2 Bakalenga 10:19 - MUKANDA WA MYIDI MUKULU

¹⁹ Nanku, bikilayi bambi ba Baale bonsu, batendeledi ne batuangaji bende, bafike kundi bonsu. Muntu nansha umue wa kudibu kashadi to. Bualu ndi musue kuenzeja tshibilu tshinene, bua kulambula Baale milambu. Bantu bonsu badi kabayi bafike, nebabashipe. Yehu uvua wamba nanku ne budimu bua kushipa bantu bavua batendelela mvidie Baale.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Nunku mbikidilai baprofete bonso ba Bâla ne batendeledi bandi bonso ne bakuidi bandi bonso: nansha umue wabo kashadi, bualu bua bundi nʼabu mbua kufila mulambu munene kudi Bâla; yonso washala kena wikala ne muoyo. Kadi Yehu wakenza bualu ebu ne budimu bua yeye amanye mua kushiha batendeledi ba Bâla.

2 Bakalenga 10:19 교차 참조

1 Bakalenga 18:19

Kadi, mpindiewu, utume bantu, basangishe bena Izrayele bonsu, bafike muaba undi ewu ku mukuna wa Karmele. Ubikidishe bambi ba mvidie Baale nkama inayi ne makumi atanu, ne bambi ba mvidie mukaji Ashera nkama inayi, badi mukalenga mukaji Yezabele udisha.

1 Bakalenga 22:6

Nanku, Akabe, mukalenga wa bena Izrayele, kubikidisha bambi bende bonsu bu nkama inayi, ubakonka ne: — Ndi mua kuya kuluangana, bua meme kukuata tshimenga tshia Ramote tshidi mu ditunga dia Ngilaade, anyi tshiena mua kuya? Bambi kuandamuna ne: — Udi mua kuya. Maweja-Nangila neafile tshimenga atshi mu bianza biebe.

2 Bakalenga 10:18

Yehu kubikidisha bena mu Samariya bonsu, ubambila ne: — Mukalenga Akabe uvua utendelela mvidie Baale nankunanku. Kadi, meme Yehu, nentendelele mvidie awu mupite mukalenga Akabe.

2 Bakalenga 3:13

Muambi Elisha kukonka mukalenga wa bena Izrayele ne: — Udi mulue kumatshisha bua tshinyi? Udi mua kuya kuebeja malu kudi bambi ba tatuebe, nansha bambi ba mamuebe! Mukalenga wa bena Izrayele kubenga ne: — Nansha! Tuetu bakalenga basatu, Maweja-Nangila ke udi mututume muaba ewu, bua kutufila mu bianza bia bena Mowabe.

Yobe 13:7

Nudi nuamba malu a dishima bua tshinyi? Nudi nuelangana meji ne ke bidi biambuluisha Mvidi Mukulu anyi?

Nsumuinu 29:5

Muntu udi ulabidila balunda bende, udi uditeya bukondu mu njila yeye nkayende.

2 Korente 11:3

Nyoka, uvua mupambule Eva ne budimu buende, ke undi ntshina. Bualu meji enu adi mua kupambuka mu njila, nuenu kulekela kunanga Kristu, kulekela kumuitaba ne muoyi umue.

2 Korente 4:2

Tukadi bamane kubenga malu a mu musokoku adi atufuisha bundu. Katuena tukuata mudimu ne budimu. Katuena tuandamuna muaku wa Mvidi Mukulu bua kuwenza wa dishima. Kadi tudi mmanyisha bantu patoke malu a Mvidi Mukulu amu pa wowu. Ke patudi basue kudileja kudi muntu yonsu udi witaba Mvidi Mukulu bilondeshile kondu ka munda muende.

1 Tesalonike 2:3

Katuvua banuitabijije bua kunubueja mu ntupakanyi. Katuvua bakebe bivua bitulengelela tuetu. Katuvua badinge muntu nansha umue.