1 Timote 6:4 - MUKANDA WA MYIDI MUKULU

⁴ muntu awu mmuena ditambisha. Kena mumanye tshintu to. Udi ujinga kuelangana mpata ya bupale, ne kutandangana amu bua miaku. Ke kudi kufuma lubabu, matandu, bipendu, dielela muntu meji mabi,

Mukanda wa Nzambi Dihungila Dikulukulu ne Dihungila Dihia-dihia 2003

⁴ yeye udi mûshibue ne diambu, kai mumanye muanda, kadi udi usama muoyo bua kukonkangana ne bua kuelangana mpata, kudi kufuma mutshiaudi ne matandu ne bihendu ne blesheshi bibi,

1 Timote 6:4 교차 참조

Nsumuinu 13:7

Bamue bantu badi badiangata bu babanji, bobu bikale bianza bitupu. Banga kabidi badi badiangata bu bapele, bobu bikale babanji.

Nsumuinu 25:14

Muntu udi uditambisha bua bintu bidiye kayi upeshangana, mmufuanangane ne mavuba ne lupepele bidi kabiyi bilokesha mvula.

Nsumuinu 26:12

Wewe musangane muntu udiamba mudiye muena meji, mbimpe kutekemena kudi mutshimbakane pa muntu pa kutekemena kudiye.

Yeshaya 58:4

Nudi nutandangana, nukumangana. Panudi nujila biakudia mushindu ewu, mundi meme mua kuteleja dindomba dienu mmunyi?

Bienzedi 15:2

Kadi Polu ne Barnabase kubenga bivuabu balongesha abi, kuelangana nabu mpata bikole pa bualu abu. Ke bena ditaba kushindika ne: tutume Polu ne Barnabase, ne bantu bakuabu ba mu Antiyokiya, ku Yerushalayime, kudi bapostolu ne bakulu, bua batangile tshilumbu etshi.

Bienzedi 18:15

Kadi bu munudi amu nuelangana mpata bua miaku, bua mena, ne bua mikenji yenu, abi bidi binutangila amu nuenu nkayenu. Tshiena musue kukosa bilumbu bia nenku to!

Bienzedi 8:9

Mu tshimenga amu muvua muntu, dina diende Simone. Ukavua musombemu bidimu bivule. Uvua muena dialu, ukemesha bena Samariya. Uvua udiamba ne: ndi muntu muneme.

Rome 12:16

Umvuanganayi munkatshi muenu. Kanuditambishi to. Kadi nuanyishe midimu mishadile yonsu. Kanudiangatshi bu bena meji.

Rome 13:13

Tuenze malu mimpe, bu bantu bakadi benda mu butoke bua dituku. Tulekelayi budiavi, bunuavi, malu a bundu, ne buenzavi bukuabu, matandu ne lubabu.

Rome 14:1

Nuakidile bimpe udi mutekete mu ditaba. Kanuedianganyi nende mpata, bua kupetula meji ende.

Rome 2:8

Kadi bavua bamutombokela, babenga bulelela, badifila ku malu mabi, neabaleje tshiji tshiende ne kanyinganyinga kende.

1 Korente 11:16

Kadi pikala muntu musue kutontolola bindi ngamba, tshintu tshimuepele tshindi musue kuamba tshidi amu ne: nansha tuetu, nansha Bisumbu bia bena ditaba, katuena ne tshibidilu tshikuabu, patudi tutendelela Mvidi Mukulu.

1 Korente 11:18

Bualu bua kumpala: bayua bangambila ne: panudi nusangila, nudi nuabulukangana mu bisumbu bidi bifuilakana. — Ndi ngitaba bualu ebu tshitupa.

1 Korente 3:18

Muntu kaditshimbishi. Pikala muntu wa kunudi uditangila bu muena meji wa panuapa, adienze mupale, bua apete meji a bushuwa.

1 Korente 3:3

bualu nutshidi nusomba bu bantu ba panu. Nudi nubabangana, nutandangana. Ke bidi bileja ne: nudi bantu ba panu, nuenza amu bidi bantu bakuabu bonsu benza.

2 Korente 11:20

Nudi nuanyisha bua banutumine diyi, mudibu batumina bapika, bua banunyenge bintu bienu, banudinge, banupetule, banukume minu mu mpala.

Ngalate 5:15

Kadi panudi nusumangana, nusunsulangana, bu nyama ya lonji, nudimuke, tshianana nenubutulangane.

Ngalate 5:26

Kanuditambishi, katufikishanganyi munda, katutekedianganyi lubabu.

Ngalate 6:3

Padi muntu uditemba ne: ndi kampanda, yeye kayi nanku, udi udishima nkayende.

Filipe 1:15

Bushuwa bamue ba kudibu badi balongesha Kristu, bualu badi bantekela lubabu, bankebela bilumbu. Kadi bakuabu badi bamulongesha amu ne muoyi muimpe.

Filipe 2:14

Enzayi bionsu, kanuyi nudiabakena, kanuyi nutontolola.

Filipe 2:3

Kanuenji bualu nansha bumue ne meji a lubabu, nansha a kuditemba patupu. Kadi nudipuekeshe kudi bakuabu. Muntu yonsu atangile bantu bakuabu bu badi bamupite.

Kolose 2:18

Kanuteleji muntu udi unudiwula, wamba ne: meme ndi ndipuekesha, ndi ntendelela batumibue; Mvidi Mukulu udi undeja malu. Muntu wa nanku udi uditambisha patupu, wela amu meji a bantu.

2 Tesalonike 2:4

Muena bubi awu neabenge bionsu bidi bantu bakukuila, ne mvidie yonsu idibu batendelela. Neaditeke ku mutu kua bionsu abi. Neabuele ne mu nzubu wa Mvidi Mukulu. Neatekemu nkuasa wende, udiamba ne: ndi Mvidi Mukulu.

1 Timote 1:4

Kabakebi kumanya mianu ne mena mulongulongu bia bankambua, bidi bijula amu milandu ya patupu. Bionsu abi kabiena bitungunuja mudimu wa Mvidi Mukulu wa kusungidila bantu. Muntu udi upeta lupandu amu ku ditaba.

1 Timote 1:7

Badi basue kuikala balongeshi ba mikenji ya Mvidi Mukulu, kadi kabena bajingulula mene miaku idibu bamba, nansha malu adibu balongesha, bajadika bikole.

1 Timote 3:6

Kena mua kuikala muntu mupiamupia mu Tshisumbu tshia bena ditaba, bualu udi mua kuditambisha. Diba adi nebamufundile tshibawu tshiakapeta diabolu.

2 Timote 2:14

Uvuluije bantu bonsu malu aa. Ubabele bikole kumpala kua Mvidi Mukulu ne: kanuedianganyi mpata ya pa miaku. Mpata ya nunku kayena ilengelela bantu, kadi idi amu ipambula badi bayiteleja.

2 Timote 2:23

Kadi ubenge mpata ya bupale ne butshimbakane. Umanye ne: ndekelu wayi udi amu matandu.

2 Timote 3:4

Nebelangane bifufu bibi. Nebikale bantu ba tshiiji, bena lutambishi luvule. Nebanange milowu, pa mutu pa kunanga Mvidi Mukulu.

Tite 3:9

Kadi lekela kuelangana mpata ya tshianana, kulondolola ndelanganyi mulongulongu ya bankambua, matandu ne mpata bia pa mikenji. Ebi kabiena biambuluisha nansha kakese.

Yakobe 1:19

Bana hetu basuibue, vulukayi bimpe bindi ngamba: muntu yonsu ateleje lukasa, kadi kena mua kuakula pa lukasa nansha. Kabidi kafiki munda lubilu.

2 Petro 2:12

Kadi bantu aba badi benza malu, bu badi kabayi bela meji. Badi bu nyama ya lonji idi kayiyi yela meji, idibu balela amu bua bantu bamone mua kuyikuata, kuyishipa. Badi bapenda tshidibu kabayi bamanye. Nebabashipe mudibu bashipa nyama ya lonji ayi.

2 Petro 2:18

Badi bakula miaku ya ditambisha ne ya bupote. Ku lukuka luabu badi bateya bantu batshidi bumuka mu njila wa bantu bapambuke.

Yuda 1:10

Kadi bantu aba badi bapenda bidibu kabayi bamanye. Bu nyama ya muitu, mbamanye amu majinga a mubidi wabu. Ke tshidi ne bua kubafikisha ku kabutu.

Yuda 1:16

Bantu aba kabena baleja disanka dituku nansha dimue, badi batontolodi ba kashidi. Badi benza malu amu mudi nkuka yabu. Badi bakula ne dipetu, balabidila bantu bua kupeta bintu.

Didimanyisha 3:17

Udi wamba ne: ‘Ndi mubanji. Ndi mupete bivule. Tshiena nkengela tshintu!’ Kadi kuena mumanye dikenga diudi nadi, didi dikuatshisha luse! Udi mupele, udi butaka, udi mpofu.