1 Yone 1:3 - MUKANDA WA MYIDI MUKULU

³ Bituvua bamone, bituvua bumvue, tudi tunumanyishabi ne nuenu kabidi, bua nudisange netu mu bobumue butudi nabu ne Tatu, kabidi ne Muanende Yezu Kristu.

Mukanda wa Nzambi Dihungila Dikulukulu ne Dihungila Dihia-dihia 2003

³ malu atuakutangila ne atuakunvua, tudi tunuambila kabidi, bua nuenu nuangate buobumue nʼetu; bulelela, buobumue buetu budi ne Nzambi ne Muana wandi Yesu Kilisto,

1 Yone 1:3 교차 참조

Yobe 13:1

Nanku bionsu binudi nuamba ebi, ndi mumane kubimona kale. Ndi mumane kubiumvua, mubijingulule.

Misambu 2:7

— Meme mukalenga. Ndi nnumanyisha mukenji mupeta kudi Maweja-Nangila. Mmungambile ne: “Wewe ke muananyi. Biangatshile lelu, meme ndi tatuebe.

Misambu 22:22

Umpandisheku mukana mua ntambue, undame bua nsengu ya mbowa kayintapi! Eyowa, wewe kungambuluisha!

Yeshaya 66:19

Nembaleje mundi ne bumfumu. Kadi bantu bakuabu bandi mumane kupandisha, nembatume mu bisamba bia bena Tarshishe, bena Pule, bena Lude, — ke bantu badi bamanye bikole mua kuela mikete, — bia bena Tubale ne bena Yavane, ne mu bidiila bidi kulekule. Miaba yonsu ayi bantu kabena banji kumvua butumbi buanyi. Kadi bantu bambatuma, nebamanyishe bena bisamba ebi butumbi buanyi.

Dibadika 10:32

Wewe muye netu, netukusankishe ne bintu bituikala bapete kudi Maweja-Nangila, bu muvuaye mutulaye.

Yowanane 17:11

Tshitshiena kabidi munkatshi mua bantu ba pa buloba. Kadi bobu badi munkatshi muabu. Meme ndi mfika kuudi. Tatu wa Tshijila, ubalame ku bukole bua dina diebe, dina diuvua mumpeshe, bua bikale tshintu tshimue mutudi tuetu, wewe ne meme, tshintu tshimue.

Yowanane 17:21

Ndi ntendelela bua bonsu benze tshintu tshimue. Tatu, benze tshintu tshimue netu, muudi wewe munda muanyi, meme munda muebe. Benze tshintu tshimue bua ba pa buloba bitabe ne: wewe uvua muntume.

Yowanane 17:25

Tatu muimpe, ba pa buloba kabena kakumanye, kadi meme ndi mukumanye. Bobu aba mbamanye ne: uvua muntume.

Yowanane 17:3

Muoyi wa tshiendelele udi nunku: bua bakumanye wewe Mvidi Mukulu umue mulelela, bamanye kabidi Yezu Kristu uuvua mutume.

Yowanane 19:35

Muntu uvua muambe malu aa ke uvua muamone. Bidiye wamba bidi bilelela. Yeye kabidi udi mumanye ne: ndi ngamba malu malelela, bua nuenu kabidi nuitabe.

Bienzedi 13:32

Tuetu kabidi tudi tunumanyisha Lumu lua Disanka elu ne: bivua Mvidi Mukulu mulaye bankambua betu,

Bienzedi 13:41

“Nuenu bena kapeja, tangilayi! Zakalayi ne bowa, nubutuke! Bualu mu tshikondu tshienu etshi nkadi pa kuenza tshishima, tshidi muntu mua kunulondela, kanuyi mua kuitaba.”

Bienzedi 2:42

Matuku onsu bantu abu bavua basombe kaba kamue: bavua bateleja ne ntema bivua bapostolu babalongesha, badisanga mu buena muntu, badila kaba kamue batendelela bonsu pamue.

Bienzedi 20:27

Bualu mvua munumanyishe muonsu mudi Mvidi Mukulu ulongolola malu, tshiyi musokoke kalu nansha kamue.

Bienzedi 4:20

Kadi tuetu katuena mua kubenga kuamba, tshitudi bamone, kabidi bumvue to.

Rome 15:27

Bavua badijadikile bualu ebu nkayabu. Kadi bulelela bavua ne bua kuambuluisha bakengi aba. Bualu bena ditaba ba bena Yuda ba ku Yerushalayime bavua babanyangana ne bantu ba bisamba bikuabu ditaba diabu. Nanku bantu ba bisamba bikuabu badi ne bua kubambuluisha, kuabanyangana nabu bintu bia panu bidibu nabi.

1 Korente 1:30

Kadi Mvidi Mukulu mmunusange ne Yezu Kristu. mMuenze Kristu meji etu. Kristu udi utubingisha kumpala kua Mvidi Mukulu, utuenza bantu bende ba tshijila, utupikula kabidi ku bubi.

1 Korente 1:9

Mvidi Mukulu uvua munubikile, bua nuenu kudisanga ne Muanende Mfumu wetu Yezu Kristu mu nsombelu wenu mujima, udi ukumbaja bionsu bidiye ulaya.

1 Korente 15:1

Bana hetu, mpindiewu ndi musue kunuvuluija Lumu lua Disanka lumvua munulongeshe. Nuvua baluitabe, baluangate bu nshindamenu wa ditaba dienu.

Efeze 3:6

Bualu busokome ebu budi nenku: ku bukole bua Lumu lua Disanka, bantu ba bisamba bikuabu nebapete pamue ne bena Yuda bilenga bidi Mvidi Mukulu mulamine bantu bende. Bonsu badi bidimba bia mubidi umue. Nebapete bonsu pamue bidi Mvidi Mukulu utulaya munda mua Yezu Kristu.

Filipe 1:7

Ndi ngenda nenu bonsu mu muoyi. Nanku bindi ngumvua bualu buenu bidi amu pa bualu. Nansha lelu mundi mu lukanu, nansha diba dimvua ndumbuluila Lumu lua Disanka, njadika bulelela bualu, nudi amu nudisanga nanyi mu dinanga divua Mvidi Mukulu mundeje.

Filipe 2:1

Nukadi nuitaba Kristu, bakolelamu. Kristu udi ununanga, unukolesha ku muoyi. Nudi badisange ne Mueyelu wa Tshijila. Nudi nuenzelangana bimpe, nufuilangana luse.

Filipe 3:10

Tshindi njinga tshidi anu bua kumanya Kristu, kumvua bukole bua dibiika diende, kudisanga nende mu makenga, kudienza mufuanangane nende mu lufu,

Kolose 1:13

Bualu mmutupikule ku bukole bua miidima, mutubueje mu bukalenga bua Muanende munanga.

1 Tesalonike 1:10

Nudi bindile Muanende Yezu, uvuaye mubishe ku lufu, udi ne bua kutuluka mu diulu. Yeye mene ke udi utusungidila ku tshilumbuluilu tshia Mvidi Mukulu tshikadi pabuipi.

1 Timote 6:2

Bapika badi ne bamfumu bena ditaba, kabena ne bua kubapetula, bamba ne: bualu mbana hetu mu ditaba. Kadi badi ne bua kubakuatshila mudimu bimpe bipite, bualu bantu badibu benzela mudimu, mbena ditaba nabu badibu bananga. Ke tshiudi ne bua kumanyisha bantu, kubumvuija kabidi.

Ebrewu 2:12

Bualu udi wamba ne: “Eyi! Mvidi Mukulu wanyi, nengambile bana hetu bualu buebe, nenkutumbishe bantu bonsu bateleje.

Ebrewu 3:1

Nanku, bana hetu bena ditaba, nuenu batata Mvidi Mukulu mubikile kabidi, nutangile Yezu utata Mvidi Mukulu mutume bua kuikalaye mutuangaji munene utudi tutonda mu ditaba dietu.

Ebrewu 3:14

Bualu tudi tuenda pamue ne Kristu mu njila, patudi tulama ne muoyi umue ditekemena dietu dia ku tshibangidilu too ne ku ndekelu.

1 Petro 5:1

Bindi ngakula mpindiewu, bidi bitangila bantu ba munkatshi muenu badi bakulu ba Tshisumbu tshia bena ditaba. Meme kabidi ndi mukulu. Mvua mumone ne anyi abidi makenga a Kristu. Nendisange kabidi nende mu butumbi buende bukadi pa kumueneka. Nanku ndi ngambila bakulu ne:

2 Petro 1:16

Patuvua banumanyishe ne: Mfumu wetu Yezu Kristu neafike ne bukole buende, katuvua banulondele nsumuinu ifuma ku budimu bua bantu. Kadi tuvua badimuene butumbi buende ne etu abidi.

1 Yone 1:1

Tudi tunufundila bua Muaku udi upetesha muoyi. Muaku awu uvuaku biangatshile ku tshibangidilu tshia bionsu. Tuvua bawumvue, baumone ne mesu etu, bautangile, baulenge ne bianza bietu.

1 Yone 1:5

Yezu Kristu uvua mutumanyishe lumu lutudi Umuambila elu ne: Mvidi Mukulu udi butoke. Munda muende kamuena miidima to.

1 Yone 1:7

Kadi tuetu bende mu butoke, mudi Mvidi Mukulu mu butoke, nanku bonsu tudi tuenza tshintu tshimue, kabidi mashi a Yezu, Muanende, adi atupikula ku bubi buonsu.