1 Timote 6:6 - MUKANDA WA MYIDI MUKULU

⁶ Bulelela, kuenzela Mvidi Mukulu mudimu nekunemeshe muntu, padiye usanka ne bidiye nabi.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Kadi luhetu ludi lutamba bulengele ludi buimpe bua Nzambi busangisha ne mutshima muhole;

1 Timote 6:6 교차 참조

2 Bakalenga 6:2

Anyisha, tuye ku muelelu wa Yardene, bua muntu yonsu wa kutudi atape mutshi munene, bua tuetu kuasa nzubu mupiamupia wa tshisangilu muaba ewu. Muambi Elisha kubandamuna ne: — Ndayi.

Misambu 37:16

Bikese bidi kudi muntu wa Mvidi Mukulu, mbipite mpetu mivule ya muntu udi umubenga.

Misambu 84:11

Bualu kusomba dituku dimue mu lubanza lua nzubu webe wa kutendelela, nkupite kusomba matuku tshinunu munga muaba. Mvidi Mukulu wanyi, kuimana kumbelu kua nzubu webe, nkupite kusomba mu ntenta ya bantu babi.

Ekesode 2:21

Moshe kuitaba bua kusomba kua muntu awu. Yetro kuselesha muanende wa bakaji Sefora kudi Moshe.

Nsumuinu 15:16

Mbimpe kuikala mupele udi uvuluka Maweja-Nangila, pa mutu pa kuikala muena biuma, kadi muikale ne dipampakana.

Nsumuinu 16:8

Kupeta difutu dikese mu buakane, nkupita kuikala ne bintu bia bungi bipeta mu buenzayi.

Nsumuinu 28:25

Muena lukuka udi usonsola amu matandu. Kadi udi utekemena kudi Maweja-Nangila neatuute dikasa dimpe.

Yirmeya 35:9

Katuena tuasa nzubu bua kusombamu, nansha bua kulalamu to. Katuena ne madimi a mvinyo, nansha madimi makuabu to.

Luke 12:15

Pashishe Yezu kuambila bantu bonsu ne: — Nudimuke. Kanuteki muoyi ku biuma. Bualu muntu kena ne muoyi bualu bua biuma, nansha yeye nabi bivule!

Luke 3:14

Basolayi kabidi kumukonka ne: — Apu tuetu kabidi, netuenze tshinyi? Yeye kubandamuna ne: — Kanunyengi muntu makuta, nansha ku bukole, nansha ku dimudingila bualu. Kadi nusanke ne bidibu banufuta.

Rome 8:28

Tudi bamanye ne: Mvidi Mukulu udi ukuata mudimu mu bionsu, bua bilengelele badi bamunanga, bavuaye mubikile bilondeshile meji ende.

2 Korente 4:17

Makenga atudi tumvua matuku aa adi amu makese, adi apita kabidi lubilu. Kadi neatupeteshe lumu luvule ludi lushala kashidi, ludi ne mushinga mupite wa makenga aa.

Filipe 1:21

Kadi muoyi mene ntshinyi? Buanyi meme, muoyi, ke Kristu! Nanku lufu nelumpeteshe muoyi mupite.

1 Timote 4:8

Manaya a kuibidija mubidi adi mimpe, alengelela bantu, kadi amu kakese. Kadi kutumikila Mvidi Mukulu kudi kubambuluisha mu bionsu, bualu kudi kutulaya muoyi bua mpindiewu, ne bua matuku atshidi kumpala.

1 Timote 6:8

Nanku tuetu ne biakudia, kabidi ne bilamba, mbikumbane.

Ebrewu 13:5

Mu nsombelu wenu, kanuikadi ne lukuka lua biuma. Nusanke ne binudi nabi, bualu Mvidi Mukulu mmuambe ne: “Tshiena nkulekela, tshiena nkushiya nkayebe nansha kakese.”