1 Timote 5:8 - MUKANDA WA MYIDI MUKULU

⁸ Padi muntu kayi ulama bena diende, nangananga badiye nabu mu nzubu umue, mmuvile ditaba. Udi mupite ku bubi muntu udi kayi mumanye Mvidi Mukulu.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Kadi bikala muntu kai usubula badi bandi ne ba mu nsubu muandi mene, yeye wakadiula ditabusha diandi ne udi mutambe muntu udi uhidia kuitabusha bubi.

1 Timote 5:8 교차 참조

Genese 30:30

Pamfikile muaba ewu mvua mukusangane ne bintu bikese. Kadi lelu udi ne bintu bia bungi. Maweja-Nangila mmukusankishe katshia mfika kuebe, bua mudimu onsu undi mukuenzele. Mpindiewu, ndi musue kuenzela bena diku dianyi mudimu.

Yeshaya 58:7

kuabanyangana tshiakudia tshienu ne muntu udi ne nzala. Nubueje bapele, ne badi kabayi ne pa kulala mu nzubu muenu. Nuvuadike bantu badi kabayi bilamba. Kanubengi kuenzela muanenu bimpe.

Matayi 18:17

Kadi padiye kayi musue kuteleja bantu abu, muanyishe Tshisumbu tshia bena ditaba tshilumbu atshi. Padiye kayi musue kuteleja Tshisumbu tshia bena ditaba, umutangile bu muntu udi kayi witaba Mvidi Mukulu, nansha bu mulambuishi wa bitadi.

Matayi 7:11

Nuenu bantu babi, nudi nupesha bana benu bintu bimpe. Tatu wenu udi mu diulu kena mua kupesha badi bamulomba bintu bimpe bipite anyi?

Yowanane 15:22

Bu meme tshiyi mulue, kabatua mua kupila nansha. Kadi mpindiewu kabena ne pa kubingila bua bubi buabu.

1 Korente 6:6

Bulelela, muena ditaba udi mua kufunda muena ditaba nende ku tshilumbu anyi? Badi kabayi bitaba Mvidi Mukulu, ke badi ne bua kukosa nsambu yenu anyi?

2 Korente 12:14

Nkadi pa kufika kuenu aku, bua musangu wanyi muisatu. Bujitu buanyi kabuakuikala pa makaya enu to. Tshiena nkeba biuma bienu. Ndi nnukeba amu nuenu mene. Bualu bana kabena ne bua kudisha baledi to. Amu baledi ke badi ne bua kudisha bana babu.

2 Korente 6:15

Kristu ne diabolu badi mua kumyuangana anyi? Muena ditaba ne udi kayi muena ditaba, badi mua kuenza tshintu tshimue anyi?

Ngalate 6:10

Patutshidi ne diba, tuenzelayi bantu bonsu bimpe, kadi nangananga bena ditaba netu.

2 Timote 2:12

Bituikala bumvue makenga ne lutuulu, netudie nende bumfumu; Bituamuvila, Yeye kabidi neatuvile;

2 Timote 3:5

Nebamueneke ku mesu bu bantu badi bitaba Mvidi Mukulu, kadi mundamunda muabu kabayi bamanye bukole bua badi bamuitaba. Nanku umuke kudi bantu abu!

Tite 1:16

Badi bajadika ne: tudi bamanye Mvidi Mukulu. Kadi malu adibu benza adi aleja ne: kabena bamumanye to. Badi bantu babi, bantomboji, kabayi mua kukumbaja mudimu muimpe nansha umue.

2 Petro 2:1

Ku kale bambi ba dishima bavua bapatuke munkatshi mua bantu. Ke muapatuka kabidi balongeshi ba dishima munkatshi muenu. Nebatangalaje malongesha a dishima adi atukebela bipupu. Nebabenge Mfumu uvua mubasungidile. Nanku nebadikebele diakamue kabutu.

Yuda 1:4

Bualu, bamue bantu babi mbabuele mu musokoku munkatshi muetu. Badi bakudimuna dilongesha didi ditangila dinanga dia Mvidi Mukulu, bua kudibingisha nadi ku buenzavi buabu. Ke padibu babenga Yezu Kristu, Mukalenga ne Mfumu wetu umuepele. Kukadi matuku a bungi, Mikanda ya tshijila mmimane kujadika dinyoka didibu ne bua kunyoka bantu abu.

Didimanyisha 2:13

Ndi mumanye muaba uudi usomba. mMuaba udi nkuasa wa lumu wa diabolu. Wewe udi mundamate bikole. Kuena munwile, nansha pavuabu bashipe kuenu aku, kudi diabolu usombela, Antipase, uvua munjadikile malu muende muonsu.

Didimanyisha 3:8

Ndi mumanye bionsu biudi wenza. Ndi mumanye mudi bukole buebe bukese. Kadi nansha wewe mutekete, udi mulame amu muaku wanyi, kuyi unwila. Ndi mukukanguile tshiibi tshidi muntu nansha umue kayi mua kukanga.