2 Bakalenga 22:14 - MUKANDA WA MYIDI MUKULU

¹⁴ Ilkiya, mutuangaji munene, Ahikame, Akbore, Shafane, ne Ashaya, kuya kudi muambi mukaji Ulda, uvua musombele mu tshitupa tshipiatshipia tshia Yerushalayime. Bayende wa Ulda uvua Shalume, muana wa Tikva, ne muikulu wa Arase. Shalume ke uvua ulama bilamba bia tshijila bivua mu nzubu wa Mvidi Mukulu. Bantu abu, kuambila muambi mukaji Ulda malu onsu awu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Nunku Hilekiya, muakuidi munene, ne Ahikama ne Akabo ne Shafana ne Asaya bakaya kudi Huleda, muprofete mukashi, wakadi mukashi wa Shaluma, muana wa Tikewa, muana wa Hâhasa, mulami wa bilulu bia mukelenge; (yeye wakadi mushikame mu luseke luibidi lua mu Yelushalema); bakasomba nʼandi.

2 Bakalenga 22:14 교차 참조

2 Bakalenga 10:22

Pashishe, Yehu kutuma diyi kudi muntu uvua mulame bilamba bia kutendelela nabi mvidie, bua abiabanyine bantu bonsu. Kubabanyinabu bilamba abi. Bamane kuenza nanku,

2 Bakalenga 22:15

Ke Ulda kubatuma bua baye kuambila mukalenga Yoshiya ne:

2 Kulondolola 34:22

Ilkiya ne bantu bakuabu bavua mukalenga Yoshiya mutume, kuya kudi muambi mukaji Ulda uvua musombe mu Yerushalayime. Bayende wa Ulda uvua Shalume, muana wa Tokekate, muikulu wa Asra. Shalume ke uvua ulama bilamba bia tshijila bivua mu nzubu wa Mvidi Mukulu. Bantu abu, kuambila muambi mukaji Ulda malu onsu awu.

Nehemya 7:72

“Batuangaji, bena Levi, balami ba ku biibi, bena misambu, bantu bakuabu bu benji ba midimu mikuabu mu nzubu wa Mvidi Mukulu, ne bena Izrayele bakuabu bonsu, bavua baye kusomba mu bimenga biabu.” Ngondu wa muanda mutekete wa tshidimu, bena Izrayele bonsu kumuka mu bimenga bivuabu basombe.

Ekesode 15:20

Diba adi muambi mukaji Miriyame, muanabu ne Arone, kuangata ngoma wende mukese. Bamamu bonsu ba bena Izrayele kumulonda, kuimba ngoma, kuja ne maja.

Yirmeya 39:14

Kutumaye diyi bua baye kuangata Yirmeya mu lubanza lua bena mvita balami ba mukalenga. Ke kumupatuishamu, bamufite kabidi kudi Ngedaliya, muana wa Akikame, ne muikulu wa Shafane. Ngedaliya uvua muanyishe bua bafile Yirmeya kuende. Ke Yirmeya kusomba mpindiewu munkatshi mua bantu bakuabu.

Yezekiyele 13:17

— Yezekiyele, mpindiewu ubele bakaji ba mu Yerushalayime, badi bambila bantu malu mu dina diabu bobu nkayabu, babamanyisha malu a dishima.

Mika 6:4

Nudi nuntompuela, bualu mvua munupatule mu Ejipitu, munupikule mu bupika, munutumine Moshe, Arone ne Miriyame bua kunulombola anyi?

Sefanya 1:10

Maweja-Nangila udi wamba ne: “Mu Yerushalayime dituku adi, nebumvue mbila mikole ku tshiibi tshia Mishipa, miadi mu Tshimenga Tshipiatshipia, mutoyi wa bungi pa mikuna.

Luke 2:36

Kuvua kabidi Ana, muambi mukaji. Uvua muana wa Penuwele, wa mu tshisamba tshia Ashere. Ukavua ne bidimu bia bungi. Uvua mushale mu dibaka ne bayende wa ku buana bidimu muanda mutekete.

Bienzedi 21:9

Uvua ne bana bende ba bakaji banayi, kabayi basela. Bavua bambi, bamanyisha bantu bivua Mvidi Mukulu mubambile.

1 Korente 11:5

Kadi pikala mukaji utendelela munkatshi mua bantu ku mutu kutupu, nansha ubamanyisha malu avua Mvidi Mukulu mumuambile, udi ufuisha bayende bundu, bualu udi bu mukaji udibu bakungule mutu.

Balombodi 4:4

Tshikondu atshi Debora, mukaji wa Lapidote, uvua muambi wa bena Izrayele, ukosa nsambu ya bantu.