2 Bakalenga 12:18 - MUKANDA WA MYIDI MUKULU

¹⁸ Tshikondu atshi, Azayele, mukalenga wa bena Siriya, kufika bua kuluisha tshimenga tshia Ngate. Yeye mumane kutshikuata, kudilongololaye bua kuluisha Yerushalayime.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Yoasha, mukelenge wa Yuda, wakangata bintu bia tshijila wakafila Yehoshafata ne Yeholama ne Ahazaya batatu bandi, bakelenge ba Yuda, mu nsubu wa Yehowa, ne bintu bionso biakajidileye ne biamu bia or bionso biakadi mu bibutshilu bia mu nsubu wa Yehowa ne bia mu nsubu wa mukelenge, wakabituma kudi Hazaele, mukelenge wa Sulia; nunku yeye wakumuka ku Yelushalema.

2 Bakalenga 12:18 교차 참조

1 Bakalenga 14:26

Kupawulabu bintu bimpe bionsu bivua mu nzubu wa Maweja-Nangila, ne bivua mu nzubu wa bukalenga. Kuangataye bintu abi bionsu, nangananga ngabu ya tshiamu tshia mpawungi ivua Shelomu muenze.

1 Bakalenga 15:18

Diba adi, Asa kupesha balombodi ba mu bukalenga buende tshiamu tshitoke tshia mushinga mukole, ne tshiamu tshia mapwungi, bivua bishala ne mu nzubu wa Mvidi Mukulu, ne mu nzubu wende wa bukalenga. Uvua mutume, balombodi ba mu bukalenga buende ku Damase ne bintu abi, bua baye kupesha mukalenga wa bena Siriya, Benadade, muana wa Tabrimone, kabidi muikulu wa Eziyone. Uvua mubatume kabidi bua bambila Benadade ne:

2 Bakalenga 12:19

Diakamue, Yowashe mukalenga wa bena Yuda, kusangisha bintu bia mushinga mukole bionsu bivuabu balambula Maweja-Nangila kudi bankambua bende, bakalenga ba bena Yuda: Yosafate, Yorame, Akaziya, kabidi ne bivuaye mulambule yeye. Kusangishaye ne tshiamu tshia mpawungi tshionsu tshivuabu bateka mu tshibambalu tshia ku nzubu wa Mvidi Mukulu, ne mu tshibambalu tshia kutekela bintu mu nzubu wa bukalenga. Kutuminaye mukalenga Azayele bintu abi, bua kumusankisha. Nanku, mukalenga Azayele mmulekele kuluisha Yerushalayime.

2 Bakalenga 12:4

Kadi, kavua munyangakaje miaba ya kutendelela mvidie to. Bantu bavua anu baya miaba ayi bua kulambula milambu ya nyama ne ya manananshi.

2 Bakalenga 14:14

Yowashe kuangata tshiamu tshia mpawungi, tshiamu tshitoke tshia mushinga mukole ne bintu bia mushinga mukole bionsu bivua mu nzubu wa Mvidi Mukulu ne bivua mu nzubu wa bukalenga. Pashishe, kukuataye kabidi ne bantu lukola, kupingana nabu mu Samariya.

2 Bakalenga 16:8

Nanku, Akaze kusangisha tshiamu tshia mpawungi ne tshiamu tshitoke tshia mushinga mukole, bivua mu nzubu wa Maweja-Nangila ne mu tshibambalu tshia kuteka bintu tshivua ku nzubu wa bukalenga. Kutuminaye mukalenga wa bena Ashure bintu abi bua kumusankisha nabi.

2 Bakalenga 8:12

Azayele kumukonka ne: — Muambi udi udila bua tshinyi? Muambi Elisha kuandamuna ne: — Ndi ndila bualu nkadi mumanye ne: neukengeshe bena Izrayele bikole. Newoshe bimenga biabu bidi bibaka ne bimana bikole. Neukose nsongalume yonsu muminu, uzaza bana bakese, upanda mafu a bakaji badi bimite.

2 Kulondolola 16:2

Asa kuangata tshitupa tshia bintu bia tshiamu tshitoke tshia mushinga mukole, ne bia tshiamu tshia mpawungi, bivua mu nzubu ya kulamina bintu bia mushinga bia mu nzubu wa Mvidi Mukulu, ne bia mu nzubu wende wa bukalenga. Asa uvua mutume bintu abi ku Damase kudi Benadade, mukalenga wa bena Arame, bua kumuambila ne:

2 Kulondolola 24:17

Mutuangaji Yoyada mumane kufua, bamfumu ba bena Yuda kufika kudi mukalenga Yowashe bua kumonangana nende. Mukalenga kuteleja majinga abu.

Yowele 3:5

Nanku muntu yonsu udi utela dina dia Maweja-Nangila, nebamusungidile. Bualu bamue nebapanduke ku dikenga mu Yerushalayime ne pa mukuna wa Siyone, bu muvua Maweja-Nangila mumane kulaya. Ke bantu badiye usungidila, bua bapete muoyi.