2 Bakalenga 25:9 - MUKANDA WA MYIDI MUKULU

⁹ Nebuzaradane kuosha nzubu wa Mvidi Mukulu, nzubu wa bukalenga, ne nzubu mikuabu ya mu tshimenga, nangananga nzubu yonsu ya bantu bamanyike bikole.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Wakosha nsubu wa Yehowa ne nsubu wa mukelenge ne nsubu minene yonso ya mu Yelushalema mu kahia.

2 Bakalenga 25:9 교차 참조

1 Bakalenga 9:7

nennuipate mu buloba bumvua munupe. Nengumuke mu nzubu ewu, undi mujidile bua nuenu kuntendelelamu. Nanku, bantu ba bisamba bikuabu nebanuseke miaba yonsu, banuele bibingu.

1 Bakalenga 9:8

Padi bantu bapitshila pabuipi ne nzubu munene ewu mumane kunyanguka, nebakeme, bapampakana ne bowa. Nebakonke ne: “Maweja-Nangila mmunyangakaje ditunga edi ne nzubu ewu nunku bua tshinyi?”

2 Kulondolola 36:19

Bena Babilone kuosha nzubuvua Mvidi Mukulu. Kupulabu tshimana tshia Yerushalayime. Kuoshabu nzubu ya bukalenga. Kunyangabu bintu bionsu bia mushinga mukole biamu tshimenga.

Ezela 5:12

Kadi bankambua betu bavua bafikisha Mvidi Mukulu wa mu diulu munda. Mvidi Mukulu kubafikisha mu bianza bia Nebukadnesare, muena Kesede, mukalenga wa Babilone. Mukalenga ewu ke uvua munyange nzubu wa Mvidi Mukulu, mukuate ne bantu, muye nabu ku bupika mu Babilone.

Misambu 79:1

Musambu wa mu mukanda wa misambu ya Asafe. Eyi, Mvidi Mukulu, bantu benyi mbanyange muaba webe uudi usomba, mbashiye mikiya mu nzubu webe wa tshijila, Yerushalayime mmushale kabutu.

Yeshaya 64:9

Bimenga biebe bia tshijila mbishale dikolu. Yerushalayime mmushale tshipela, ne Siyone mmubutuke.

Yirmeya 17:27

Kadi nuenu kanuyi banteleje, nuenu balengulule dituku dianyi dia Dikisha, nuenu bapitshile ku biibi bia mu Yerushalayime dituku adi ne bujitu panyima, nengoshe tshimenga. Kapia nekabutule nzubu mimpe yonsu, kabayi mua kukajima.”

Yirmeya 26:9

Mmunyi mudi mulumiana ewu mua kuambila bantu mu dina dia Maweja-Nangila ne: nebupule nzubu wa Mvidi Mukulu ewu, muvuabu bupule wa mu Shilo; nansha ne: tshimenga etshi netshibutuke, bantu kabayi kabidi basombamu. Nanku bantu bonsu bavua mu nzubu wa Mvidi Mukulu kunguilabu bua kuluisha Yirmeya.

Yirmeya 34:2

— Meme Maweja-Nangila Mvidi Mukulu wa Izrayele, ndi nkutuma bua kuambila Sedekiya, mukalenga wa bena Yuda ne: Maweja-Nangila udi wamba ne: “Ndi mfila tshimenga etshi kudi mukalenga wa mu Babilone bua atshibutule, atshioshe.

Yirmeya 34:22

nentume diyi bua tshipingane, tshiluishe tshimenga etshi, tshi tshikuate, tshitshioshe. Bimenga bia Yuda nebishale tshipela. Ke mundi meme Maweja-Nangila ngamba nanku.”

Yirmeya 37:10

Nansha nuenu batshimune tshiluilu tshionsu tshia bena Babilone tshidi tshinuluisha, nansha bena Babilone badi bashale bikale amu bantu batapike mputa, yonsu wa kudibu neapete bukole, neimane kulu mu ntenta wende. Nebafike bua kuosha tshimenga etshi tshionsu ne kapia.

Yirmeya 37:8

Bena Babilone nebafike kabidi bua kuluisha tshimenga etshi. Nebatshikuate, batshioshe ne kapia.

Yirmeya 39:8

Bena Babilone kuosha nzubu wa bukalenga mu Yerushalayime, ne nzubu mikuabu. Kushimbulabu kabidi tshimana tshia tshimenga.

Yirmeya 41:5

Nanku bantu balume makumi muanda mukulu ba ku Shekeme, ba ku Shilo, ne ba ku Samariya, kufika. Bavua babeya miedi, bavuale bilamba bipandike, baditape mputa pambidi. Bavua bambule milambu ya ntete ya kuenza bukula, ne ya musenga wa kamonya, bua kuya kulambula Maweja-Nangila mu nzubu wende wa mu Yerushalayime.

Yirmeya 52:13

Uvua muoshe nzubu wa Mvidi Mukulu, nzubu wa mukalenga, ne nzubu ya mu tshimenga, nangananga nzubu yonsu ya bantu banene ba mu Yerushalayime.

Yirmeya 7:14

Nanku, nzubu wanyi ewu, nzubu unudi nutekemena, nzubu umvua mupeshe bankambua benu, munupeshe ne nuenu, ndi musue kumunyangakaja bu mumvua munyangakaje Shilo.

Muadi 1:10

Baluishi mbapawule bubanji buende buonsu. Yerushalayime mmudimuene muvua bantu ba bisamba bikuabu babuele mu nzubu wa Mvidi Mukulu wende. Ke bantu bauvua wewe Maweja-Nangila mukandike bua kababuedi muaba webe wa kutendelela.

Muadi 2:7

Maweja-Nangila mmubenge tshilambuilu tshiende; mmulekele muaba wende wa tshijila; mmufile nzubu mimpe ya Siyone mu bianza bia baluishi. Bobu kuenza mutoyi mu nzubu wa Mvidi Mukulu, mutoyi mukole bu dituku dia bisangilu binene.

Muadi 5:18

bualu mukuna wa Siyone mmukudimuke tshipela, mmuandamuke tshisombelu tshia nyama ya mibuabua.

Yezekiyele 10:2

Mvidi Mukulu kuambila muntu uvua muvuale bilamba bia buanda bua ndanda ne: — Upitshile pankatshi pa nkata idi muinshi mua bakerubine. Ambula mu bianza makala a kapia adi pankatshi pa bakerubine, uye kuatangalaja mu tshimenga. Meme kumona muntu uya kuambula makala.

Yezekiyele 16:41

Neboshe nzubu yebe. Nanku nebakumbaje tshibawu tshivuabu bakufundile, bakaji ba bungi batangile. Nenjikije buendenda buebe. Kuakonda kabidi balume to.

Lewitiki 26:31

Nembutule bimenga bienu, ne miaba yenu ya tshijila, bienza bipela. Dipembu dia bintu binudi nungoshila kadiakunsankisha kabidi to.

Lewitiki 26:33

Nennuluishe, nnutangalaje mu matunga makuabu. Ditunga dienu nedishale tshipela, bimenga bienu bionsu nebibutuke.

Amosa 2:5

Nengoshe ditunga dia bena Yuda. Kapia nekashidishe nzubu milenga idi mu Yerushalayime.”

Amosa 6:11

Dimukayi, bualu: Maweja-Nangila mmuele diyi, nzubu yonsu neyele mitanta, yupuka, minene, nansha mikese.

Mika 3:12

Nanku bualu buenu, Siyone neikale bu budimi, budibu babundulula ne lukasu. Yerushalayime neashale makolu. Mukuna wa nzubu wa Mvidi Mukulu nebaubuikile kudi tshipuka.