1 Yone 4:6 - MUKANDA WA MYIDI MUKULU

⁶ Kadi tuetu tudi bantu ba Mvidi Mukulu. Muntu udi kayi wa Mvidi Mukulu, kena ututeleja to. Muntu udi mumanye Mvidi Mukulu, udi ututeleja. Ke mutudi mua kusunguluja Mueyelu wa bulelela ne mueyelu wa ntupakanyi.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Tuetu tudi bana ba kudi Nzambi, udi mumanye Nzambi udi utunvuila; udi kai wa kudi Nzambi kena utunvuila. Mu bualu ebu tudi bamanye nyuma wa bulelela, ne nyuma wa mashimi.

1 Yone 4:6 교차 참조

2 Kulondolola 18:21

Mutumibue kuandamuna ne: “Nensake bambi bonsu, bua bambile mukalenga Akabe malu a dishima.” Maweja-Nangila kumuandamuna ne: “Ke mushindu muimpe mutambe bua kumushima. Uye kuenza nanku!”

Yeshaya 29:10

Bualu Maweja-Nangila neanuladike tulu tukole. Uvua munusuike tshilamba pa mesu. — Mesu enu ke bambi benu. — Mmunubuikile tshilamba mu mitu yenu. — Mitu yenu ke badi bamona malu. —

Yeshaya 8:20

wandamuna ne: “Tuetu tudi bualu amu ne mikenji, kabidi ne malongesha a Maweja-Nangila.” Muntu udi kayi ulonda mukenji awu, kena utshisha bufuku to.

Osheya 4:12

Bena Izrayele badi bakonka mpingu ya mitshi malu. Katupa ka mutshi ke kadi kabambila malu. Bena Izrayele mbapambuke mu njila, mbambenge, anu bu mudi mukaji wenda tshiendenda. mBatendelele mvidie mikuabu, bashiye Mvidi Mukulu wabu.

Mika 2:11

Muntu kampanda neamueneke, wamba biambamba, unudinga ne: “Ndi nnumanyisha ne: nenupete mvinyo, ne maluvu makole.” Ke muambi mubule meji, udi mukumbanyine bantu aba!

Mika 3:8

Kadi meme ndi ne bukole bua bungi. Maweja-Nangila mmunguwuje ne Mueyelu wende. Ndi ndongesha bantu ne muoyi mukole, mbambila bidibu ne bua kuenza. Ndi mbela bena Izrayele, ndelanganyi ya Yakobe, bua balekele kutombokela Maweja-Nangila, bakumbaje tshidiye musue.

Luke 10:22

“Tatu wanyi mmumpeshe bintu bionsu. Kakuena muntu udi mumanye Muana, anu Tatu nkayende. Kakuena muntu udi mumanye Tatu, anu Muana nkayende, kabidi ne bantu badi Muana musue kumanyisha Tatuende.”

Yowanane 10:16

Ndi kabidi ne mikoku mikuabu idi kayiyi mu lupangu elu. Ndi ne bua kuyilombola kabidi. Neyiteleje diyi dianyi. Neyenze tshisumbu amu tshimue, tshikale ne mulami amu umue.

Yowanane 10:27

Mikoku yanyi idi iteleja diyi dianyi. Ndi muyimanye. Idi indonda.

Yowanane 10:3

Mulami wa ku tshiibi udi umunzuluila tshiibi, mikoku idi iteleja diyi diende. Udi ubikila mikoku yende, mukoku onsu mu dina diawu, uyipatula pambelu.

Yowanane 13:20

Ndi nnujadikila ne: muntu wakidila muntu undi ntuma, udi ungakidila meme. Muntu udi ungakidila udi wakidila uvua muntume.

Yowanane 14:17

Ba pa buloba kabena mua kuwakidila, bualu kabena mua kuumona nansha kuumanya. Kadi nuenu nudi baumanye. Bualu udi ushala nenu, udi kabidi munda muenu.

Yowanane 15:26

Udi ne bua kunuambuluisha neafike. Yeye ke Mueyelu wa bulelela udi utumina kudi Tatu. Nennutuminewu, utumina kudi Tatu. Neunujadikile malu anyi.

Yowanane 16:13

Padi Mueyelu wa bulelela ufika, neunulombole mu malu malelela onsu. Kawena wamba malu ne bumfumu buawu nkayawu to. Kadi neunuambile bionsu bivuawu mumvue. Neunumanyishe bidi ne bua kuenzeka.

Yowanane 18:37

Ke Pilate kumukonka ne: — Nanku udi mukalenga anyi? Yezu kumuandamuna ne: — Anu muudi muambe amu: Ndi mukalenga. Meme tshidibu bandelele, kabidi tshindi mufikile panu apa, mbua kujadika malu malelela. Muntu yonsu udi munangi wa bulelela udi uteleja bindi ngamba.

Yowanane 20:21

Yezu kubela muoyi tshiakabidi ne: — Bupole buikale nenu. Mudi Tatu muntume, meme kabidi ndi nnutuma.

Yowanane 8:19

Bobu kumukonka ne: — Tatu webe udi penyi? Yezu kubandamuna ne: — Kanuena bamanye nansha meme, nansha Tatu. Bu nuenu bammanye meme, nuvua mua kumanya kabidi Tatu wanyi.

Yowanane 8:23

Yezu kubandamuna ne: — Nuenu nudi bafume panshi pa buloba. Kadi meme ndi mfuma mulu. Nuenu nudi ba pa buloba ebu, kadi meme tshiena wa pa buloba ebu nansha.

Rome 1:1

Meme Polu, muena mudimu wa Yezu Kristu, udi Mvidi Mukulu mubikile bua ngikale mupostolu, udiye musungule bua mmanyishe bantu Lumu luende lua Disanka, ndi nnutumina mukanda ewu.

Rome 11:8

Ke padi Mukanda wa tshijila wamba ne: “Mvidi Mukulu mmututubije lungenyi luabu. mMupangishe mesu abu bua kaamonu, matshi abu bua kaateleji, too ne lelu.”

1 Korente 14:37

Padi muntu wela meji ne: ndi muambi, nansha ne: ndi mupete dipa kudi Mueyelu, amanye ne: bindi munufundile ebi mmukenji wa kudi Mfumu.

2 Korente 10:7

Nudi nutangila nangananga bidi bimueneka ku mesu. Nanku padi muntu wela meji ne: ndi wa Kristu, amanye ne: tuetu kabidi tudi ba Kristu, mudiye yeye amu.

2 Tesalonike 1:8

Neatulukile bu kapia kela ndimi, bua kunyoka badi kabayi banemeka Mvidi Mukulu, kabayi bitaba Lumu lua Disanka lua Mfumu wetu Yezu.

1 Timote 4:1

Mueyelu wa Tshijila udi wamba patoke ne: matuku a ku nshikidilu bamue bantu nebalekele ditaba; nebitabe bena dishima; nebanyishe malongesha a mikishi mibi.

2 Petro 3:2

Ndi musue bua nuvuluke miaku ivua bambi ba tshijila banulongeshe kale, kabidi ne mikenji ya kudi Mfumu ne Musungidi, ivua bapostolu benu banumanyishe.

1 Yone 4:1

Balunda banyi, kanulondi bonsu badi badiamba ne: tudi ne Mueyelu. Kadi nubatete bua kujadika ne: Mueyelu udibu nawu ngwa Mvidi Mukulu anyi? Bualu bambi ba dishima bavule badi batampakane mu bantu.

1 Yone 4:4

Kadi nuenu, bana banyi, nudi bantu ba Mvidi Mukulu. Nukadi batshimune bambi ba dishima. Bualu Mueyelu udi munda muenu udi ne bukole bupite bua mueyelu udi munda mua bena panu.

1 Yone 4:8

Muntu udi kayi unanga, kena mumanye Mvidi Mukulu, bualu Mvidi Mukulu udi dinanga.

1 Yone 5:19

Tudi bamanye ne: tudi bantu ba Mvidi Mukulu. Tudi bamanye kabidi ne: bukua panu bujima budi ku bumfumu bua Muena bubi.

Yuda 1:17

Kadi nuenu, hetu basuibue, nuvuluke bivua bapostolu ba Mfumu wetu Yezu Kristu banumanyishe kale.