1 Timote 5:4 - MUKANDA WA MYIDI MUKULU

⁴ Kadi padi mukaji mukamba ne bana, nansha ne bikulu, bana aba badianjile kukumbaja tshidi bena ditaba ne bua kuenzela bena diku diabu. Nanku bakuatshile mamuabu, nansha kakuabu, mudimu, muvua bamamu babakuatshile kumpala. Ke tshidi Mvidi Mukulu musue.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Kadi bikala mukashi wa mu lufuila ne bana bandi balela anyi bikilu bandi, bobo badianjile kuyila mua kunemeka ba mu diku diabo ne mua kuhingishila baledi babo bintu bia kubakuatshisha nʼabi; bua bualu ebu mbudi Nzambi witabusha.

1 Timote 5:4 교차 참조

Genese 47:12

Yozefe uvua wambuluisha tatuende, bana babu ne bonsu ba mu diku diabu ne biakudia bilondeshile bungi bua bantu.

Genese 47:28

Yakobe ukumbaja bidimu dikumi ne muanda mutekete mu Ejipitu, bidimu biende bionsu kuenza lukama makumi anayi ne muanda mutekete.

Yobe 18:19

Muana nansha umue kakusangula diku diende. Muntu nansha umue wa mu muaba wabu, kakushala ne muoyi.

Nsumuinu 31:28

Bana bende badi balua kumuela ka lumbandi. Bayende udi umutua makumbu wamba ne:

Yeshaya 14:22

Maweja-Nangila muena bukole buonsu udi wamba ne: “Nennyoke Babilone. Nenjimije dina dia Babilone, bana bende, ne ndelanganyi yende yonsu pa buloba.

Luke 2:51

Ke Yezu kupingana nabu mu Nazarete. Uvua ubatumikila. Mamuende uvua ulama malu aa onsu mu muoyi wende.

1 Timote 2:3

Bia nanku ke bidi bimpe, bisankisha Mvidi Mukulu, Musungidi wetu,

1 Timote 5:16

Kadi mukaji muena ditaba muikale ne bana babu bakaji bakamba, abambuluishe, bua Tshisumbu tshia bena ditaba katshiditatshishi nabu. Nanku netshimone mua kuambuluisha anu bakaji bakamba menemene, badi kabayi ne mubalami.

Tite 1:11

Nanku ubakandike, ubabuikidije mukana, bualu badi bajula bimvundu mu meku majima, balongesha malu adi kaayi makane, anu bua kupeta biuma mushindu mubi.

Balombodi 12:14

Uvua mulele bana ba balume makumi anayi. Uvua ne bikulu makumi asatu. Bana abu ne bikulu abu, bavua babanda pa nyama ya mpunde makumi muanda mutekete. Abdone uvua mushale mulombodi wa bena Izrayele bidimu muanda mukulu.

Rute 2:18

Rute kusangisha bionsu abi, kuyaye nabi pambelu. Kulejaye mamuenende bivuaye mupumbulule. Kumupeshaye ne biakudia bivuaye mumutuadile; ke bivuaye mumulamine pavuaye mumane kudia kuukuta.

Rute 2:2

Dituku dikuabu, Rute kuambila Nowemi ne: — Ndi nkulomba bua kuya kupumbulula biakudia, bidi banowi benda bashiya mu budimi. Nempete muntu udi mua kumfuila luse. Nowemi kumuandamuna ne: — Ndaku, mukaji wa muananyi.