1 Yone 2:4 - MUKANDA WA MYIDI MUKULU

⁴ Padi muntu wamba ne: “Ndi mumanye Mvidi Mukulu,” kayi utumikila mikenji yende, udi muena dishima. Bulelela kabuena munda muende to.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Yeye udi wamba ne, Ndi mumumanye, kadi yeye katu walama mikenshi yandi, udi muena mashimi ne bualu bulelela kabuena munda muandi.

1 Yone 2:4 교차 참조

Yowanane 8:44

Diabolu ke tatuenu. Nudi basue kuenza bidi tatuenu ujinga. Biangatshile ku tshibangidilu uvua mushipianganyi. Katshia ki mmuanji kushala mu bulelela, bualu bulelela kabuena munda muende. Padiye wamba malu a dishima, malu awu ke adi munda muende, bualu udi mudingianganyi, kabidi tatuende wa dishima.

Tite 1:10

Bualu kudi bantu bavule, nangananga munkatshi mua bena Yuda bavua babuele mu Tshisumbu tshia bena ditaba, badi bantomboji, bashima bantu ne biakulakula.

Tite 1:16

Badi bajadika ne: tudi bamanye Mvidi Mukulu. Kadi malu adibu benza adi aleja ne: kabena bamumanye to. Badi bantu babi, bantomboji, kabayi mua kukumbaja mudimu muimpe nansha umue.

1 Yone 1:10

Tuetu bambe ne: katuena benze bibi, tudi tuvuija Mvidi Mukulu muena dishima. Muaku wende kawena munda muetu.

1 Yone 1:6

Tuetu bambe ne: tudi mu bobumue ne Mvidi Mukulu, patutshidi tuenda mu miidima, bitudi tuamba ne bitudi tuenza mbia dishima.

1 Yone 1:8

Tuetu bambe ne: katuena ne bubi, tudi tudishima. Bulelela kabuena munda muetu.

1 Yone 2:3

Patudi tutumikila mikenji ya Mvidi Mukulu, ke patudi mua kujadika ne: tudi bamumanye.

1 Yone 2:9

Muntu udi ujadika ne: ndi ngenda mu butoke, kadi ukina muanabu, utshidi mu miidima.

1 Yone 3:6

Nanku muntu udi ushala nende mu bobumue, kena wenza kabidi bibi. Kadi muntu udi wenza amu bibi, kena mumumone, kena mumumanye.

1 Yone 4:20

Muntu udi wamba ne: “Ndi munange Mvidi Mukulu,” kadi ukina muanabu, mmuena dishima. Bualu kena mua kunanga Mvidi Mukulu udiye kayi umona, padiye ukina muanabu udiye umona.

1 Yone 4:7

Balunda banyi, tunangangane, bualu dinanga didi difume kudi Mvidi Mukulu. Muntu yonsu udi unanga, udi muana wa Mvidi Mukulu, kabidi mmumanye Mvidi Mukulu.