2 Bakalenga 18:18 - MUKANDA WA MYIDI MUKULU

¹⁸ Kulombabu bua kuyukila ne mukalenga Izkiya. Kadi, mulombodi wa mu nzubu wa bukalenga Elyakime, muana wa Ilkiya, kupatuka mu tshimenga bua kumonangana nabu. Elyakime bavua ne Shebna mufundi, kabidi ne Yowa, muana wa Ashafe, mufikishi wa malu a mu bukalenga kudi bantu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Hakabikilabo mukelenge, Eleyakima, muana wa Hilekiya, wakadi ku mutu kua nsubu wa mukelenge, ne Shebena secrétaire, ne Yoa, muana wa Asafa, mufundi wa malu a bukelenge, bakaluhuka kudiye.

2 Bakalenga 18:18 교차 참조

2 Samuele 20:24

Adorame uvua mfumu mulombodi wa midimu mishilangane. Yosafate, muana wa Akilude, uvua mumanyishi wa malu a mukalenga.

1 Bakalenga 4:3

Elikorefe ne Akiya, bana ba Shisha, bafundi; Yosafate, muana wa Akilude, ke uvua mukalenga utuma ne mikenji;

2 Bakalenga 18:26

Ke Elyakime, muana wa Ilkiya, Shebna, ne Yowa, kuambila mulombodi wa beledi ba mukalenga wa bena Ashure maluvu ne: — Bu wewe musue, tuyukile nebe mu muakulu wa bena Arame, bualu tudi baumanye. Lekela kuakula netu mu muakulu wa bena Ebrewu, bualu bantu bonsu badi ku bimana badi anu batuteleja.

2 Bakalenga 18:37

Pashishe, Elyakime, muana wa Ilkiya, uvua mulombodi wa nzubu wa bukalenga, Shebna mufundi, ne Yowa, muana wa Ashafe, mufikishi wa malu a mu bukalenga kudi bantu, kupanda bilamba biabu, kupingana kudi mukalenga Izkiya. Kumuambilabu bionsu bivuabu bambe kudi mulombodi wa beledi ba mukalenga wa bena Ashure maluvu.

2 Bakalenga 19:2

Diakamue, kubikilaye Elyakime, mulombodi wa nzubu wa bukalenga, Shebna mufundi, ne bakulu ba batuangaji. Kubatumaye kudi muambi Yeshaya, muana wa Amosa. Bantu abu, bavua bavuala kabidi bilamba bia madilu.

2 Kulondolola 34:8

Yoshiya mumane kulala mu bukalenga bidimu dikumi ne muanda mukulu, dituku dikuabu uvua umusha mikiya mu ditunga ne mu nzubu wa Mvidi Mukulu. Yoshiya kutuma Shafane, muana wa Ashaliya kudi Masheya, mulombodi wa tshimenga, ne kudi Yowa, muana wa Yowakaze, mufikishi wa malu a mukalenga kudi bantu, bua baye kulongolola nzubu wa Maweja-Nangila Mvidi Mukulu wende.

Yeshaya 33:7

Monayi: bena mu Yerushalayime, badi bapatuka mu misesu, batua mikemu. Bavua batumanyisha bupole, badi bapingana, benda badila miadi.

Yeshaya 36:22

Pashishe, Eliyakime, muana wa Ilkiya, uvua mulombodi wa nzubu wa bukalenga, Shebna, mufundi, ne Yowa, muana wa Ashafe, mufikishi wa malu a mu bukalenga kudi bantu, kupandabu bilamba biabu. Pashishe kupinganabu kudi mukalenga Izkiya. Kumulondelabu bionsu bivuabu bamba kudi mulombodi wa bena mvita, muambuluishi wa mukalenga wa bena Ashure.

Yeshaya 36:3

Pashishe, Eliyakime, muana wa Ilkiya, ne mulombodi wa mu nzubu mua mukalenga, kupatukaye mu tshimenga bua kusambakena nende. Bavua bamushindikija kudi Shebna, mufundi wa malu a mukalenga, ne kudi Yowa, muana wa Ashafe, uvua mufikishi wa malu a mu bukalenga kudi bantu.

Yeshaya 37:2

Kutumaye diakamue Eliyakime, mulombodi wa nzubu wa bukalenga, Shebna, mufundi, ne bakulu ba batuangaji, kudi muambi Yeshaya, muana wa Amose. Bantu abu kuvuala kabidi bilamba bia madilu.