1 Yone 1:4 - MUKANDA WA MYIDI MUKULU

⁴ Tudi tunufundila ebi, bua tusanke, tutshionkomoke.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Tudi tunufundila malu â bua disanka dietu divulangane.

1 Yone 1:4 교차 참조

Yeshaya 61:10

Ndi ngela Maweja-Nangila tuasakidila muanyi muonsu. Ndi ntumbisha Mvidi Mukulu wanyi ne musangelu, bualu dingambuluisha diende didi bu tshivualu tshidiye umvuadika. Lupandu ludiye untuadila, ludi bu tshinkutu tshidiye umbuikila. Ndi ne disanka bu dia musedianganyi mupiamupia, udi wasa tshifulu tshia tshibilu, nansha bu dia nsongakaji udi ubuela mu dibaka, uvuala bilengejilu biende.

Yowanane 15:11

Mvua munuambile nanku bua disanka dianyi dikale munda muenu; kabidi bua disanka dienu dikale dijima.

Yowanane 16:24

Too ne mpindiewu kanuena banji kulomba tshintu mu dina dianyi. Lombayi, nenupete, bua disanka dienu dikale dijima.

Yowanane 3:29

Muntu udi ne mukaji ke bayende wa mukaji. Kadi mulunda wa bayende wa mukaji udi wimana pabuipi ne muena mukaji, umuteleja. Udi usanka bikole padiye umvua diyi dia bayende wa mukaji. Ke disanka dianyi dijima. Mpindiewu diakumbanyi.

2 Korente 1:24

Katuena basue kunufundila tshinudi ne bua kuitaba, bualu nukadi bashindame mu ditaba. Kadi tudi tujinga kukuata nenu mudimu, bua nupete diakalenga.

Efeze 3:19

Bushuwa, muntu nansha umue kena mua kujingulula dinanga didi Kristu utunanga nadi mu bujima buadi. Kadi ndi njinga bua numanye dinanga adi, bua bukole bua Mvidi Mukulu buwule tente munda muenu.

1 Yone 2:1

Bana banyi, ndi nnufundila malu aa, bua kanuenji bibi. Kadi pikala muntu wenza bibi, tudi ne mutulumbuluidi wetu kudi Tatu: ke Yezu Kristu udi kayi ne tshilema.

2 Yone 1:12

Ndi ne malu a bungi akunuambila. Kadi tshiena musue kuafunda pa dibeji ne mayi a mukanda. Ndi ntekemena kufika kuenu aku, bua tuyukidilangane mpala ne mpala, tusanka tutshionkomoka.