2 Bakalenga 6:5 - MUKANDA WA MYIDI MUKULU

⁵ Kadi, pavua muntu mukuabu wa kudibu utapa mutshi, tshisuyi tshiende kukukatshi mu mulabi, kumata mu mayi. Muntu awu kuela diyi ne: — Mfumuanyi, ndiakabi kaayi edi! Tshisuyi tshivua tshia bende tshisomba!

Mukanda wa Nzambi Dihungila Dikulukulu ne Dihungila Dihia-dihia 2003

⁵ Hakadi mukuabo utaha mutshi, tshisui tshiakanuka, tshikahona mu mai; yeye wakadila ne, Aka, mukelenge wanyi, tshiakadi tshisomba.

2 Bakalenga 6:5 교차 참조

2 Bakalenga 3:10

Nanku, mukalenga wa bena Izrayele kuela lubila ne: — Diakabi! Maweja-Nangila ke udi mututume tuetu bonsu bakalenga basatu muaba ewu, bua kutufikisha mu bianza bia bena Mowabe!

2 Bakalenga 4:7

Mukaji kuya kuambila muambi Elisha bionsu abi. Muambi Elisha kumuandamuna ne: — Uye kusumbisha mafuta awu, ufute dibanza. Kadi makuta adi ashale neakuambuluishe ne bana bebe.

2 Bakalenga 6:15

Butshia dinda, muena mudimu wa muambi Elisha ubika bua kupatuka mu tshimenga, kumonaye bena mvita, nyama ya tubalu ne matempu a mvita, binyungulula tshimenga. Muena mudimu kuela diyi ne: — Eyi, mfumuanyi! Netuenze tshinyi?

2 Bakalenga 6:4

Nanku, kuyaye nabu ku muelelu wa Yardene. Kutapabu mitshi muaba awu.

2 Bakalenga 6:6

Muambi Elisha kumukonka ne: — Tshisuyi ntshimate muaba kaayi? Muntu awu kumuleja muaba uvua tshisuyi tshimatshile. Ke muambi Elisha kukosa tshitupa tshia mutshi, kutshiela muaba uvua tshisuyi tshimatshile awu. Diakamue tshisuyi kulelematshi.

Misambu 37:21

Muntu mubi udi usomba tshintu, kayi utshipingaja. Kadi muntu muakane udi ne luse, wambuluisha bakuabu.

Muambi 10:10

Padibu kabayi banoona tshisuyi tshidi katshiyi tshitue, amu muntu wa dikanda udi mua kuenza natshi mudimu. Nenku meji adi apetesha muntu tshipeta.

Yeshaya 10:34

Badi basola muitu mitshi yonsu ne tshisuyi, mitshi ya sedre mile ya mu Lebanone idi panshi.

Didimanyisha 18:10

Nebimane mutantshi mule, bazakale bua makenga adi ne bua kukuata tshimenga. Nebambe ne: “Babilone, ndiakabi kaayi edi! nDikenga kaayi! Wewe tshimenga tshinene, tshia bukole kabidi! Badi bakunyoka amu diba dimue, ubutuka butubutuu!”

Didimanyisha 18:16

bamba ne: “Diakabi kaayi edi! Dikenga kaayi bunene nanku didi dikuata tshimenga! Tshivua tshivuale bilamba bimpe bienza ne ndanda, bilamba bia lumu bifikuluke ne bikunze bia mushinga mukole. Tshivua tshidilengeja ne bintu bia bungi bia mpawungi, kabidi ne mabue a mushinga mukole, ne a busanga.

Didimanyisha 18:19

Bavua badiela buloba mu mitu, badila, bela miyenga, bamba ne: “Diakabi kaayi! Dikenga kaayi bunene nanku didi dikuata tshimenga! Bonsu badi ne ntatu enda pa mayi manene, mbaneme ne bubanji bua tshimenga etshi. Kadi kujimijatshi bionsu amu diba dimue!”