1 Yone 3:10 - MUKANDA WA MYIDI MUKULU

¹⁰ Badi mua kujingulula patoke bana ba Mvidi Mukulu ne bana ba diabolu nenku: muntu yonsu udi kayi wenza malu makane, anyi kayi unanga muanabu, kena muana wa Mvidi Mukulu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Mu muanda eu bana ba Nzambi ne bana ba diabolo badi bajinguluka; muntu yonso udi kai wenza malu makane kena wa Nzambi; ne yeye udi kai unanga muanʼabo kabidi.

1 Yone 3:10 교차 참조

2 Samuele 13:22

Bu muvua Amnone mubuelele muakunyende Tamare mu nzubu ku bukole, Absalome kumujila, kumukina bikole bipite.

Matayi 13:38

Budimi ke bantu. Ntete mimpe mbantu badi banyisha Bukalenga. Lupela mbantu badi bitaba Muena bubi.

Luke 6:35

Kadi nangayi bena lukuna benu, benzelayi bimpe. Sombeshayi bantu bintu, kanuyi nutekemena ne: nebatupingajilebi. Nanku nenupete difutu dinene. Nenuikale bana ba Mvidi Mukulu Muena kulu. Bualu Yeye udi wenzela bena kadiwu, ne bantu babi, bimpe.

Yowanane 1:12

Kadi bamue kuwakidila, kuwitaba. Kubapeshawu bukole bua kuikala bana ba Mvidi Mukulu.

Yowanane 11:52

kadi kavua ne bua kutuila amu tshisamba etshi nkayatshi, kadi mmufue kabidi bua kusangisha mu bobumue bantu bonsu ba Mvidi Mukulu bavuabu batangalaje.)

Yowanane 8:44

Diabolu ke tatuenu. Nudi basue kuenza bidi tatuenu ujinga. Biangatshile ku tshibangidilu uvua mushipianganyi. Katshia ki mmuanji kushala mu bulelela, bualu bulelela kabuena munda muende. Padiye wamba malu a dishima, malu awu ke adi munda muende, bualu udi mudingianganyi, kabidi tatuende wa dishima.

Yowanane 8:47

Muntu wa Mvidi Mukulu udi uteleja miaku ya Mvidi Mukulu. Kadi nuenu kanuena ba Mvidi Mukulu to. Ke panudi kanuyi nunteleja.

Bienzedi 13:10

wamba ne: — Wewe udi muntu mubi, muena dishima, muana wa diabolu, mubengi wa malu mimpe onsu. Neulekele kujikila Mvidi Mukulu njila diba kaayi?

Rome 13:8

Kanuikadi dibanza ne muntu, pa kumusha dia dinangangana. Muntu udi unanga bakuabu, udi ukumbaja bionsu bidi mikenji Uufundila.

Efeze 5:1

Nudi bana badi Mvidi Mukulu munange. Nanku nudibambe bua kuikala bu Yeye.

Kolose 3:14

Ikalayi nangananga ne dinanga. Ke mukaba udi unusuikakaja bonsu pamue.

1 Timote 1:5

Ndi nkutumina diyi edi bua usake bantu ku dinanga, didi bantu ba muoyi mutoke nadi, padibu banyisha bilenga bidi kondu ka munda kabambila. Bikale kabidi ne ditaba dishindame.

1 Yone 2:29

Nudi bamanye ne: Kristu ki mmuenze bualu bubi nansha bumue. Nanku nudi ne bua kumanya kabidi ne: muntu yonsu udi wenza malu mimpe, udi muana wa Mvidi Mukulu.

1 Yone 3:1

Monayi dinanga dipite bunene didi Tatu mutunange nadi! Bualu badi batuinyika ne: mbana ba Mvidi Mukulu. Bushuwa, tudi bana bende. Bukua panu mbutupange, bualu kabuvua bumanye Mvidi Mukulu.

1 Yone 3:2

Balunda banyi, mpindiewu tukadi bana ba Mvidi Mukulu. Kadi mutuikala pashishe ki mmuanji kumanyika patoke. Kadi tshitudi bamanye ngetshi: padi Kristu umueneka, netuikale bafuanangane nende, bualu netumumone muonsu mudiye.

1 Yone 4:21

Mukenji uvua Kristu mutuambile udi nenku: muntu udi unanga Mvidi Mukulu, udi ne bua kunanga kabidi muanabu.

1 Yone 4:6

Kadi tuetu tudi bantu ba Mvidi Mukulu. Muntu udi kayi wa Mvidi Mukulu, kena ututeleja to. Muntu udi mumanye Mvidi Mukulu, udi ututeleja. Ke mutudi mua kusunguluja Mueyelu wa bulelela ne mueyelu wa ntupakanyi.

1 Yone 4:8

Muntu udi kayi unanga, kena mumanye Mvidi Mukulu, bualu Mvidi Mukulu udi dinanga.

1 Yone 5:19

Tudi bamanye ne: tudi bantu ba Mvidi Mukulu. Tudi bamanye kabidi ne: bukua panu bujima budi ku bumfumu bua Muena bubi.

1 Yone 5:2

Tudi bamanye mutudi banange bana ba Mvidi Mukulu, patudi tunanga Mvidi Mukulu, tulonda kabidi mikenji yende.

3 Yone 1:11

Mulunda wanyi, kuidikiji bualu budi bubi, kadi idikija amu malu mimpe. Muntu udi wenza malu mimpe, udi wa Mvidi Mukulu. Udi wenza bibi, kena muanji kumona Mvidi Mukulu.