1 Yone 3:16 - MUKANDA WA MYIDI MUKULU

¹⁶ Mutudi bamanye tshidi dinanga mmunyi? Bualu Yezu Kristu wakafua muoyi wende bualu buetu. Nanku tuetu kabidi tudi ne bua kufila muoyi wetu bua bana hetu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Mu muanda eu tudi bamanye dinanga, bualu bua Yesu wakateka muoyo wandi hanshi bua bualu buetu; ne tuetu tudi ne bualu bua kuteka mioyo yetu hanshi bualu bua bana betu.

1 Yone 3:16 교차 참조

Matayi 20:28

Nanku Muana wa muntu kena mufike bua bamuenzele mudimu, kadi amu bua kukuatshila bantu bakuabu mudimu, ne bua kufila muoyi wende bua kupikula bantu ba bungi.

Yowanane 10:11

Ndi mulami muimpe wa mikoku. Mulami muimpe wa mikoku udi ufuila mikoku yende.

Yowanane 13:34

Ndi nnupesha mukenji mupiamupia ne: Nunangangane. Nudi ne bua kunangangana mundi mununange.

Yowanane 3:16

Bualu Mvidi Mukulu uvua munange bantu bikole. Ke mutataye mubapeshe Muanende mulela umue, bua muntu yonsu udi umuitaba kafu to, kadi ikale ne muoyi wa tshiendelele.

Bienzedi 20:28

Dimukayi! Nudilame bimpe, nulame Tshisumbu tshia mikoku, tshidi Mueyelu wa Tshijila munupe. Nukube Tshisumbu tshia bena ditaba, tshidi Mvidi Mukulu mupete ku lufu lua muanende mulela.

Rome 16:4

Bavua babuele mu njiwu ya lufu bua kusungidila. Ki mmeme nkayanyi udi ne bua kubela tuasakidila nansha. Bisumbu bionsu bia bena ditaba ba mu bisamba bikuabu bidi ne bua kubela tuasakidila.

Rome 5:8

Kadi Kristu wakatufuila tuetu batshikale benji ba malu mabi. Ke muvua Mvidi Mukulu mutuleje mudiye utunanga bikole.

2 Korente 4:12

Nunku lufu ludi luenza mudimu munda muetu, kadi muoyi udi wenza mudimu munda muenu.

Efeze 5:2

Nulonde njila wa dinanga. Vulukayi muvua Kristu mutunange, mudifile bualu buetu, bu mulambu wa dipembu dimpe, uvua usankisha Mvidi Mukulu.

Efeze 5:25

Balume, nangayi bakaji benu, muvua Kristu munange Tshisumbu tshia bena ditaba, mudifile bualu buatshi.

Filipe 2:17

Ndi kumpala kua Mvidi Mukulu bua kumulambula ditaba dienu. Pamue apa nebasakidile muoyi wanyi ku mulambu wenu. Nansha biobi bienzeka nanku, nensanke, nnubueje bonsu mu disanka adi.

Filipe 2:30

Bualu uvua wamba kufua bua mudimu wa Kristu. Uvua mudiele mu njiwu ya lufu, bua kungenzela mudimu unuvua nuenu kanuyi mua kunkuatshila.

1 Tesalonike 2:8

Bu mutuvua banunange bikole, katuvua amu ne dijinga dia kunumanyisha Lumu lua Disanka lua kudi Mvidi Mukulu. Tuvua basue kabidi kufila nansha muoyi wetu mene bualu buenu. Bualu nukavua bantu ba mushinga kutudi.

Tite 2:13

Ke mutudi mua kuindila dituku dia disanka ditudi tutekemena. Dituku adi butumbi bua Mvidi Mukulu wetu munene ne Musungidi Yezu Kristu nebumueneke patoke.

1 Petro 1:18

Nudi bamanye muvuabu banupikule ku nsombelu wa patupu, uvua bankambua benu banushile. Ki mbanupikule ku bintu bia lupitapita, bu mudi tshiamu tshia mpawungi, nansha tshiamu tshitoke tshia mushinga mukole.

1 Petro 2:24

Kristu mene uvua muambule pambidi pende mibi yetu pa mutshi mutshiamakane, bua tuetu, bafue bua bubi, tuende ne muoyi, tuenze bidi Mvidi Mukulu musue. mBanuondape ku mputa ivuabu bamutape.

1 Petro 3:18

Bualu Kristu mene mmufue musangu umue bua kashidi, bualu bua mibi ya bantu. Yeye, uvua kayi ne bualu, mmufuile bena tshibawu, bua kunufikisha kudi Mvidi Mukulu. mBamushipe, bualu uvua muntu. Kadi mbamubishe ku bafue ku bukole bua Mueyelu wa Tshijila.

1 Yone 2:6

muntu udi wamba ne: ndi mu bobumue ne Mvidi Mukulu, udi ne bua kuenza bivua Yezu wenza.

1 Yone 2:9

Muntu udi ujadika ne: ndi ngenda mu butoke, kadi ukina muanabu, utshidi mu miidima.

Didimanyisha 1:5

ne bia kudi Yezu Kristu, udi ujadika malu mudiwu, Muanabute, Wa kumpala udi mubiike ku bafue, Mukalenga wa bakalenga bonsu ba pa buloba, bishindame munda muenu. Kristu udi utunanga. mMutupikule ku mibi yetu ku lufu luende.

Didimanyisha 5:9

Bavua bimba musambu mupiamupia, bamba ne: “Wewe udi muakanyine kuangata mukanda, kulamuna bitampi biawu. Bavua bakushipe. Nanku ku lufu luebe, Wewe kupikuila Mvidi Mukulu bantu, ba meku onsu, ba miakulu yonsu, ba bisamba bionsu, ne ba mu matunga onsu.