1 Yone 3:1 - MUKANDA WA MYIDI MUKULU

¹ Monayi dinanga dipite bunene didi Tatu mutunange nadi! Bualu badi batuinyika ne: mbana ba Mvidi Mukulu. Bushuwa, tudi bana bende. Bukua panu mbutupange, bualu kabuvua bumanye Mvidi Mukulu.

Mukanda wa Nzambi Dihungila Dikulukulu ne Dihungila Dihia-dihia 2003

¹ Tangilai mushindu wa dinanga diakamba Tatu bua tuetu tubikidibue ne Bana ba Nzambi; ne tud nunku. Bua bualu ebu ba ha buloba kabena batumanye, bualu bua kabakamumanya.

1 Yone 3:1 교차 참조

2 Samuele 7:19

Kadi wewe Maweja-Nangila, udi mumone ne: bionsu biudi mutuenzele kabiena bianji kukumbana. Nanku, utshidi anu ulaya bena nzubu wanyi, bua kubenzela bimpe. Kabidi udi ummanyisha bionsu ebi, meme muntu patupu.

Misambu 31:19

Bena dishima aba bashale tumama. Badi baditambisha, bapepeja bantu badi kabayi ne bualu, babafunda.

Yirmeya 3:19

Meme Maweja-Nangila kuamba ne: Eyi, ndi musue, bua wikale muananyi muanabute. Ndi musue kukupa ditunga dimpe, ne bupianyi budi bupite bintu bionsu bia pa buloba! Meme kutekemena ne: Neumbikile ne: “Tatu wanyi.” Kuakumbenga kabidi to.

Luke 20:36

Nanku kabatshiena mua kufua, bualu nebafuanangane ne batumibue ba Mvidi Mukulu. Badi bana ba Mvidi Mukulu, bualu mbabike ku lufu.

Yowanane 1:12

Kadi bamue kuwakidila, kuwitaba. Kubapeshawu bukole bua kuikala bana ba Mvidi Mukulu.

Yowanane 11:52

kadi kavua ne bua kutuila amu tshisamba etshi nkayatshi, kadi mmufue kabidi bua kusangisha mu bobumue bantu bonsu ba Mvidi Mukulu bavuabu batangalaje.)

Yowanane 15:21

Kadi nebanuelele bionsu abi amu bualu buanyi. Bualu kabena bamanye utua muntume.

Yowanane 16:3

Nebanuenze nanku, bualu kabavua bamanye Tatu, nansha meme.

Yowanane 17:25

Tatu muimpe, ba pa buloba kabena kakumanye, kadi meme ndi mukumanye. Bobu aba mbamanye ne: uvua muntume.

Yowanane 3:16

Bualu Mvidi Mukulu uvua munange bantu bikole. Ke mutataye mubapeshe Muanende mulela umue, bua muntu yonsu udi umuitaba kafu to, kadi ikale ne muoyi wa tshiendelele.

Rome 5:8

Kadi Kristu wakatufuila tuetu batshikale benji ba malu mabi. Ke muvua Mvidi Mukulu mutuleje mudiye utunanga bikole.

Rome 8:19

Bionsu bidi Mvidi Mukulu mufuke bidi bipampakana, bindila tshikondu tshidi Mvidi Mukulu ne bua kuleja bana bende patoke.

Rome 8:21

dikuabu dituku nebapikule ne bifukibua mene, nebabipatule ku bumfumu bua mubutudi, udi mubikuate mu bupika, bua bidisange mu butumbi bua bana ba Mvidi Mukulu padibu bamane kubapikula.

Rome 8:32

Kavua nansha muengeleke Muanende to. Uvua mumufile bualu buetu bonsu. mMunyi mudiye kayi mua kutupesha bionsu pamue ne Muanende?

2 Korente 6:18

Meme nengikale Tatu wenu, nuenu nenuikale bana banyi ba balume ne ba bakaji. Ke mundi ngamba Meme Maweja-Nangila wa bukole buonsu.”

Ngalate 3:26

Bualu nudi bana ba Mvidi Mukulu, panudi nuitaba, nudisanga ne Yezu Kristu.

Ngalate 3:29

Nanku panudi bantu ba Kristu, nudi ndelanganyi ya Abrahame. Nenupete bivua Mvidi Mukulu mulaye.

Dielulula 14:1

Nuenu bena Izrayele, panudi mu madilu, kanuena mua kuditapa nsalu, nansha kukungula pa lubombu to. Bualu nudi bana ba Maweja-Nangila Mvidi Mukulu wenu.

Kolose 3:3

Bualu nukadi bafue. Muoyi wenu udi musokome pamue ne Kristu munda mua Mvidi Mukulu.

1 Yone 3:10

Badi mua kujingulula patoke bana ba Mvidi Mukulu ne bana ba diabolu nenku: muntu yonsu udi kayi wenza malu makane, anyi kayi unanga muanabu, kena muana wa Mvidi Mukulu.

1 Yone 3:2

Balunda banyi, mpindiewu tukadi bana ba Mvidi Mukulu. Kadi mutuikala pashishe ki mmuanji kumanyika patoke. Kadi tshitudi bamanye ngetshi: padi Kristu umueneka, netuikale bafuanangane nende, bualu netumumone muonsu mudiye.

1 Yone 4:17

Pikala dinanga dimueneka menemene munda muetu, netuikale ne dikima dituku dia Tshilumbuluilu. Bualu nsombelu wetu wa panu mmufuanangane ne wa Yezu Kristu.

Didimanyisha 21:7

Tshidi muntu mua kupeta kundi padiye utshimuna ntshietshi: Nengikale Mvidi Mukulu wende, yeye neikale muananyi.