1 Timote 6:1 - MUKANDA WA MYIDI MUKULU

¹ Bapika bonsu badi ne bua kunemeka bamfumu babu ne muoyi mujima, bua muntu nansha umue kajanyi dina dia Mvidi Mukulu, nansha di longesha dietu.

Mukanda wa Nzambi Dihungila Dikulukulu ne Dihungila Dihia-dihia 2003

¹ Bonso badi bahika munshi mua mutshi wa tshikokedi babale banfumu babo ne mbakanyine buneme buonso; bua dina dia Nzambi ne diyisha dia buala buandi kabihendibu.

1 Timote 6:1 교차 참조

Genese 16:9

Mutumibue wa Maweja-Nangila kumubela wamba ne: — Pingana anu kudi Sarayi, mfumuebe wa mudimu. Witabe bionsu bidiye ukuambila.

Genese 24:12

Kutuadijaye kulomba Mvidi Mukulu wamba ne: — Maweja-Nangila, Mvidi Mukulu wa mfumuanyi Abrahame, lelu ndi nkusengelela ne: ungendeshe diakalenga, ukumbaje biuvua mulaye mfumuanyi Abrahame.

Genese 24:2

Dituku dikuabu Abrahame kuambila muena mudimu mukulumpe wa ku bena mudimu bende ne: — Kuata muinshi mua tshibelu tshianyi,

Genese 24:27

wamba ne: — Ndi ngela Maweja-Nangila, Mvidi Mukulu wa mfumuanyi Abrahame, tuasakidila, bualu wakumbaji bionsu bivuaye mulaye mfumuanyi Abrahame. Maweja-Nangila mmungendeshe diakalenga mu njila mujima, mumfikishe anu mu diku dia mfumu wanyi Abrahame.

2 Samuele 12:14

Kadi bua paudi muenze bualu ebu, baluishi ba Maweja-Nangila bapetshi mushindu wa kudiwula Maweja-Nangila. Nanku, muanebe udibu balele mpindiewu, neafue.

2 Bakalenga 5:13

Kadi bena mudimu ba Namane, kusemena pabuipi nende, bamukonka ne: — Mfumu, bu muambi Elisha mukuambile bua kuenza bualu bunene, kuvua mua kubuenza anyi? Kadi, udi ubenga bua kuenza tshidiye mukuambile, bua kuowa anu mayi, disama diebe kujikadi, bua tshinyi?

Nehemya 9:5

Pashishe, bena Levi aba: Yeshuwa, Kadmiyele, Bani, Ashabneya, Sherebiya, Odya, Shebanya ne Petakiya, ba-vua bela mbila mikole ne: — Jukayi kulu! Tumbishayi Maweja-Nangila Mvidi Mukulu wenu. Numutumbishe matuku onsu! “Maweja-Nangila, bantu bonsu batumbishe dina diebe dia lumu. Miaku itudi mua kuamba bua kukutumbisha nayi idi amu mikese.

Yeshaya 47:6

Mvua mufikile bantu banyi munda. Nenku meme kubadiwula. Meme kubafila mu bianza biebe. Kadi kuvua ne luse nansha lukese. Bakulakaje mene, uvua mubakengeshe bikole.

Yeshaya 52:5

Mpindiewu tshinudi numona ntshinyi? Bena Babilone kabidi, bavua baye ne bantu banyi mu bupika tshianana, kabayi bafute kantu. Bantu aba badi bakengesha bantu banyi, badi baditambisha, basendeka amu kusendeka dina dianyi.

Yeshaya 58:6

Nudi bamanye tshijila tshindi musue. Tshidi nunku: kulekela bantu bavuabu bakuate mu lukanu kapayi bualu, kumusha majitu adi manemenene pa makaya abu, kupikula bantu badibu bakengesha, kumusha pambidi pa bantu bionsu bidi bibabueja mu bupika,

Yezekiyele 36:20

Nanku, mu bisamba bionsu muvuabu baye, bantu bavua bapepeja dina dianyi dia tshijila, bua tshilema tshivuabu benza. Bualu bantu bavua bamba ne: “Bantu aba mbantu ba Maweja-Nangila, kadi bavua ne bua kumuka mu ditunga diende.”

Yezekiyele 36:23

Nansha nuenu bamane kumpepeja kumpala kuabu, nembaleje mundi Maweja-Nangila Mvidi Mukulu munene ne wa tshijila. Nebamanye ne: ndi wa tshijila padibu bamona bindi nnuenzela. Meme Maweja-Nangila Mvidi Mukulu, ndi njadika nanku.

Malaki 1:6

— Meme Maweja-Nangila wa bukole buonsu, ndi ngambila batuangaji ne: Muana wa balume udi unemeka tatuende, muena mudimu udi unemeka mfumuende. Kadi meme tshiena tatuenu anyi? Tshiena mfumuenu anyi? Nanku kanuena nunnemeka, kanuena nuntshina bua tshinyi? Nudi numpetula, nunkonka ne: “Tudi bakupetule munyi?”

Matayi 11:30

Bujitu bundi nnupesha, nebunulengelele. Bujitu bundi nteka pa makaya enu, budi bupepele.

Matayi 11:9

Kadi unuvua batekemene kumona nnganyi? Muambi anyi? Ndi nnujadikila ne: eyowa, unuvua bamone mmupite ne muambi mene.

Luke 17:1

Yezu kuambila balongi bende ne: — Matuku onsu nekuikale malu adi akoka bantu bua kuenzabu bibi. Kadi muntu udi wenzeja bantu malu mabi aa mmuena diakabi!

Bienzedi 10:22

Bantu kuandamuna ne: — Korneliyuse, mulombodi wa tshisumbu tshia basolayi, mmututume. Udi muntu muimpe, muitabi wa Mvidi Mukulu. Bena Yuda bonsu badi bamuanyisha. Mutumibue wa Mvidi Mukulu mmumulombe, bua akubikidishe kuende, umvue malu audi mua kumuambila.

Bienzedi 10:7

Mutumibue mumane kumuka, ke Korneliyuse kubikila bena mudimu bende babidi, ne musolayi umue wa ku bavua bamulama, uvua pende muntu wa Mvidi Mukulu.

Bienzedi 15:10

Kadi nudi nuteta Mvidi Mukulu mpindiewu bua tshinyi? Nudi basue komekela bena ditaba bujitu buvua bankambua betu, nansha tuetu mene katuyi mua kuambula anyi?

Rome 2:24

Bualu Mikanda ya tshijila idi yamba ne: “Buenu nuenu bena Yuda, ke budibu bampendela kudi bantu ba bisamba bikuabu.

1 Korente 10:32

Kadi kanulenduishi nansha muena Yuda, nansha muntu wa mu tshisamba tshikuabu, nansha Tshisumbu tshia bena ditaba.

Ngalate 5:1

Kristu uvua mutupikule bua tuetu kudisunguila tshitudi basue. Nanku shindamenayi momu. Kanupinganyi mu bupika.

Dielulula 28:48

Maweja-Nangila neanutumine baluishi, banukuate ku bupika. Nenukenge ne nzala ne nyota, nupanga ne tshilamba tshia kuvuala. Maweja-Nangila neanuambuishe mukoolu wa tshiamu tshia bujitu pa makaya, too ne panuabutuka bonsu.

1 Timote 5:14

Ke pandi musue bua bansongakaji badi bafuishe balume, baye ku mabaka, balele bana, bakuate midimu ya mu nzubu, bua baluishi hetu kabamonyi pa kutujanyina.

Tite 2:5

Babalongeshe mudibu mua kuikala bena meji, ba munda mutoke, badi bakuata midimu ya nzubu ne mankenda. Bikale kabidi bantu ba muoyi muimpe, badi batumikila babayabu, bua muntu kapendi muaku wa Mvidi Mukulu.

1 Petro 2:12

Nuenze malu mimpe munkatshi mua bantu ba bisamba bikuabu. Nanku nansha bobu banushiminyina ne: nudi benji ba malu mabi, pafika Mvidi Mukulu nebajingulule malu enu mimpe. Diba adi nebatumbishe Mvidi Mukulu.

1 Petro 3:16

Kadi nubandamune ne lutuulu, kabidi ne kanemu. Nudimuke bua kondu kenu ka munda kakanupishi. Nanku badi banusonguela, banujana, bua malu mimpe anudi nuenza, bualu nudi nulonda Kristu, nebafue bundu bua bivuabu bamba abi.