1 Timote 6:12 - MUKANDA WA MYIDI MUKULU

¹² Mu mvita ya kukolesha ditaba diebe, uluangane bimpe, bua upete muoyi wa kashidi. Mvidi mukulu mmukubikile ku muoyi ewu, pauvua mujukule ditaba diebe ne miaku milenga, bantu ba bungi bumvue, bajadike muuvua wamba.

Mukanda wa Nzambi Dihungila Dikulukulu ne Dihungila Dihia-dihia 2003

¹² Uluangane nvita mimpe ya ditabusha, ulamate ku muoyo wa tshiendelele, kuwakabikidibua ne kuwakitabushila Yesu ne dijukula dimpe ku mesu kua bamanyi ba bungi.

1 Timote 6:12 교차 참조

Misambu 63:8

Udi mulue kungambuluisha. Ke pandi ngela mbila ya disanka mu mapuapua ebe.

Nsumuinu 3:18

Meji adi mpokolu wa muoyi ne wa diakalenga, kudi bantu badi benza mudiwu abalongesha.

Musambu wa Solomo 3:4

Amu ndayangana nabu, meme kupeta munanga wanyi, kumukuata bikole ku tshianza, tshiyi musue kumulekela. Meme kuya nende mu nzubu, kubuela mu tshibambalu tshia munda, muaba uvua mamu wanyi mungimite.

Yeshaya 44:5

Diba adi, muntu neambe ne: ‘Ndi muntu wa Maweja-Nangila.’ Mukuabu neajinge, bua bamuinyike dina dia Yakobe. Munga neafunde pa tshianza tshiende ne: ‘Ntshia Maweja-Nangila.’ Neasanke bua kubuela mu tshisumbu tshia bena Izrayele.”

Zekâya 10:5

Nebikale bilobu. Nebadiate badi babaluisha, bu mudibu badiata bitotshi mu njila. Nebaluangane nanku, bualu Maweja-Nangila udi nabu. Baluishi badi babanda pa tubalu, nebafue bundu.

2 Korente 6:7

ku malu atudi tulongesha amu pa wowu, ne ku bukole butudi tupeta kudi Mvidi Mukulu. Nanku tshia mvita tshitudi tudisungidila natshi, nansha tshitudi tuluisha natshi bakuabu, ke malu mimpe atudi tuenza, adi Mvidi Mukulu ne bantu mua kuanyisha.

2 Korente 9:13

Panudi nukumbaja mudimu ewu ne muoyi umue, bantu ba bungi nebatumbishe Mvidi Mukulu bualu buenu. Nebanuele tuasakidila, bua panudi nuitaba Lumu lua Disanka lua Kristu muenu muonsu, kabidi bua muoyi wa kalolu unudi nuabanyangana nabu, kabidi ne bantu bakuabu bonsu, bintu bienu.

Dielulula 26:3

Pashishe muntu awu aye kudi mutuangaji, udi wenza mudimu musangu awu, amuambile ne: “Lelu ndi mfila bintu ebi, bua kujadika ne: Maweja-Nangila Mvidi Mukulu webe, wamfikishi mu ditunga divuaye mulaye bankambua betu.”

Filipe 1:30

Mpindiewu nudi badisange nanyi mu mvita eyi. Ke mvita inuvua bammone nduangana kale, ke indi nduangana kabidi ne lelu, bu munudi bamanye.

Kolose 3:15

Bupole bunudi nupeta kudi Kristu, buludike meji enu, ne bionsu binudi nuenza. Ku bupole abu ke kudi Mvidi Mukulu munubikidile bonsu pamue, bua nuenze bidimba bia mubidi umue. Nuele Mvidi Mukulu tuasakidila bua bualu ebu.

1 Tesalonike 2:12

Tuvua banukoleshe mu maboku, banubele. Tuvua banusengelele bikole, bua nuenze amu bidi Mvidi Mukulu musue. Yeye udi unubikila, bua nupete butumbi mu Bukalenga buende.

2 Tesalonike 2:14

Bualu bua Lumu lua Disanka lutuvua banumanyishe, Mvidi Mukulu mmunubikile, bua nupete penu butumbi bua Mfumu wetu Yezu Kristu.

1 Timote 1:18

Timote wanyi, ndi nkupesha mudimu ewu, bilondeshile miaku ya bambi ivuabu bakule kale bualu buebe. Miaku eyi ikukoleshe mu maboku, bua uluangane mvita mimpe.

1 Timote 1:19

Nanku ulame ditaba, ukumbaje bidi kondu kebe ka munda kakuambila. Bamue bantu bavua babenga kuteleja bivua kondu kabu ka munda kabambila. Ke muvuabu bajimije ditaba diabu.

1 Timote 4:14

Kulenguludi dipa dia kudi Mvidi Mukulu didi munda muebe, diuvua mupete pavua bambi bakule, bakulu bakutenteke bianza.

1 Timote 6:13

Kumpala kua Mvidi Mukulu, udi upa bintu bionsu muoyi, kumpala kua Yezu Kristu, uvua mujukule ditaba diende ne miaku milenga kumpala kua Ponsiyo-Pilate, ndi nkulomba ne:

1 Timote 6:19

Ke mudibu bakungija biuma bidi bishala mu tshibutshilu tshimpe ne tshikole bua matuku adi kumpala. Diba adi nebapete muoyi udi mulelela.

2 Timote 1:9

Yeye ke udi mutusungidile, mutubikile bua tuikale bantu bende, kabiyi bua midimu mimpe ituvua benze, kadi amu mukavuaye mumane kubilongolola ku luse luende. Uvua mutupe dipa edi mu Yezu Kristu, kabayi banji kufuka bintu.

2 Timote 2:2

Biuvua mumvue meme mulongeshe, bantu ba bungi bavua babiumvue, babijadike. Nanku ubilongeshe bantu ba nsongu, badi bamanye mua kubilongesha bakuabu.

2 Timote 4:7

Ndi muluangane mvita mimpe. Ndi mujikije mutantshi wonsu umvua ne bua kunyema. Ndi mulame ditaba too ne ku ndekelu.

Ebrewu 13:23

Ndi musue bua numanye ne: mbakopole muanetu Timote’ mu lukanu. Pafikaye lukasa, netufike nende bua kunumona.

Ebrewu 3:14

Bualu tudi tuenda pamue ne Kristu mu njila, patudi tulama ne muoyi umue ditekemena dietu dia ku tshibangidilu too ne ku ndekelu.

Ebrewu 6:18

Kudi malu abidi adibu kabayi mua kushintulula, malu abidi adi Mvidi Mukulu kayi mua kuvila. Nanku malu abidi aa adi atukolesha bikole ku muoyi, bua tumone mua kutekemena ne muoyi mujima bivuabu batulaye.

1 Petro 3:9

Kanupingajidianganyi bubi ku bubi. Kanupendi badi banupenda. Kadi badi banuenzela bibi, nubele lupemba, bualu diba divua Mvidi Mukulu munubikile, uvua mulaye kabidi bua kunuela lupemba.

1 Petro 5:10

Mvidi Mukulu mmunubikile bua nudisange nende mu butumbi buende bua kashidi, panudi nudisanga ne Kristu. Nanku nuenu bamane kukenga tshitupa tshikese, Mvidi Mukulu, mpokolu wa dinanga dionsu, neanuenze bantu ba tshijila. Neanushindike, anukoleshe bua kanutenkakanyi.

1 Yone 2:25

Tshivua Kristu mene mulaye bua kutupa, ke muoyi wa kashidi.

Yuda 1:3

Betu basuibue, nkavua njinga bikole kunufundila malu a pa lupandu lutudi batekemene bonsu. Kadi ndi mumone ne: ndi ne bua kunutumina kabidi mukanda ewu, bua kunukolesha ku muoyi, bua nuluile ditaba didi Mvidi Mukulu mupeshe bantu bende bua kashidi.

Didimanyisha 3:3

Nenku vuluka bivuabu bakulongeshe. Kuvulaminyi muuvua mubilonge ne tshisumi. Ubikumbaje ne muoyi umue, udilengeje. Kuyi mutabale, nenkujikile bu muivi. Kuakumanya diba dingafika kuudi.

Balombodi 3:2

Uvua musue bua ndelanganyi mipiamipia ya bena Izrayele, nangananga ivua kayiyi mianji kuluangana mvita, ilonge mua kuluangana.