1 Yone 3:2 - MUKANDA WA MYIDI MUKULU

² Balunda banyi, mpindiewu tukadi bana ba Mvidi Mukulu. Kadi mutuikala pashishe ki mmuanji kumanyika patoke. Kadi tshitudi bamanye ngetshi: padi Kristu umueneka, netuikale bafuanangane nende, bualu netumumone muonsu mudiye.

Mukanda wa Nzambi Dihungila Dikulukulu ne Dihungila Dihia-dihia 2003

² Bananga, katataka tudi bana ba Nzambi; kadi kabuena buanze kumanyibua mutuikala. Tudi bamanye ne, Biamueneshibueye, netuikale bafuanangane nʼandi; bualu bua netumumone bu mudiye.

1 Yone 3:2 교차 참조

Yobe 19:26

Nansha mubidi wanyi mujima mumane kunyanguka, meme nkayanyi nendimuene Mvidi Mukulu ne anyi abidi!

Misambu 16:11

Udi undombola mu njila, bua mpete muoyi. Ndi nsanka bikole muaba uudi, diakalenga dianyi didi amu pabuipi nebe kashidi.

Misambu 17:15

Meme nenkumone, bualu tshivua muenze bibi. Pangabika, nenkutangile, kabiyi bintonda!

Misambu 31:19

Bena dishima aba bashale tumama. Badi baditambisha, bapepeja bantu badi kabayi ne bualu, babafunda.

Yeshaya 56:5

nebafunde dina diende ku bimana bia nzubu wanyi. Muaba awu nebamuvuluke, mudi bana ba balume ne bakaji kabayi mua kuvuluka baledi babu. Nemvuluke dina diende kashidi. Kabakudikupula kudi muntu to!”

Malaki 3:2

Kudi muntu washala ne muoyi pafikaye anyi? Kudi muntu washala muimane kulu pamuenekaye anyi? Yeye neikale bu kapia kadi kengulula tshiamu, bu nsabanga wa kusukula nende bilamba.

Matayi 5:8

Bantu badi ne muoyi munonoke, ke bena diakalenga, bualu nebamone Mvidi Mukulu!

Luke 17:30

Nanku dituku didi Muana wa muntu umueneka, nebienzeke momumue.

Luke 20:36

Nanku kabatshiena mua kufua, bualu nebafuanangane ne batumibue ba Mvidi Mukulu. Badi bana ba Mvidi Mukulu, bualu mbabike ku lufu.

Yowanane 1:12

Kadi bamue kuwakidila, kuwitaba. Kubapeshawu bukole bua kuikala bana ba Mvidi Mukulu.

Yowanane 11:52

kadi kavua ne bua kutuila amu tshisamba etshi nkayatshi, kadi mmufue kabidi bua kusangisha mu bobumue bantu bonsu ba Mvidi Mukulu bavuabu batangalaje.)

Yowanane 17:24

Tatu, uvua mubampeshe. Ndi musue bua bikale pamue nanyi muaba ungikala, bua bamone butumbi buanyi, butumbi buuvua mumpeshe, bualu uvua munnange, kabayi banji kufuka buloba.

Rome 8:16

Mueyelu wa Mvidi Mukulu mene udi ujadikila kondu ketu ka munda ne: nudi bana ba Mvidi Mukulu.

Rome 8:18

Ndi mumone ne: mutudi tukenga lelu emu, katuena mua kumufuanyikija ne butumbi buatupesha Mvidi Mukulu.

Rome 8:19

Bionsu bidi Mvidi Mukulu mufuke bidi bipampakana, bindila tshikondu tshidi Mvidi Mukulu ne bua kuleja bana bende patoke.

Rome 8:29

Bualu bavua Mvidi Mukulu mudianze kusungula, ukavua mudianza kujadika bua kubenza bafuanangane ne Muanende, bua Muanende ashale muanabute munkatshi mua bana babu bavule.

1 Korente 13:12

Mpindiewu bitudi tumona bidi bifuanangane ne tshimfuanyi tshibuitshidile tshidi tshimueneka mu lumuenu. Kadi diba adi netumonangane ne Mvidi Mukulu mpala ne mpala. Lelu ndi mumanye amu nankunanku. Kadi diba adi nemmanye Mvidi Mukulu muonsu mudiye, mudiye mummanye kabidi muonsu mundi.

1 Korente 15:49

Nanku bu mutuvua bafuane muntu uvuabu benza ne buloba, netufuanangane ne udi mufuma mu diulu.

1 Korente 2:9

Mukanda wa tshijila udi wamba ne: “Bidi muntu nansha umue kayi muanji kumona nansha kumvua, bidi kabiyi bianji kubuela mu meji a muntu, ke bidi Mvidi Mukulu mulongoluele badiye unanga.”

2 Korente 3:18

Tuetu bonsu tudi tumuenesha butumbi bua Mfumu, bualu ki mbabuikile mpala wetu ne tshilamba. Ke mutudi bandamuke, bua difuanangane ne Mfumu, bua tumuke mu butumbi, tubuele mu bukuabu budi bupita bua kumpala. Ke bidi Mfumu muenze ku bukole bua Mueyelu wende.

2 Korente 4:17

Makenga atudi tumvua matuku aa adi amu makese, adi apita kabidi lubilu. Kadi neatupeteshe lumu luvule ludi lushala kashidi, ludi ne mushinga mupite wa makenga aa.

Ngalate 3:26

Bualu nudi bana ba Mvidi Mukulu, panudi nuitaba, nudisanga ne Yezu Kristu.

Ngalate 4:6

Bua kuleja munudi bana bende menemene, Mvidi Mukulu kutuma Mueyelu wa Muanende mu mioyi yetu. Mueyelu awu udi wela diyi ne: “Abba! Tatu wanyi!”

Filipe 3:21

Yeye neakudimune mubidi wetu wa butekete, wa lufu, bua ufuanangane ne wende wa lumu, udiye nawu katshia wabiika ku lufu. Bualu udi ne bukenji bua kuteka bionsu ku bumfumu buende.

Kolose 3:4

Muoyi wenu mulelela ke Kristu. Nanku diba diamuenekaye, nenumueneke kabidi pamue nende. Nenudisange nende mu butumbi buende.

Ebrewu 9:28

Ke muvuabu balambula Kristu musangu umue bua kujimija mibi ya bantu ba bungi. Neamueneke musangu muibidi, ki mbua kujimija mibi, kadi mbua kusungila badi bamuindila.

2 Petro 1:4

Ke padiye mutulaye mapa manene a mushinga mukole, bua tuetu, bamane kupeta mapa aa, tumone mua kuepuka majinga mabi a panu, adi atufikisha ku lufu, tudisange ne Mvidi Mukulu udi wa kashidi.

1 Yone 2:28

Eyowa, bana banyi, nushale mu bobumue ne Kristu. Nanku katuakupampakana dituku diamuenekaye. Katuakufua bundu kumpala kuende dituku diafikaye.

1 Yone 2:7

Balunda banyi, tshiena nnufundila mukenji mupiamupia. Kadi udi mukenji wa kale unukavua bamane kupeta biangatshile ku ntuadijilu. Mukenji wa kale ewu ke muaku unukadi bamane kumvua.

1 Yone 3:1

Monayi dinanga dipite bunene didi Tatu mutunange nadi! Bualu badi batuinyika ne: mbana ba Mvidi Mukulu. Bushuwa, tudi bana bende. Bukua panu mbutupange, bualu kabuvua bumanye Mvidi Mukulu.

1 Yone 3:10

Badi mua kujingulula patoke bana ba Mvidi Mukulu ne bana ba diabolu nenku: muntu yonsu udi kayi wenza malu makane, anyi kayi unanga muanabu, kena muana wa Mvidi Mukulu.

1 Yone 3:21

Nanku, balunda banyi, padi kondu ketu ka munda kakayi katupisha kabidi, tudi mua kumueneka kumpala kua Mvidi Mukulu katuyi ne dipampakana.

1 Yone 5:1

Muntu yonsu udi witaba ne: Yezu udi Kristu, udi muana wa Mvidi Mukulu. Muntu yonsu udi unanga tatu, udi unanga kabidi ne bana bende.

Didimanyisha 2:28

Nembapeshe kabidi mutotu wa ntshisha.

Didimanyisha 22:4

Nebamone mpala wende. Nebafunde dina diende pa mpala yabu.