2 Bakalenga 3:20 - MUKANDA WA MYIDI MUKULU

²⁰ Butshia dinda, diba dia kulambula milambu, kumonabu mayi afumina mu ditunga dia Edome, kuwujawu buloba.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Hakatshiabu bu ha diba didibo bafila milambu, mai akafuma ku nshila wa ku Edome, akûsha buloba abu tente.

2 Bakalenga 3:20 교차 참조

1 Bakalenga 18:36

Dilolu, diba dia kulambula Maweja-Nangila dikumbane, muambi Eliya kusemena pabuipi ne tshilambuilu, kuamba ne: — Maweja-Nangila Mvidi Mukulu wa Abrahame, wa Izake ne wa Yakobe, lelu uleje bantu ne: udi Mvidi Mukulu wabena Izrayele, bajadike kabidi ne: meme ndi muntu webe, bionsu bindi ngenza ebi, ndi mbienza anu ku diyi diebe.

2 Bakalenga 3:21

Bena Mowabe kupeta lumu lua difika dia bakalenga basatu bua kubaluisha. Nanku, kusangishabu bantu bonsu batshivua ne bukole bua kuambula bia mvita. Kubatekabu ku mikalu ya ditunga.

Misambu 107:35

Udi ukudimuna kabidi tshipela tshienza dijiba dia mayi, ne buloba bume buenza muaba udi mayi.

Misambu 78:20

Bulelela, uvua mupande lubuebue, mupatule mayi, ne misulu ya mayi ipueka. Kadi udi mua kutupesha biakudia anyi kupesha bantu bonsu munyinyi anyi?”

Danyele 9:21

Pantshiwa ntendelela nanku, Ngabriyele, mutumibue wa Mvidi Mukulu, umvua mumone kumpala, diba diwa Mvidi Mukulu mundeje malu, kusemena pabuipi nanyi ne lukasa luonsu, diba didibu balambula mulambu wa dilolu.