2 Bakalenga 23:26 - MUKANDA WA MYIDI MUKULU

²⁶ Kadi, Maweja-Nangila uvua anu ufikila bukalenga bua bena Yuda munda bikole. Tshiji tshiende katshivua tshituya to. Bualu mukalenga Menashe uvua mumufikishe munda bipite.

Mukanda wa Nzambi Dihungila Dikulukulu ne Dihungila Dihia-dihia 2003

²⁶ Kadi Yehowa kakandamuka ku bukole bua tshiji tshiandi tshikole tshiakadiye nʼatshi kudi Bena Yuda, bualu bua malu mabi onso akenza Manashe akamufuisheye nʼau tshiji.

2 Bakalenga 23:26 교차 참조

2 Bakalenga 22:13

— Nuye kukonka Maweja-Nangila, buanyi meme ne bua bena Yuda bonsu, tumanye tshitudi mua kuenza, bua malu adibu bafunda mu mukanda udibu bangula ewu. Bualu bankambua betu kabavua bakumbaja mikenji yonsu ivuabu bafundemu to. Ke padi Maweja-Nangila mutufikile munda bikole.

2 Bakalenga 24:2

Pashishe, Maweja-Nangila kutumina Yowakime bena buenzayi ba bena Babilone, ba bena Arame, ba bena Mowabe ne ba bena Amone, bua banyangakaje buloba bua bena Yuda bu muvua bambi bambe mu dina dia Maweja-Nangila.

2 Bakalenga 24:20

Maweja-Nangila pavuaye ne tshiji, uvua mutume makenga mu Yerushalayime ne mu bukalenga bua Yuda. Maweja-Nangila kubenga bantu bende, kubalekelaye. Sedekiya kutombokela Nebukadnesare, mukalenga wa bena Babilone.

2 Bakalenga 24:3

Maweja-Nangila uvua mutume makenga aa mu bukalenga bua bena Yuda, bualu kavua musue kumona kabidi bena bukalenga bua Yuda kumpala kuende to. Menashe uvua muenze bibi bitambe,

2 Bakalenga 24:4

bualu uvua mushipe bantu bapite bungi bavua kabayi ne bualu to, muele mashi mapite bungi panshi mu Yerushalayime. Ke muvua Maweja-Nangila kayi musue kufuila bena Yuda kabidi luse to.

2 Kulondolola 35:20

Dituku dikuabu, Yoshiya mumane kulongolola nzubu wa Mvidi Mukulu, Neko, mukalenga wa bena Ejipitu, kuya ne bena mvita bende ku Karkemishe, ku musulu wa Perate, bua kuluangenaku mvita. Yoshiya kavua musue ne: bena Ejipitu bapitshile mu ditunga diende to.

2 Kulondolola 36:16

Kadi bena Izrayele kuseka bambi ba Mvidi Mukulu, kubalembakaja, kulengulula meyi a Mvidi Mukulu. Nanku, Maweja-Nangila kubafikila munda, kubanyoka bikole kabayi mua kupanda to.

Ezela 10:14

Nanku tudi basue bamfumu betu bashale muaba ewu, bua kuambuluisha bantu: bena Izrayele bonsu bavua basele bakaji benyi nebaye kudi bamfumu abu matuku ikale bamfumu abu bafunde. Nebafike ne bakulu ne balumbuluishi ba mu bimenga biabu bishilangane. Netuakaje bualu ebu bimpe bua kutuyisha tshiji tshia Mvidi Mukulu wetu, udi mutufikile bonsu munda.

Yirmeya 23:20

Maweja-Nangila kayi muanji kuenza bualu bujima budiye mupangadike, tshiji tshiende katshiena tshijika to. Tshikondu tshikuabu nenujingulule malu awu.