2 Korente 1:3 - MUKANDA WA MYIDI MUKULU

³ Tutumbishayi Mvidi Mukulu, Tatu wa Mfumu wetu Yezu Kristu, Tatu udi utunanga bikole. Yeye ke Mvidi Mukulu udi utuambuluisha misangu ne misangu mu makenga etu onsu.

Mukanda wa Nzambi Dihungila Dikulukulu ne Dihungila Dihia-dihia 2003

³ Nzambi Tatu wa Mukelenge wetu Yesu Kilisto, Tatu wa luse ne Nzambi wa busambi buonso, atumbishibue;

2 Korente 1:3 교차 참조

Genese 14:20

Mvidi Mukulu muena kulu uvua mukuambuluishe bua wewe kutshimuna baluishi bebe atumbe! Abrame kulambula Melkisedeke tshia dikumi tshia bintu biende bionsu bivuaye munyenge mu mvita.

1 Kulondolola 29:10

Davide udi utendakena Maweja-Nangila, bena Izrayele bonsu basangile, wamba ne: — Maweja-Nangila, Mvidi Mukulu wa nkambua wetu Yakobe, atumbe lelu ne kashidi!

Nehemya 9:5

Pashishe, bena Levi aba: Yeshuwa, Kadmiyele, Bani, Ashabneya, Sherebiya, Odya, Shebanya ne Petakiya, ba-vua bela mbila mikole ne: — Jukayi kulu! Tumbishayi Maweja-Nangila Mvidi Mukulu wenu. Numutumbishe matuku onsu! “Maweja-Nangila, bantu bonsu batumbishe dina diebe dia lumu. Miaku itudi mua kuamba bua kukutumbisha nayi idi amu mikese.

Yobe 1:21

Wamba ne: Panu bavua bandele butaka, nengumuke kabidi panu amu butaka. Maweja-Nangila kumpesha bionsu, amu yeye kubiangata tshiakabidi. Ndi ntumbisha amu kutumbisha Maweja-Nangila.

Misambu 18:46

Kabena bantuila nkanana. Badi bapatuka miaba ivuabu basokome, bazakala.

Misambu 68:35

Ambilayi bantu bonsu ne: Mvidi Mukulu udi ne bukole, udi Mukalenga munene mu Izrayele, butumbi buende mbutue mulu, mbutue panshi!

Misambu 72:19

Tuele Mvidi Mukulu tuasakidila! Lumu luende ndunene! Butumbi buende bumueneke mu buloba bujima! Amene, eyo, bikale nanku!

Misambu 86:15

Kadi wewe, Maweja-Nangila, Mvidi Mukulu udi ufuila bantu luse, wa lutulu, muwule tente ne buimpe, ulama malaya ebe,

Misambu 86:5

Maweja-Nangila wewe udi muakane, udi ne muoyi wa kufuila bantu luse, ne wa kupesha badi bakubikila bintu.

Yeshaya 66:13

Eyowa, meme kabidi nenkusambe mudi mamu usamba muanende, — nenkusambe nansha mu Yerushalayime! —

Danyele 4:34

Ke pandi meme Nebukadnesare mpindiewu ntumbisha, nganyisha, nnemeka Mukalenga wa diulu! Tshionsu tshidiye wenza tshidi tshiakane. Malu ende onsu adi pa wowu. Yeye udi ne bukole bua kupuekesha nansha bantu bena diditambisha.”

Danyele 9:9

Kadi wewe Maweja-Nangila, Mvidi Mukulu wetu, bu muudi utunanga, udi utufuila luse, nansha tuetu bakutombokele.

Mika 7:18

Kakuena mvidie nansha umue, udi mukufuane wewe Maweja-Nangila. Udi ufuila bantu bebe badi bashala ne muoyi luse, kuyi musue kuvuluka kashidi bilema biabu. Kuena ulama tshiji matuku onsu. Disanka diebe didi amu dia kutunanga, kutuenzela bimpe.

Yowanane 10:30

Tatu ne meme tudi tshintu tshimue.

Yowanane 20:17

Yezu kumuamba ne: — Kundami to, bualu tshiena muanji kubanda kudi Tatu. Kadi uye kudi bana betu, ubambile ne: Ndi mbanda kudi Tatu wanyi, udi Tatu wenu kabidi, kudi Mvidi Mukulu wanyi, udi Mvidi Mukulu wenu kabidi.

2 Korente 11:31

Mvidi Mukulu, Tatuende wa Mfumu Yezu, mummanye ne: tshiena nshima to. Atumbe kashidi tshiendelele!

2 Korente 7:6

Kadi Mvidi Mukulu udi usamba badi batekete mu maboku, kutukolesha ku muoyi diba divua Tite mufike.

Efeze 1:17

Ndi ndomba kudi Mvidi Mukulu wa Mfumu wetu Yezu Kristu, Tatu wa butumbi, bua anupe Mueyelu wende. Wowu neunuenze bantu ba meji, unumanyishe Mvidi Mukulu, bua numujingulule bimpe.

Efeze 1:3

Tutumbishayi Mvidi Mukulu, Tatu wa Mfumu wetu Yezu Kristu, tumuele tuasakidila! Bualu mmutuele lupemba mu Yezu Kristu, mmutupeshe kudiye mapa onsu a mu diulu.

Filipe 2:11

batonde patoke ne: Yezu Kristu udi Mfumu! Ke mudibu batumbisha Mvidi Mukulu Tatu.

Kolose 1:3

Tudi tuela Mvidi Mukulu, Tatu wa Mfumu wetu Yezu Kristu, tuasakidila matuku onsu, patudi tutendelela bualu buenu.

1 Petro 1:3

Tutumbishayi Mvidi Mukulu, Tatu wa Mfumu wetu Yezu Kristu! Bu mudiye ne luse luvule, mmutupe muoyi mupiamupia pa kubisha Yezu Kristu ku bafue. Ke mutudi mua kutekemena bikole,

2 Yone 1:4

Mvua ne disanka dipite, pamvua musangane bamue ba munkatshi mua bana bebe benda mu njila wa bulelela, muvua Tatu mututumine diyi.

2 Yone 1:9

Muntu yonsu udi kayi witaba ne dinanukila bidi Kristu ulongesha, kadi uya kua tshianana, kena ne Mvidi Mukulu to. Muntu udi witaba amu bidi Kristu ulongesha, udi ne Tatu, kabidi ne Muana.