu 31:21

Kena utshina mashika bua bena mu nzubu muende. Muntu yonsu udi mu nzubu muende udi ne bivualu bikumbane.

Yirmeya 2:32

Nsongakaji udi mua kupua muoyi bilengejilu ne mabue a mushinga mukole anyi? Mukaji udi ku dibaka udi mua kupua muoyi mukaba muimpe muluka, uvuaye muvuale mu tshibilu tshia dibaka anyi? Nansha kakese. Kadi nuenu bantu banyi bena Izrayele, nudi bampue muoyi matuku a bungi kaayi mua kubala to.

Balombodi 5:30

“Bena mvita mbapawule bintu bulelela, bakadi babanyangana bivuabu bapete: muena mvita yonsu mmupete nsongakaji, mulengele, umue nansha babidi mene. Sisra mmupete bilamba bilaba kakula, bizola mekala. Eyowa, mmupete tshilamba tshilengeja ne buanda bua mekala a mishindu ibidi, tshia kuela mu nshingu mua muntu udi utshimuna.”