1 Yone 3:12 - MUKANDA WA MYIDI MUKULU

¹² Katuikadi bu Kayine uvua muntu wa Muena bubi, ushipa muanabu. Wakamushipa bua tshinyi? Bualu malu avua Kayine wenza avua mabi. Avua muanabu wenza avua mimpe.

Mukanda wa Nzambi Dihungila Dikulukulu ne Dihungila Dihia-dihia 2003

¹² kembua kuikala bu Kana, wakadi wa mubi, wakashiha muanʼabo. Ne yeye wakamushihela tshinyi? Bualu bua midimu yandi yakadi mibi ne ya muanʼabo yakadi miakane.

1 Yone 3:12 교차 참조

Genese 4:25

Adame ne Eva kulela muana we balume mukuabu. Eva kumuinyika dina dia Shete, wamba ne: — Mvidi Mukulu wakumpesha muana mukuabu pa muaba wa Ebele uvua Kayine mushipe.

2 Samuele 13:22

Bu muvua Amnone mubuelele muakunyende Tamare mu nzubu ku bukole, Absalome kumujila, kumukina bikole bipite.

Misambu 37:12

Muntu mubi udi ukina muntu muakane, usumakaja dinu bua kumuenzela bibi.

Misambu 38:20

Baluishi banyi batshidi ne bukole, batshidi ne dikanda. Badi bankina kapayi bualu mbapite bungi.

Nsumuinu 27:4

Lonji ndubi. Tshiji tshidi bu mayi a muenji mukole. Kadi udi mua kukolela lubaabu nnganyi?

Nsumuinu 29:10

Bantu badi bashipangana badi bakina bantu bakane. Kadi bantu ba muoyi muimpe badi bakeba mua kuenda ne bantu bakane.

Nsumuinu 29:27

Bantu bakane badi bapepeja bantu ba malu mabi. Bantu babi badi bapepeja bantu bakane.

Matayi 13:19

Padi bantu bumvua bakuabu balongesha malu a mu Bukalenga bua mu diulu, kabayi bajingulula muyayabu, Muena bubi udi ufika, umusha bivuabu bamiamine mu muoyi wabu. Ke ntete idi ipona ku muelelu wa njila.

Matayi 13:38

Budimi ke bantu. Ntete mimpe mbantu badi banyisha Bukalenga. Lupela mbantu badi bitaba Muena bubi.

Matayi 23:35

Nanku nenupie tshibawu tshia bantu bonsu ba pa buloba, bavuabu bashipe kapayi bualu, bituadije ku Abele, muntu muimpe uvua muitabe Mvidi Mukulu, too ne ku Zekarya, muana wa Barakiya, unuvua bashipele pankatshi pa muaba wa tshijila ne tshilambuilu.

Matayi 27:23

Pilate kubakonka ne: — Mmuenze bualu bubi kaayi? Kadi kuelabu mbila mikole mipite, bamba ne: — Umupopele pa mutshi mutshiamakane!

Matayi 5:37

Nuikale nuitaba amu ne: “eyowa”, nansha nubenga ne: “to.” Bionsu binudi nusakidila bidi bifuma kudi Muena bubi.

Luke 11:51

kutuadija ku Abele too ne ku Zekarya, uvuabu bashipe pankatshi pa tshilambuilu ne muaba wa tshijila. Eyowa, ndi nnujadikila ne: nebanyoke bena lelu, bua bantu bonsu bavuabu bashipe aba!

Yowanane 10:32

Ke Yezu kubambila ne: — Ndi mukuate midimu mivule mimpe ku mesu enu ne bumfumu buvua Tatu mumpeshe. Ku midimu eyi, mbua mudimu kaayi bunudi basue kunshipela ne mabue?

Yowanane 8:40

Kadi mpindiewu nansha mundi mumane kunuambila malu malelela andi mupete kudi Mvidi Mukulu, nudi nukeba kunshipa. Abrahame kavua muenze bualu bua mushindu ewu to.

Yowanane 8:41

Nudi nuenza midimu ya momumue ne idi tatuenu wenza. Bobu kumuandamuna ne: — Katuena bana balela mu buendenda to. Tudi amu ne Tatu umue, ke Mvidi Mukulu.

Bienzedi 7:52

Kudi muambi uvua bankambua benu kabayi bakengeshe anyi? Bavua bashipe bantu bavua babamanyishe ne: Muena buakane neafike. Ke Yeye unudi bapangile, bashipe kabidi mpindiewu!

1 Tesalonike 2:14

Bana hetu, malu avua menzekele bena ditaba ba mu Yudeya, badi balamata Mvidi Mukulu, bitaba Yezu Kristu, ke avua manuenzekele. Bualu bana benu bavua banukengesha, amu muvua bena Yuda bakengeshe bana babu bena ditaba.

Ebrewu 11:4

Amu bua ditaba, Ebele uvua mulambule Mvidi Mukulu mulambu mupite wa Kayine ku buimpe. Bua ditaba diende Mvidi Mukulu uvua mumubingishe bualu Mvidi Mukulu uvua muanyishe malambi ende. Amu bua ditaba diende, Ebele utshidi wakula nansha yeye mumane kufua.

Ebrewu 12:24

Nudi basemena pabuipi ne Yezu, mutuangaji wa ndondu mupiamupia, kabidi pabuipi ne mashi ende atota mamate panshi, adi akula ne diyi dipite dia Ebele.

1 Petro 4:4

Mpindiewu bantu badi kabayi bamanye Mvidi Mukulu badi bakema, bualu kanuena nubuelakana kabidi nabu mu malu mabi a nanku. Ke padibu banupenda.

1 Yone 3:8

Muntu utshidi utungunuka ne dienza bibi, udi muntu wa diabolu, bualu diabolu mmuenze bibi biangatshile ku ntuadijilu. Kadi Muana wa Mvidi Mukulu mmumueneke panu, bua kubutula bidi diabolu muenze.

Yuda 1:11

Bantu abu mbena diakabi. mBabuele mu njila wa Kayine; mbapambuke mu njila, bu Balaame, bua lukuka lua biuma. mBabutuke, bualu bavua batomboka, bu muvua Kora muenze.

Didimanyisha 17:6

Ke meme kumona mukaji awu, mukuatshike mashi a bantu ba Mvidi Mukulu. Uvua mukuatshike mashi a bonsu bavuabu bashipe bualu bavua bitabe Yezu. Pamvua mumumone nanku, meme kukuatshika buowa bunene.