1 Yone 1:6 - MUKANDA WA MYIDI MUKULU

⁶ Tuetu bambe ne: tudi mu bobumue ne Mvidi Mukulu, patutshidi tuenda mu miidima, bitudi tuamba ne bitudi tuenza mbia dishima.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Bituamba ne, Tudi ne buobumue nʼandi, hatutshidi tuenda mu midima, tudi tushima, ne katuena tuenza bualu bulelela;

1 Yone 1:6 교차 참조

Misambu 82:5

“Kadi kanuena numvua, kanuena bamanye tshintu nansha tshimue, nudi mu miidima, nuenda nububuta, ke padi bantu bakeba kubutuka.

Misambu 94:20

Udi mumvuangane ne bakoshi babi ba nsambu aba, badi bangata mikenji bua kukengesha bantu anyi?

Nsumuinu 2:13

ne ku badi bapambuke mu njila miakane, bendela mu njila ya miidima.

Matayi 7:22

Pafika dituku dia tshilumbuluilu, ba bungi nebangambe ne: “Mfumu, Mfumu, tuvua bamanyishe bantu malu a Mvidi Mukulu mu dina diebe, tuvua bipate mikishi mibi mu dina diebe, kabidi tuvua benze bishima bia bungi mu dina diebe!”

Yowanane 11:10

Kadi padi muntu wenda butuku, udi utetuka, bualu butoke kabuena munda muende to.

Yowanane 12:35

Yezu kubandamuna ne: — Butoke butshidi munkatshi muenu, kadi mbua katupa kipi. Endayi panutshidi ne butoke, bua miidima kuyinujikididi. Bualu muntu udi wenda mu miidima kena mumanye kudiye uya.

Yowanane 12:46

Meme ndi mufike pa buloba bu butoke, bua muntu yonsu udi ungitaba kashadi mu miidima.

Yowanane 8:12

Yezu kulongesha kabidi bantu, ubambila ne: — Meme ndi butoke bua badi pa buloba. Muntu udi undonda katshia kena wenda mu miidima, kadi neikale ne butoke bua muoyi.

Yowanane 8:55

Kadi kanuena bamumanye. Meme ndi mumumanye. Bu meme muambe ne: Tshiena mumumanye, mvua kuikala muena dishima munudi nuenu. Kadi ndi mumumanye. Ndi ntumikila miaku yende.

1 Timote 4:2

Nebabapambule kudi bena mpala ibidi, ne kudi bena dishima, badi ne kabu kondu ka munda kamane kufua, bu kosha ne tshiamu tshipatula mu kapia kakunze kunzuu.

Yakobe 2:14

Bana hetu, padi muntu wamba ne: “Ndi ngitaba,” kayi uleja ditaba mu bidiye wenza, neapete tshinyi? Ditaba dia nanku didi mua kumusungidila anyi?

Yakobe 2:16

wewe mumuambile ne: “Waya bimpe, uye kuvuala bilamba bia kupeta luya, udie, ukute!” kuyi umupesha bidiye ukengela, miaku yebe idi imulengelela ku tshinyi?

Yakobe 2:18

Kadi padi muntu wamba ne: “Muntu umue udi ne ditaba, mukuabu udi wenza malu,” nemmuandamune ne: “Undeje mudi muntu mua kuitaba, kayi wenza malu. Nanku meme nenkuleje ku bindi ngenza mundi ngitaba.”

1 Yone 1:10

Tuetu bambe ne: katuena benze bibi, tudi tuvuija Mvidi Mukulu muena dishima. Muaku wende kawena munda muetu.

1 Yone 1:3

Bituvua bamone, bituvua bumvue, tudi tunumanyishabi ne nuenu kabidi, bua nudisange netu mu bobumue butudi nabu ne Tatu, kabidi ne Muanende Yezu Kristu.

1 Yone 1:8

Tuetu bambe ne: katuena ne bubi, tudi tudishima. Bulelela kabuena munda muetu.

1 Yone 2:4

Padi muntu wamba ne: “Ndi mumanye Mvidi Mukulu,” kayi utumikila mikenji yende, udi muena dishima. Bulelela kabuena munda muende to.

1 Yone 4:20

Muntu udi wamba ne: “Ndi munange Mvidi Mukulu,” kadi ukina muanabu, mmuena dishima. Bualu kena mua kunanga Mvidi Mukulu udiye kayi umona, padiye ukina muanabu udiye umona.