2 Bakalenga 24:12 - MUKANDA WA MYIDI MUKULU

¹² Ke mukalenga Yowakine kumuka mu tshimenga ne mamuende, balombodi ba bena mvita bende, bena mudimu bende bavua bamanyike bikole, kabidi ne bantu bonsu bavuaye mutekemene bikole. Yowakine kuya kudi mukalenga wa bena Babilone. Kadi, mukalenga wa bena Babilone kubela mu nzubu wa lukanu. Tshikondu atshi, Nebukadnesare uvua mumane kulala mu bukalenga bidimu muanda mukulu.

Mukanda wa Nzambi Dihungila Dikulukulu ne Dihungila Dihia-dihia 2003

¹² ne Yehoyakina, mukelenge wa Yuda, ne mamu wandi ne bantu bandi ne tuhita tuandi ne tupitene tuandi bakaluhuka, bakaya kudi mukelenge wa Babulona. Mukelenge wa Babulona wakamukuata mu tshidimu tshia muanda mukulu tshia bukelenge buandi.

2 Bakalenga 24:12 교차 참조

2 Bakalenga 20:18

Nebakuate kabidi bantu ba ku ndelanganyi yebe, baye nabu mu Babilone, bua kubapakula bua bikale benza mudimu mu nzubu wa bukalenga, wa mukalenga wa bena Babilone.”

2 Bakalenga 24:11

Pavuabu baluisha tshimenga atshi, Nebukadnesare kufika muaba awu.

2 Bakalenga 25:27

Yowakine, mukalenga wa bena Yuda, mumane kulala mu bupika bidimu makumi asatu ne muanda mutekete, Evile-Merodake, kudia bukalenga mu Babilone. Mu matuku makumi abidi ne muanda mukulu a ngondu wa dikumi ne muibidi, tshidimu atshi, Evile-Merodake kufuila Yowakine luse, kumupatula mu nzubu wa lukanu.

2 Bakalenga 25:8

Nebukadnesare, mukalenga wa bena Babilone, mumane kulala mu bukalenga bidimu dikumi ne tshitema, mu matuku muanda mutekete a ngondu muitanu, Nebuzaradane kubuela mu Yerushalayime. Uvua mfumu wa bena mvita bonsu bavua balame mukalenga. Uvua mulombodi munene wa bena mvita ba mukalenga wa Babilone.

2 Kulondolola 36:10

Ku ntuadijilu wa tshidimu, Nebukadnesare kutuma bena mvita bua bakuate Yowakine, bamufite ku Babilone ne bintu bia mushinga mukole bia mu nzubu wa Maweja-Nangila. Nebukadnesare kusungula Sedekiya muanabu ne Yowakine, bua kushalaye mukalenga wa bena Yerushalayime ne wa bena Yuda.

Estere 2:5

Mu tshimenga tshia Shushane muvua muena Yuda, dina diende Mordekayi, muana wa Yayire, wa ku ndelanganyi ya Shimeyi ne Kishe, wa mu tshisamba tshia Binyamine.

Estere 2:6

Mordekayi uvua wa ku tshisumbu tshia bantu bavua Nebukadnesare, mukalenga wa Babilone, muangate mu Yerushalayime pamue ne Yekoniya, mukalenga wa bena Yuda, bua kuya nabu kuende.

Yeshaya 24:6

Ke padi buloba bujima bupeta diakabi, bualu Mvidi Mukulu mmubuele mulawu. Bantu badi babuela mu dikenga, bualu bavua bapia tshibawu. Badi bajimina bonsu, bashale amu bungi bukese.

Yirmeya 13:18

Yirmeya, ambila mukalenga ne mamuende ne: “Tulukayi mu nkuasa wenu wa lumu, sombayi panshi, bualu tshifulu tshienu tshia bumfumu ntshimane kupona panshi.

Yirmeya 24:1

Maweja-Nangila kundeja bisaka bibidi bia bimuma bia mfiku, bivua muntu muteke kumpala kua nzubu wa Mvidi Mukulu. Diba adi, Nebukadnesare, mukalenga wa bena Babilone, ukavua mumane kukuata Yekonya, muana wa Yoyakime, mukalenga wa bena Yuda, ne balombodi ba mu bukalenga, bansenda ne bena midimu ya bianza.

Yirmeya 25:1

Umvuayi malu avua Maweja-Nangila muleje Yirmeya, adi atangila tshisamba tshijima tshia bena Yuda. Tukavua mu tshidimu tshinayi tshivua Yoyakime, muana wa Yoshiya, mu bukalenga bua bena Yuda, ne mu tshidimu tshia kumpala tshia bukalenga bua Nebukadnesare, mukalenga wa bena Babilone.

Yirmeya 27:20

(Bualu Nebukadnesare, mukalenga wa mu Babilone, kavua mubiangate mu Yerushalayime bua kuya nabi ku Babilone, pavuaye mukuate balombodi bonsu ba mu Yerushalayime ne ba mu ditunga dia Yuda, ne Yekonya, muana wa Yoyakime, mukalenga wa bena Yuda.)

Yirmeya 36:30

Ke padi Maweja-Nangila wamba ne: Ku ndelanganyi ya Yoyakime kakuakuikala muntu nansha umue udi mua kubuela mu bukalenga bua Davide kunyima kuende. Tshitalu tshia Yoyakime nebatshimanshe pambelu, butuku netshikanyanyanye ne mashika, mu munya netshiuminyine ne luya.

Yirmeya 37:1

Nebukadnesare, mukalenga wa mu Babilone, uvua muteke Sedekiya, muana wa Yoshiya, bua kuikalaye mukalenga mu ditunga dia Yuda. Nanku Sedekiya ke uvua mupingane Koniya, muana wa Yoyakime.

Yirmeya 52:12

Mu tshidimu tshia dikumi ne tshitema tshia bukalenga bua Nebukadnesare, dituku dia dikumi dia ngondu muitanu, Nebuzaradane kubuela mu Yerushalayime. Uvua mulombodi wa bena mvita balami ba mukalenga, mufidi wa ngenyi wa mu nzubu wa mukalenga wa bena Babilone.

Yirmeya 52:28

Mu tshidimu tshia muanda mutekete, Nebukadnesare uvua mukuate, muye ne bena Yuda binunu bisatu makumi abidi ne basatu.

Yirmeya 52:31

Yoyakine, mukalenga wa bena Yuda, mumane kushala mu bupika bidimu makumi asatu ne muanda mutekete, ke Evile Merodake kushala mukalenga wa bena Babilone. Mu matuku makumi abidi ne muanda mutekete a ngondu wa dikumi ne muibidi wa tshidimu atshi, mukalenga Evile Merodake kufuila Yoyakine luse, kumupatula mu lukanu.

Yezekiyele 1:2

Tshidimu atshi, tshivua tshitanu katshia mukalenga Yowakine wabuela mu bupika.

Yezekiyele 17:12

— Ebeja bantomboji aba ne: “Nudi bu-mvue tshidi lusumuinu alu luamba anyi?” Ubavuluije mushindu uvua mukalenga wa bena Babilone mubuele mu Yerushalayime, mukuate mukalenga wa ditunga ne balombodi bende, muye nabu mu ditunga diende.

Yezekiyele 17:4

luvua mu katongobela. Kuyaye nalu mu ditunga dia bangenda mushinga, kulutekaye mu tshimenga tshia bantu babanji.

Yezekiyele 19:1

Maweja-Nangila kungambila bua kuela kasala ka madilu, bua kudila bakalenga babidi ba mu Izrayele. Meme kudila ne:

Yezekiyele 19:13

Mpindiewu muonji wa mvinyo, mbaukune mu tshipela, mu ditunga diume kadiyi ne mayi.

Dielulula 28:36

Pashishe Maweja-Nangila neanukuatshishe mu bupika ne mukalenga unuikala nende. Neanufikishe mu ditunga divua bankambua benu kabayi bamanye, nansha nuenu kabidi. Mu ditunga adi nentendelele mvidie idi anu mpingu ya mitshi misonga, nansha ya mabue.