2 Bakalenga 3:25 - MUKANDA WA MYIDI MUKULU

²⁵ Kunyangakajabu bimenga. Yonsu wa kudibu kuimansha dibue mu madimi avua bena Mowabe badime, too ne pavua mabue mapite bungi mu madimi onsu. Kujibikilabu mpokolu yonsu, kupulabu mitshi ya bimuma yonsu. Anu tshimenga tshia Kirerese ke tshivua tshishale kabayi batshinyanga to. Kadi, bena mvita bavua ne ndundu ya kuela nayi nsoka, kunyungululabu tshimenga atshi, kutshiluisha.

Mukanda wa Nzambi Dihungila Dikulukulu ne Dihungila Dihia-dihia 2003

²⁵ Bakahaula misoko yabo; bakela mabue, muntu diandi muntu diandi, ha madimi mimpe, bakadisha tente; bakajibika mishimi ya mai; bakashimbula mitshi mimpe yonso, tô ne hakafikabo ku Kila-halaseta, bakashiyamu mabue nkayau. Kadi bakadi bela mabue ne bieledi, bakanyunguluka, bakaunyenga.

2 Bakalenga 3:25 교차 참조

Genese 26:15

Kujibikilabu ne buloba biina bia mayi bionsu, bivua bena mudimu ba tatuende Abrahame bumbule, patshivua Abrahame ne muoyi.

Genese 26:18

Izake kumbulula kabidi biina bia mayi, bivua tatuende Abrahame mumbule, patshivuaye ne muoyi, bivuabu bajibikile kudi bena Peleshete kunyima kua lufu luende. Izake kubinyika mena abi a kale, avua Abrahame mubinyike.

2 Samuele 8:2

Davide kutshimuna kabidi bena Mowabe. Kubaladikaye panshi. Ku bantu basatu, uvua ushipa babidi ba kudibu, ushiya amu muntu umue ne muoyi. Biangatshile musangu awu, bena Mowabe, kushala ku bumfumu bua Davide. Kubalambuishaye bitadi.

2 Bakalenga 3:19

Nenubutule bimenga bimpe bionsu bivuabu bakolesha ne bimana. Nenupule mitshi ya bimuma yonsu. Nenujibikile mpokolu ya mayi yonsu. Kabidi nenunyangakaje madimi onsu adibu badime, nenuimanshemu mabue.

2 Bakalenga 3:24

Kadi, bena Mowabe bamane kufika pabuipi ne mitanda ya bena Izrayele, ke bena Izrayele kujuka, kubaluisha. Nanku, bena Mowabe kunyema. Bena Izrayele kubalondakaja, kubuela mu buloba bua bena Mowabe. Kubutulabu bena Mowabe bapite bungi.

2 Bakalenga 3:26

Mukalenga wa bena Mowabe, kumona ne: mvita ayi mmipite bukole. Nanku kusangishaye bena mvita bende nkama muanda mutekete bavua ne miela. Kuidikijabu mua kupanda njila bua kufikabu kudi mukalenga wa bena Edome. Kadi kakuvua mushindu to.

2 Kulondolola 32:4

Nanku, bantu ba bungi kudisangisha, kujibikila mpokolu ya mayi yonsu, kujibikila ne tshibuelelu tshia mukidi wa muinshi mua buloba, uvua ufila mayi mu tshimenga. Bavua bambilangana ne: “Ki mbimpe bena Ashure basangane mayi a bungi padibu bafike munemu to.”

Yeshaya 15:1

Badi bamanyisha malu adi atangila bena “Mowabe.” Butuku bumue badi babutula tshimenga tshia Are tshidi mu ditunga dia Mowabe. Bantu badi bapuwa, bibatonda. Butuku bumue badi babutula tshimenga tshia Kire, tshidi mu ditunga dia Mowabe, bantu bapuwa bibatonda.

Yeshaya 16:11

Ke pandi ndidila bena Mowabe, ne kanyinganyinga, ne muadi bu wa lunzenze. Muoyi wanyi udi ujinga Kire-Erese.

Yeshaya 16:7

Mpindiewu bena Mowabe, bakadi badila, bela miyenga ya miadi, badila mikata ya bimuma, ivuabu nayi mu musoku wa Kire-Erese. Badi badila bikole, kabayi bamona tshia kuenza.

Yirmeya 48:31

Nanku pandi mvuluka bena Mowabe, ndi ndila muadi, nsengelela bantu bua bambuluishe bena Mowabe bonsu aba. Ndi ngela mbila, ndila bantu ba mu Kire-Erese.

Yirmeya 48:36

Ke pandi ndila bena Mowabe ne bena Kire-Erese, mudi muntu wimba kasala ka madilu ne lushiba, bualu bionsu bivuabu nabi mbijimine.

Dielulula 2:9

Maweja-Nangila kunkandika ne: “Kanubundi bena Mowabe, kanuluanganyi nabu to. Tshiakunupesha kantu nansha kamue ka mu ditunga edi to. Bualu ditunga edi dia Are, ndi mumane kudipesha ndelanganyi ya Lote.”

Balombodi 9:45

Abimeleke kuluangana mvita dituku adi dijima. Kukuataye tshimenga, kushipa benatshi bonsu, kutshinyangakaja. Kumiaminaye luepu mu tshimenga atshi.