1 Timote 5:18 - MUKANDA WA MYIDI MUKULU

¹⁸ Mukanda wa tshijila udi ujadika ne: “Ngombe udi udiata ntete ya kuenza bukula bua kuyishipula, kabena mua kumuela nkata ku mbanga to.” Udi wamba kabidi ne: “Muena mudimu badi ne bua kumufuta.”

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Bua Mukanda wa Nzambi udi wamba ne, Kusuiki nkata ku mishiku ya ngombe udi udiata ntete bua kuishihula; ne, Muena mudimu udi muakanyine bua kuangateye difutu diandi.

1 Timote 5:18 교차 참조

Lewitiki 19:13

“Kanukengeshi mukuenu. Kanuibi tshintu tshiende. Difutu dia muena mudimu webe dikale anu pa diba diadi, kuyi ulala nadi dituku nansha dimue.

Matayi 10:10

Kanuyi ne tshibuta tshia luendu, kanuyi ne mutelu mukuabu, nansha ne bisabata, nansha ne dikombu dia luendu. Bualu muena mudimu udi ne bua kupeta biakudia biende.

Luke 10:7

Nushale mu nzubu awu, nudie, nunue bianupeshabu. Bualu muena mudimu badi ne bua kumufuta. Kanusambi nzubu.

Rome 10:11

Ke padi Mukanda wa tshijila wamba ne: “Yonsu udi umuitaba, kakufua bundu.”

Rome 11:2

Mvidi Mukulu kena mubenge bantu bende, bavuaye mudianze kudisunguila. Nudi bamanye bidibu bafunde mu Mukanda wa tshijila. Pavua Eliya ufunda bena Izrayele ku tshilumbu kudi Mvidi Mukulu,

Rome 4:3

Bualu Mukanda wa tshijila udi wamba ne: “Abrahame uvua mutekemene kudi Mvidi Mukulu. Ke Mvidi Mukulu kumulumbuluisha, kumubingisha amu bua ditaba diende.”

Rome 9:17

Mu Mukanda wa tshijila Mvidi Mukulu udi wambila mukalenga wa bena Ejipitu ne: “Mvua mukuteke mukalenga bua kuleja bukole buanyi munda muebe, ne bua lumu luanyi lutangalake pa buloba bujima.”

1 Korente 9:14

Ke pavua Mfumu muele mukenji ne: badi balongesha Lumu lua Disanka, bapete biakudia ku mudimu ewu.

Ngalate 3:8

Mikanda ya tshijila ivua midianze kumanyisha muvua Mvidi Mukulu ne bua kuhingisha bantu ba bisamba bikuabu, anu bua ditaba diabu. Ke mutudi tubalamu Lumu lua Disanka elu luwabu bambile Abrahame ne: “Mvidi Mukulu neele bisamba bionsu bia pa buloba lupemba bualu buebe.”

Dielulula 25:4

Ngombe udi wenza mudimu wa kudiata miepu ya ntete ya kuenza bukula, kanuena mua kumuela nkata ku mbanga to.

Yakobe 4:5

Nuvuluke mudi Mikanda ya tshijila yamba pa bualu ne: “Mvidi Mukulu udi ne mukawu. Udi musue bua mueyelu udiye muteke munda muetu udileje patoke.”