1 Timote 6:3 - MUKANDA WA MYIDI MUKULU

³ Padi muntu ulongesha malu adi kaayi umvuangana ne miaku milelela ya Mfumu wetu Yezu Kristu, nansha ne ditaba dietu,

Mukanda wa Nzambi Dihungila Dikulukulu ne Dihungila Dihia-dihia 2003

³ Biayisha muntu diyisha dikuabo dia bualu bua Nzambi, ne bikaleye kai witabusha mei adi malenge, nga Mukelenge wetu Yesu Kilisto mene, ne kai witabusha diyisha dia bu mudi buimpe bua Nzambi;

1 Timote 6:3 교차 참조

Nsumuinu 15:4

Miaku idi ikolesha muntu mu maboku, idi imusanguluja. Kadi miaku ya tshikisu idi inyanga muoyi wa muntu.

Matayi 22:21

Kuandamunabu ne: — Bia mukalenga wa bakalenga. Ke Yezu kubambila ne: — Nunku futayi mukalenga wa bakalenga bintu bidi bunutangila, kadi lambulayi Mvidi Mukulu pende bidi bimutangila.

Matayi 28:20

Nubalongesha kabidi mua kukumbaja bionsu bimvua munuambile. Manyayi ne: Meme nengikale nenu matuku onsu, too ne ku ndekelu kua bidimu.

Rome 16:17

Bana hetu, ndi nnulomba ne: nudimukile bantu badi bajula ditapulukangana, bakeba kupambula bena ditaba mu njila, babenga bivuabu banulongeshe. Numuke kudi bantu ba nanku.

1 Tesalonike 4:8

Muntu udi ubenga mikenji eyi, kena ubenga muntu, kadi udi ubenga Mvidi Mukulu, udi unupa Mueyelu wende wa Tshijila.

1 Timote 1:10

bena buendenda, bakulumpe badi banyanga bana, bantu badi basumbishangana bapika, bena dishima, bantu badi baditshipa mitshipu ya dishima, ne bonsu badi benza malu adi abengangana ne dilongesha dilelela.

1 Timote 1:3

Bu mumvua mukulombe, pamvua nya ku Masedoniya, shala mu Efeze. Bualu bantu badimu badi balongesha malu adi kaayi malelela. Ubakandike! Balekele kuenza nanku!

1 Timote 1:6

Bantu bakuabu badi bapambuke mu njila ewu, baditua ku mpata ya tshianana.

2 Timote 1:13

Miaku milelela imvua mukuambile ikuleje muudi ne bua kuakula. Unanukile bimpe mu ditaba ne mu dinanga, bitudi nabi patudi tudisanga ne Yezu Kristu.

2 Timote 4:3

Bualu tshikondu netshifike, tshiabenga bantu kuteleja badi balongesha malu malelela. Nebakebe amu tshidibu bajinga bobu. Nebadisangishile balongeshi bavule badi babalongesha amu bidibu basue kuteleja.

Tite 1:1

Meme Polu, muena mudimu wa Mvidi Mukulu, ne mupostolu wa Yezu Kristu, ndi mfunda mukanda ewu. Bavua bangimikile mudimu wa kufikisha ku ditaba bantu bavua Mvidi Mukulu musungule, ne wa kubamanyisha mudibu mua kunemeka Mvidi Mukulu mu bulelela bilondeshile ditaba diabu.

Tite 1:9

Alongeshe malu a Mvidi Mukulu malelela, amu muvuabu bamulongeshewu. Nanku neamanye mua kukolesha bantu bakuabu ku muoyi. Alongeshe amu malu malelela. Aleje bantu badi babenga dilongesha diende ntupakanyi yabu.

Tite 3:8

Miaku indi ndongesha eyi idi milelela. Ndi musue wambulule malu awu misangu mivule, bua bantu badi bitaba Mvidi Mukulu bakumbaje midimu mimpe ne dinanukila. Ke bidi bimpe, bilengelela bantu.