2 Bakalenga 20:5 - MUKANDA WA MYIDI MUKULU

⁵ bua apingane kudi Izkiya, mukalenga wa bantu ba Maweja-Nangila, amuambile ne: “Maweja-Nangila Mvidi Mukulu wa nkambua webe Davide udi wamba ne: Ndi mumvue ditendelela diebe, kabidi ndi mumone binsonji biebe. Nanku ndi musue kujikija disama diebe. Papita matuku asatu, mutuadije kuya kabidi mu nzubu wa Mvidi Mukulu.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Walukile, Wambile Hezikiya, mukelenge wa bantu banyi, ne, Yehowa, Nzambi wa Davidi tatu webe, udi wamba ne, Nakunvua kulomba kuebe ne nakutangila binsonshi biebe, nenkuondahe; hahita matuku asatu, wewe neubuele mu nsubu wa Yehowa.

2 Bakalenga 20:5 교차 참조

2 Samuele 5:2

Kale patshivua Shawule mukalenga wetu, ukavua ulombola bena Izrayele mu mvita yabu. Maweja-Nangila uvua mumane kukuambila ne: “Wewe Davide newikale, mukalenga wa bantu banyi bena Izrayele, newikale mfumuabu.”

1 Bakalenga 9:3

Maweja-Nangila kuambila Shelomu ne: — Ndi mumvue kulomba kuebe, ne mushindu uudi untendakena. Nanku, ndi njidila nzubu ewu uudi muibake. Ndi muitabe bua kusombamu kashidi, bua meme kuikala munkatshi muenu. Nengikale mulame nzubu ewu. Netumuenzele bimpe misangu yonsu.

2 Bakalenga 19:20

Ke muambi Yeshaya, muana wa Amosa, kutuma muntu bua kuambila Izkiya ne: “Maweja-Nangila Mvidi Mukulu wabena Izrayele udi wamba ne: Ndi mumvue dilomba diebe bua Senakeribe, mukalenga wa bena Ashure.

2 Bakalenga 20:4

Yeshaya kayi muanji kufika mu lubanza lua ku nzubu wa bukalenga, Maweja-Nangila kumutumina diyi,

2 Bakalenga 22:19

Uvua muteleje bimpe tshindi muambe bua Yerushalayime ne bantu bonsu badimu. Dikenga diabu nedikale dikole. Bantu nebikale baditshipa, batele mena a bena tshimenga atshi. Kadi wewe Yoshiya, uvua mulombe luse, uvua muvuluke bubi buebe kumpala kuanyi, uvua mupanda bilamba biebe, mudile muadi. Nanku, meme Maweja-Nangila ndi nkujadikila ne: ndi mumvue dilomba diebe.

2 Kulondolola 13:12

Mpindiewu, Maweja-Nangila nkayende ke udi utulombola. Batuangaji bende apa badi bakeba kuela mpungi, bua kuleja tshimanyinu tshia mvita, bua kunuluisha. Nanku, nuenu bena Izrayele, kanuluishi Maweja-Nangila Mvidi Mukulu wa bankambua benu, bualu kanuakutshimuna mvita to.

2 Kulondolola 34:3

Tshidimu tshia muanda mukulu tshia bukalenga bua Yoshiya, yeye mutshikale nsongalume, kukebaye mua kumanya tshidi Mvidi Mukulu wa nkambua wende Davide musue. Pashishe bidimu binayi bimane kupita, kutuadjaye kumusha miaba ya kutendelela mvidie ya bantu benyiivua mu Yerushalayime, ne mu bukalenga bua Yuda. Kumushaye kabidi makunji ne mpingu bia kutendelela mvidie bia mishindu yonsu.

Misambu 107:20

Wamba amu diyi dimue, kubondapaye, kubasungidilaye ku lufu.

Misambu 119:26

Mvua mukulondele mundi nsomba, wewe kunteleja, undongeshe tshiudi musue.

Misambu 126:5

Muntu udi umiamina maminu, wenda udila, neele mbila ya disanka padiye unowa.

Misambu 147:3

Udi usamba bantu badi ne dibungama mu muoyi, ubondapa padibu batapika.

Misambu 34:18

Padi bantu bende bamutendelela, Maweja-Nangila udi ubateleja, ubumusha ku makenga abu.

Misambu 39:12

Paudi unyoka muntu bua bilema biende, udi umulengeja. Kadi udi umusha bionsu bidi muntu unanga, bu mudi tshishi tshidia tshimuma. Bushuwa, muntu udi amu bu lupepele.

Misambu 56:8

Bantu bamane kuenza bibi nanku, mudibu mua kuenda tshianana, kabayi babanyoka mbishi? Mvidi Mukulu wanyi, baleja tshiji tshiebe, ubabutule!

Misambu 56:9

Udi mumanye muvuabu bangipata, ngendakana miaba yonsu. Ela binsonji bianyi mu dibungu diebe. Kuena mubifunde bungi buabi mu mukanda webe anyi?

Misambu 6:10

Mvidi Mukulu mumvue mitendekenu yanyi. Mmuanyishe dilomba dianyi.

Misambu 65:2

Mvidi Mukulu, Wewe udi usomba mu tshimenga tshia Siyone, mbimpe tukuele tuasakidila, tukumbaje bituvua bakulaye.

Misambu 65:3

Bualu udi uteleja bantu badi bakutendelela. Ke padibu bonsu bafika kuudi,

Ekesode 15:26

Maweja-Nangila kubambila ne: “Nuenu bateleje diyi dianyi meme, Maweja-Nangila, Mvidi Mukulu wenu, bakumbaje bilenga bindi nnuambila, batumikile mikenji yanyi, tshiakunutumina dikenga nansha dimue, bu mumvua mutumine bena Ejipitu. Bualu meme ndi Maweja-Nangila, udi unondapa.”

Ekesode 3:7

Maweja-Nangila kumuambila ne: — Ndi mumone dikenga dia bantu banyi badi mu ditunga dia Ejipitu. Ndi mumvue miadi yabu. Badi babakengesha bikole ne tshikisu. Ndi mumone mudi bena Izrayele banyingalala.

Ekesode 3:9

Ndi mumvue miadi ya bantu banyi. Kabidi ndi mumone mudibu babakengesha kudi bena Ejipitu.

Yeshaya 19:22

Maweja-Nangila neanyoke bena Ejipitu, bua bamone mua kudilengeja. Nebapingane kudiye. Yeye neanyishe malomba abu, neabambuluishe.

Yeshaya 38:22

Nanku Izkiya kukonka muambi Yeshaya ne: “Ntshimanyinu kaayi tshidi mua kunjadikila ne: ndi mua kubuela kabidi mu nzubu wa Maweja-Nangila?”

Yeshaya 38:5

kuambila Izkiya ne: “Maweja-Nangila Mvidi Mukulu wa nkambua webe Davide udi wamba ne: — Ndi mumvue ditendelela diebe. Ndi mumone binsonji biebe. Nanku, neushale kabidi ne muoyi bidimu dikumi ne bitanu.

Yeshaya 55:3

Ntelejayi meme. Luayi kundi. Umvuayi diyi dianyi, nenuikale ne muoyi. Maweja-Nangila udi wamba ne: “Ndi ntua nenu ndondu wa kashidi. Ndi musue kunuenzela bilenga bimvua mulaye Davide.

Matayi 22:32

“Meme ndi Mvidi Mukulu wa Abrahame, Mvidi Mukulu wa Izake, ne Mvidi Mukulu wa Yakobe.” Nanku Mvidi Mukulu udi Mvidi Mukulu wa bantu badi ne muoyi, ki ngwa bafue to.

Luke 1:13

Kadi mutumibue kumuambila ne: — Zekarya, kutshinyi nansha. Mvidi Mukulu mmuitabe ditendelela diebe. Mukajebe Elisabete neakulelele muana wa balume. Neumuinyike dina dia Yowanane.

Luke 18:10

— Bantu babidi bavua babuela mu nzubu wa Mvidi mukulu bua kutendelela. Umue uvua Muparushe, mukuabu mulambuishi wa bitadi.

Yowanane 5:14

Pashishe Yezu kusambakena ne muntu awu mu nzubu wa Mvidi Mukulu. Kumuambilaye ne: — Teleja. Disama diebe ndijike mpindiewu. Kuenji bualu bubi kabidi, bua bualu bupite bubi kabukukuatshi nansha.

Dielulula 32:39

“Nuenu bena Izrayele, nujadike lelu ne: meme Maweja-Nangila nkayanyi, ndi nnusungidila. Kakuena mvidie mukuabu to, anu meme. Meme ndi mfuisha bantu, mbalama ne muoyi. Ndi mbatapa mputa, mbondapa kabidi. Udi mua kunyenga muntu mu tshianza tshianyi udiku anyi?

Ebrewu 2:10

Bualu Mvidi Mukulu — udi mufuke bionsu, kabidi udibu bafukila bionsu — uvua ne bua kupitshisha Yezu mu makenga bua kumufikisha ku bujima buende, bua amone mua kubueja bana bende bavule mu butumbi buende. Bualu Yezu ke udi ubafikisha ku lupandu.

Didimanyisha 7:17

Bualu Muana wa mukoku udi munkatshi mua nkuasa wa butumbi neikale mulami wabu. Neabafikishe ku mpokolu idi ne mayi adi afila muoyi. Mvidi Mukulu neabakupule binsonji bionsu ku mesu.

1 Samuele 10:1

Ke Samuwele kuambula kalangi ka mafuta kavuaye naku. Kuelaye Shawule mafuta awu pa mutu. Pashishe kumupukilaye, umuambila ne: — Maweja-Nangila nkayende ke udi mukujidila bua wikale mukalenga wa tshisamba tshiende.

1 Samuele 9:16

“Malaba anu pa diba ditudi edi, nenkutumine muntu wa mu tshisamba tshia Binyamine. Wewe neumujidile bua ikale mukalenga wa bantu banyi bena Izrayele. Neabumushe ku bumfumu bua bena Peleshete. Bualu bantu banyi bena Izrayele, mbambikila bua meme kubambuluisha, kabidi ndi mumone dikenga diabu.”