2 Bakalenga 17:20 - MUKANDA WA MYIDI MUKULU

²⁰ Nanku, Maweja-Nangila kubenga bena Izrayele bonsu, kubafila mu bianza bia bakengeshanganyi bua kubafuisha bundu. Pashishe kubipataye, kubatuma kule.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Yehowa wakabenga bonso ba mu tshisamba tshia Bena Isalele, wakabakengesha, wakabafila mu bianza bia bahaudi, tô ne hakabumusheye ku mesu kuandi.

2 Bakalenga 17:20 교차 참조

2 Bakalenga 13:23

Kadi, pashishe Maweja-Nangila kufuila bena Izrayele luse, kulekela bubi buabu, bua ndondu uvuaye mutue ne Abrahame, Izake ne Yakobe. Nanku, Maweja-Nangila kena mubutule bena Izrayele to. Kavua muanji kubatuma kule mu bupika to.

2 Bakalenga 13:3

Nanku, Maweja-Nangila kufikila bena Izrayele munda. Kubafilaye mu bianza bia Azayele, mukalenga wa bena Siriya, ne mu bianza bia Benadade, muana wa Azayele, matuku onsu avua bantu abu mu bukalenga.

2 Bakalenga 13:7

Ku ndekelu, bena mvita ba mukalenga Yowakaze bavua babande pa nyama ya tubalu, bavua bashale anu makumi atanu, matempu a mvita anu dikumi. Bena mvita bavua benda ku makasa bavua bashale anu binunu dikumi. Bualu mukalenga wa bena Siriya uvua mushipe bena mvita ba mukalenga Yowakaze bapite bungi. Uvua mubabutule bonsu, bu mudibu badiata lupuishi mu njila.

2 Bakalenga 15:29

Tshikondu tshivua Peka mukalenga wa bena Izrayele, Tiglate-Pilesere, mukalenga wa bena Ashure, kukuata bimenga ebi: Yone, Ebele-Bete-Maaka, Yanowa, Kadeshe ne Ashore. Tiglate-Pilesere kukuata buloba bua bena Ngilaade, Ngalileya, ne ditunga dijima dia Naftali. Kuyaye ne bena ditunga mu bupika mu Ashure.

2 Bakalenga 17:15

Bavua babenga mikenji ya Mvidi Mukulu, babenga kabidi ne ndondu uvuaye mutue ne bankambua babu, ne mibelu iwaye mubamanyishe. Bavua balamate anu mvidie ya tshianana, batua eku ne eku, bidikija muvuabu benza kudi bisamba bivuabu nabi mutumba, bivua Maweja-Nangila mubakandike bua kababidikiji to.

2 Bakalenga 17:18

Ke Maweja-Nangila kufikila bena Izrayele munda. Kavua musue kubamona kumpala kuende to. Anu tshisamba tshimue tshia bena Yuda ke tshivua tshishala tshilamate Maweja-Nangila.

2 Bakalenga 18:9

Izkiya mumane kulala mu bukalenga bidimu binayi, kabidi Osheya, muana wa Ela, mulale mu bukalenga bua Izrayele bidimu muanda mutekete, Shalmanazere, mukalenga wa bena Ashure, kunyungulula tshimenga tshia Samariya.

2 Bakalenga 21:14

Bantu bena Izrayele bikale bashale, tshiakuikala nabu ne bualu to. Nembafile ku bumfumu bua baluishi babu. Baluishi abu, nebapawule bintu bionsu bia bena ditunga diabu.

2 Bakalenga 23:27

Ke Maweja-Nangila kuamba ne: — Bu mumvua mumane kubenga kale bua kumona bantu ba mu bukalenga bua Izrayele kumpala kuanyi, ke mundi kabidi mbenga bua kumona bantu ba mu bukalenga bua Yuda kumpala kuanyi. Ndi musue kubenga Yerushalayime, tshimenga tshimvua musungule. Ndi musue kubenga kabidi ne nzubu wa Mvidi Mukulu ewu umvua mumane kulaya bua kusombamu.

2 Bakalenga 24:3

Maweja-Nangila uvua mutume makenga aa mu bukalenga bua bena Yuda, bualu kavua musue kumona kabidi bena bukalenga bua Yuda kumpala kuende to. Menashe uvua muenze bibi bitambe,

Nehemya 9:2

Bavua balamuka kudi bantu bavua kabayi bena Izrayele, batonda mibi yabu ne ya bankambua babu kabidi.

Misambu 51:13

Kungipatshi pabuipi nebe. Kumpadi Mueyelu webe wa tshijila.

Misambu 53:5

Mvidi Mukulu udi wamba ne: “Bonsu badi bakengeshangana aba, kabena bumvue bualu nansha bumue. Badi badia bantu banyi bu mampa, babenga kuntendelela.”

Misambu 80:13

Udi mutule lupangu luawu bua tshinyi? Bonsu badi bapita mu njila badi baupopola, bapola tumuma tuawu,

Yeshaya 2:6

Wewe Maweja-Nangila, ukadi ulengulula tshisamba tshiebe, tshisamba tshia ndelanganyi ya Yakobe. Bualu bena mbuku ba kudi diba dipatukila, mbavulangane mu tshisamba tshia Yakobe. Batempi ba malu a mitotu badimu, bungi bu mu ditunga dia bena Peleshete. Bantu bebe mbunwuangane ne bantu ba bisamba bikuabu, balonda bibidilu biabu.

Yeshaya 45:25

Kadi nengambuluishe ndelanganyi yonsu ya Izrayele, bua bapete tshidibu ne bua kupeta. Nanku nebantumbishe.

Yirmeya 15:1

Kadi Maweja-Nangila kungambila ne: — Nansha Moshe ne Samuwele bandombe bua kufuila bantu aba luse, tshiena mua kuanyisha to. Yirmeya, ubipate, ubumushe kundi, baye!

Yirmeya 46:28

Maweja-Nangila udi wamba ne: Wewe Izrayele muena mudimu wanyi, kuikadi ne bowa to. Bualu ndi nebe. Nembutule bisamba bionsu, miaba yonsu imvua munutangalaje. Kadi tshiakukubutula wewe to. Bushuwa mvua anu ne bua kukunyoka, bualu tshiena mua kukutangila bu muntu udi kayi muena tshibawu!

Yirmeya 52:3

Malu avua menzeke mu Yerushalayime ne mu bukalenga bua Yuda tshikondu atshi, avua ajula tshiji tshia Maweja-Nangila. Nanku Maweja-Nangila kavua muanyishe bantu bende kabidi to. Ke Sedekiya kutombokela Nebukadnesare mukalenga wa mu Babilone.

Yirmeya 6:30

Badi bamba bantu abu ne: “Tshiamu tshitoke tshivua ne mushinga, tshikadi katshiyi ne mushinga.” Maweja-Nangila mmumane kubabenga.

Yirmeya 7:15

Kabidi nennubenge bu mumvua mubenge bana benu, bena Efrayime.”

Osheya 1:6

Ngomere kuimita kabidi difu, kulela muana wa bakaji. Maweja-Nangila kuambila Osheya ne: “Muana awu, umuinyike ne: Lorushama, mmumue ne: Tshibengabu. Bualu meme Maweja-Nangila tshiena munange kabidi bena Izrayele to. Tshiena musue kubafuila kabidi luse to.

Osheya 12:3

Maweja-Nangila udi tshilumbu ne bena Yuda. Neanyoke bena Yakobe, bua buenzayi buabu. Neabafute bua malu mabi avuabu benze.

Yona 1:10

Yona kubajadikila kabidi ne: ndi nnyema Maweja-Nangila. Biitshi ba buatu bumvua nanku, kukuatshikabu bowa. Ke kukonkabu Yona ne: — Udi unyema Maweja-Nangila bua tshinyi?

Yona 1:3

Kadi Yona kujuka bua kuya ku Tarshishe, unyema Maweja-Nangila. Ufika ku Yafa, kusanganaye buatu buvua pamue ne kuya ku Tarshishe. Nanku, kufutaye, kubuela mu buatu bua kuya ku ditunga adi, unyema Maweja-Nangila.

Matayi 25:41

Pashishe mukalenga neambile bantu badi ku diende dia bakaji ne: “Umbukayi pandi, nuenu badi Mvidi Mukulu muele mulawu! Nuye mu kapia ka tshiendelele, kavuabu balongoluele diabolu ne batumibue bende!

Dielulula 11:12

Maweja-Nangila Mvidi Mukulu wenu, ke udi ulama buloba abu, ku ntuadijilu wa tshidimu too ne ku ndekelu watshi.

Dielulula 32:20

Ke Maweja-Nangila kuamba ne: “Tshiena mua kutekemena kudi bena Izrayele to. Kabena ne kanemu nansha kakese to. Tshiena musue kubalama kabidi to. Nemmone bidi mua kubenzekela.

2 Tesalonike 1:9

Nebapete dinyoka, babutuka kashidi. Kabakumonangana ne Mfumu; kabakumona bukole ne butumbi buende.

Yoshua 23:13

mimanye ne: Maweja-Nangila neanulekele. Kakutungunuka ne dipata baluishi badi kumpala kuenu to. Baluishi abu, nebikale kunudi bu buteyi ne dijimba. Nebanukengeshe bu mudi mfimbu mutuute panyima, nansha bu mudi meba matue mu mesu. Ku nshikidilu nenubutuke bonsu mu ditunga edi dimpe, didi Maweja-Nangila Mvidi Mukulu wenu mumane kunupa.

Balombodi 18:30

Bena Dane kuimanyika lupingu lua Mika bua kuntendelela. Yonatane, muana wa Ngershome (Ngershome uvua muana wa Moshe), kushala mutuangaji wa tshisamba tshia bena Dane. Ndelanganyi ya Yonatane ivua anu mu mudimu ewu wa butuangaji too ne pavua bantu baye mu bupika.

Balombodi 2:14

Maweja-Nangila kufikila bena Izrayele munda. Kavua ubambuluisha kabidi to. Ke muvua bena buenzayi biba bintu bia bena Izrayele bionsu. Maweja-Nangila kufila bena Izrayele mu bianza bia baluishi bavua nabu mutumba. Bena Izrayele kabavua ne mushindu wa kutuila baluishi babu nkanana to.

1 Samuele 15:23

Kadi kubenga kutumikila, nkuenza bualu bubi amu bu mudi kubuka lubuku. Kubenga kuitaba Maweja-Nangila, nkuenza bualu bubi anu bu mudi kutendelela mvidie. Nanku, bu muudi mubenge mua kutumikila mikenji ya Maweja-Nangila, wakubengi. Kuakuikala kabidi mukalenga wa bantu bende bena Izrayele to.

1 Samuele 15:26

Samuwele kuandamuna ne: — Nansha! Tshiena mua kuya nebe to. Bualu udi mubenge kutumikila mikenji ya Maweja-Nangila. Nanku Maweja-Nangila mmumane kukubenga. Kuakuikala kabidi mukalenga wa bena Izrayele to.

1 Samuele 16:1

Maweja-Nangila kuambila Samuwele ne: — Neushale anu ne tshiji musangu mule bua Shawule, pandi meme mumane kumubenga, bua kashadi mukalenga wa bena Izrayele anyi? Angata mafuta, uye nawu. Ndi nkutuma kua Ishayi ku Betleyeme. Bualu ndi musungule mukalenga undi musue, munkatshi mua bana bende ba balume.