1 Timote 6:16 - MUKANDA WA MYIDI MUKULU

¹⁶ Yeye nkayende kena ufua. Udi musombe mu butoke budi muntu kayi mua kusemena pabuipi. Muntu nansha umue ki mmuanji kumumona, kena kabidi mua kumumona. Lumu ne bukole bidi kudiye kashidi. Amene.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ anu yeye udi kai mua kufua, udi wikala mu munya udi bantu kabai bamanye mua kufika kudiu, udi muntu kai muanze kuimona, ne udiye kai mumanye mua kumona kabidi; yeye ikale biandi ne buneme ne bukole bua tshiendelele. Amen.

1 Timote 6:16 교차 참조

Yobe 37:23

Mvidi Mukulu mmuena bukole buonsu. Katuena mua kusemena pabuipi nende. Udi munene. Bidiye wenza bionsu bidi bimpe. Kena ukengesha muntu. Tshidiye ne bua kutuambila ntshinyi?

Misambu 104:2

Udi muvuale butoke bu tshinkutu, udi muadije diulu bu ntenta.

Misambu 90:2

Diambedi mikuna kayiyi mianji kuikalaku, diambedi buloba mene kabuyi buanji kufuka, ku kale kuonsu aku, wewe ke udi Mvidi Mukulu, newikale Mvidi Mukulu matuku onsu.

Ekesode 3:14

Mvidi Mukulu kumuambila ne: — “Meme ndi Mundi.” Ubambile ne: “Ndi Mundi mmuntume kunudi.”

Ekesode 33:20

Maweja-Nangila kumujadikila ne: — Kuena mua kumona mpala wanyi to, bualu muntu kena mua kumona mpala wanyi, kushala kabidi ne muoyi to.

Yeshaya 57:15

Udi ku mutu kua bintu bionsu, udi usomba mu nzubu wa kashidi, udibu binyika ne: Wa Tshijila, ke yeye udi wamba ne: “Meme Mvidi Mukulu wa tshijila, ndi nsomba mulu. Kadi ndi ngenda kabidi ne bantu badi mu makenga, badi ne muoyi wa bupuekele. Nanku nempingajile muena bupuekele muoyi, nempingajile mukengi disanka.

Abakuke 3:4

Udi upatuka, ukenka, ubalakana bu diba, tshianza tshiende tshidi tshiela nsese, ke muaba udi bukole buende.

Yowanane 1:18

Muntu nansha umue kena muanji kumona Mvidi Mukulu. Amu Muana mulela umue, Mvidi Mukulu udi musombe pamue ne Tatu, ke udi mutumanyishe Tatu.

Yowanane 14:9

Yezu kumuandamuna ne: — Filipe, kudi matuku mulongulongu andi mushale nenu, kuena muanji kummanya anyi? Muntu mumane kummona, mmumane kumona Tatu. Muudi wamba ne: “Utuleje Tatu” mbishi?

Yowanane 6:46

Tshiena musue kuamba ne: muntu kampanda mmumane kumona Tatu nansha. Amu uvua mufume kudi Mvidi Mukulu ke uvua mumone Tatu.

Yowanane 8:58

Yezu kubandamuna ne: — Ndi nnujadikila ne: kabayi banji kulela Abrahame, meme “ndi mundi”.

Efeze 3:21

Atumbe mu Tshisumbu tshia bena ditaba, ne mu Yezu Kristu, mu bikondu bionsu, kashidi ne kashidi! Amene.

Dielulula 32:40

Meme Maweja-Nangila ndi nditshipa, ngela tshianza mulu, ngamba ne: ‘Ndi ne muoyi kashidi ne kashidi.

Filipe 4:20

Mvidi Mukulu Tatu wetu atumbe kashidi tshiendelele. Amene.

Kolose 1:15

Kristu udi tshimfuanyi tshidi tshimueneka tshia Mvidi Mukulu udi kayi umueneka. Yeye udi Muanabute, udi mupite bionsu bidi Mvidi Mukulu mufuke.

1 Timote 1:17

Lumu ne butumbi bikale kashidi tshiendelele kudi Mukalenga wa kashidi, udi kayi ufua, kayi umueneka, udi Mvidi Mukulu umue epele! Amene.

Ebrewu 13:8

Yezu Kristu udi momumue makelela, lelu ne tshiendelele.

Yakobe 1:17

Mapa malenga onsu ne bintu bimpe bionsu bidi bituluka mu diulu, mbifuma kudi Mvidi Mukulu, Mufuki wa miendu ya mulu. Mvidi Mukulu kena ushintuluka; munda muende kamuena miidima; butoke buende kabuena bukepa.

1 Yone 1:5

Yezu Kristu uvua mutumanyishe lumu lutudi Umuambila elu ne: Mvidi Mukulu udi butoke. Munda muende kamuena miidima to.

1 Yone 1:7

Kadi tuetu bende mu butoke, mudi Mvidi Mukulu mu butoke, nanku bonsu tudi tuenza tshintu tshimue, kabidi mashi a Yezu, Muanende, adi atupikula ku bubi buonsu.

1 Yone 4:12

Muntu nansha umue kena muanji kumona Mvidi Mukulu. Tuetu banangangane, Mvidi Mukulu udi ushala munda muetu. Nanku dinanga diende nedimueneke menemene munda muetu.

Yuda 1:25

Mvidi Mukulu umuepele awu uvua mutupandishe kudi Yezu Kristu, Mfumu wetu. Butumbi, bukole, buneme ne bumfumu bidi kudiye, biangatshile ku ntuadijilu wa bidimu, lelu ne kashidi tshiendelele. Amene.

Didimanyisha 1:6

mMutuenze bakalenga ne batuangaji, bua tukuatshile Tatuende Mvidi Mukulu mudimu. Yezu Kristu udi ne butumbi, kabidi ne bukole, mu nkama ne nkama ya bidimu! Amene.

Didimanyisha 1:8

Maweja-Nangila, Mvidi Mukulu wa bukole buonsu, udiku, uvuaku, wafikaku, udi wamba ne: “Meme ndi Alfa ne Omega.”

Didimanyisha 21:3

Ke meme kumvua diyi dikole difumina ku nkuasa wa butumbi, diamba ne: “Mpindiewu Mvidi Mukulu udi usomba pamue ne bantu! Neashale nabu. Bobu nebikale tshisamba tshiende. Mvidi Mukulu mene neashale nabu; neikale Mvidi Mukulu wabu.

Didimanyisha 22:5

Butuku kabuakuikala kabidi to. Kabakukengela munya, nansha muendu. Bualu Maweja-Nangila Mvidi Mukulu neabakenkeshile butoke buende. Nebadie bumfumu kashidi.

Didimanyisha 4:11

“Wewe udi Maweja-Nangila wetu, kabidi ne Mvidi Mukulu wetu. mBimpe bantu bonsu bakutumbishe, bakunemeke, bitabe bumfumu buebe. Bualu udi mufuke bintu bionsu. Bionsu bidiku, bidi kabidi ne muoyi, bualu wewe udi musue nanku.”

Didimanyisha 7:12

bamba ne: “Amene! Lumu, butumbi, meji, diela tuasakidila, kanemu, dikanda, ne bukole, bikale kudi Mvidi Mukulu wetu kashidi ne kashidi! Amene.”