2 Bakalenga 6:12 - MUKANDA WA MYIDI MUKULU

¹² Mulombodi mukuabu wa bena mvita kumuandamuna ne: — Mukalenga, munkatshi muetu kamuena muntu udi uya kuamba malu to! Kadi muambi Elisha udi mu Izrayele, udi umanyisha mukalenga wende wa bena Izrayele malu onsu, too ne audi wakula mu tshibambalu tshiebe tshia bulalu.

Mukanda wa Nzambi Dihungila Dikulukulu ne Dihungila Dihia-dihia 2003

¹² Umue wa bantu bandi wakamuambila ne, Mukelenge wetu, kakuena muntu; kadi Elisha, muprofete wa mu Isalele, udi wamhila mukelenge wa Isalele mei audi wamba mu nsubu webe wa bulalu.

2 Bakalenga 6:12 교차 참조

2 Bakalenga 5:26

Muambi Elisha kumukonka kabidi ne: — Kuena mumanye ne: mu lungenyi luanyi mvua mumone muntu utuluka mu ditempu lukasa bua kusambakena nebe anyi? Tshikondu katshiena tshikumbane bua wewe kuangata bilamba bimpe, ne nkanu mitoke ya mushinga mukole bua kusumba nayi mitshi ya olive, madimi a mvinyo, bimuna binene ne bikese, nansha bena mudimu balume ne bakaji.

2 Bakalenga 5:3

Dituku dikuabu, nsongakaji awu kuambila mfumuende wa mudimu, mukaji wa Namane, ne: — Bulelela, bu mfumuanyi Namane muye kudi muambi udi mu tshimenga tshia Samariya, muambi awu udi mua kujikija disama diende dia nsudi lukasa.

2 Bakalenga 5:8

Muambi Elisha umvua ne: mukalenga wa bena Izrayele mmudipande bilamba, kumutuminaye muntu bua kumukonka ne: — Udi upampakana, udipanda bilamba bua tshinyi? Muntu awu afike ku nzubu kuanyi, bua ujaddike ne: mu ditunga dia bena Izrayele mudi muambi bulelela.

2 Bakalenga 6:11

Bu muvua mukalenga wa bena Izrayele mudianjile kumanya tshifufu tshionsu tshia mukalenga wa bena Siriya, bualu ebu kutonda mukalenga wa bena Siriya bikole bitambe. Nanku mukalenga wa bena Siriya kubikidisha balombodi ba bena mvita bende, ubakonka ne: — Munkatshi muetu mudi muntu udi uya kuambila bena Izrayele malu. Kanuena basue kungambila dina dia muntu awu bua tshinyi?

2 Bakalenga 6:13

Ke mukalenga wa bena Siriya kutuma diyi ne: — Ndayi, numone muaba udi muambi Elisha musombe, bua ntume bantu baye kumukuata. Bobu bamane kumuambila ne: — Muambi Elisha udi ku Dotane.

Ekesode 8:3

Kadi benji ba bilengulengu ba bena Ejipitu kuenza tshishima atshi, ne majimbu abu. Ndimba kubuela mu ditunga dijima dia Ejipitu ne ku mudimu wabu.

Nsumuinu 21:30

Meji, lungenyi nansha dimanya bidi tshianana, paudi uluisha Maweja-Nangila.

Muambi 10:20

Nenku kujanyi mukalenga nansha mundamunda muebe. Kujanyi mubanji, nansha wewe nkayebe mu nzubu webe wa bulalu. Bualu nyunyi wa kulu mmufuane mua kutangalaja miaku yebe, kubamanyisha biuvua wamba.

Yeshaya 29:15

Bantu badi benza malu mu musokoku, basokoka Maweja-Nangila meji adibu bela, benza malu abu mu miidima, mbena diakabi! Badi bela meji ne: “Watumona nnganyi? Wamanya tshitudi tuenza nnganyi?”

Yeshaya 8:10

Elayi meji a kuenza bualu kampanda, kadi kanuakubukumbaja munudi basue. Umvuanganayi, kadi kanuena ne tshinuenza. Bualu Emanuwele udiku, mmumue ne: Mvidi Mukulu udi netu.

Danyele 2:47

Pashishe mukalenga kuambila Daniyele ne: — Bulelela, Mvidi Mukulu webe udi munene mupite mvidie yonsu, udi mfumu wa bakalenga. Yeye nkayende udi umanyisha malu masokome, bualu wewe nkayebe uvua mua kuntanduila bualu ebu busokome.

Amosa 3:7

Eyowa, Maweja-Nangila Mvidi Mukulu kena wenza bualu, kayi muanji kubumanyisha bambi, bantu bende.