1 Timote 5:13 - MUKANDA WA MYIDI MUKULU

¹³ Kabidi bakadi bapeta tshibidilu tshia kuendakana ku nzubu ku nzubu, kujimija diba. Tshidi tshipite bubi: badi badienza bena biakulakula ne bena biambamba. Badi bakula malu adi kaayi abatangila.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Bunga bualu, badi bayila kabidi mua kuikala bafuba, bendakana ku nsubu ne ku nsubu; ne kabena bayila mua kuikala anu ne bufuba nkayabu, kadi mua kuikala bena mukoso ne bena bienzenza, bakula mei adi kâi mimpe bua kuakula.

1 Timote 5:13 교차 참조

Nsumuinu 11:13

Muena bijanu udi wela malu masokome patoke. Muntu mujalame udi ulama malu awu munda muende.

Nsumuinu 20:19

Muena bijanu udi usokolola nansha malu masokome. Nanku epuka muena tshiakulakula.

Nsumuinu 31:27

Udi utangila bionsu bidi bipitakanangana mu nzubu muende. Kena musue kushala kayi ukuata mudimu to.

Nsumuinu 7:11

Mukaji wa dikamakama ne disalu awu kavua unengakana nkayende mu nzubu to.

Lewitiki 19:16

Kanujanyi bena diku dienu to. Kanufundi mukuenu ku tshilumbu tshidibu mua kumufundila tshibawu tshia lufu to. Bualu Meme ndi Maweja-Nangila.

Luke 10:7

Nushale mu nzubu awu, nudie, nunue bianupeshabu. Bualu muena mudimu badi ne bua kumufuta. Kanusambi nzubu.

Bienzedi 20:20

Nudi bamanye ne: pamvua munulongeshe, munumanyishe malu onsu mu bisangilu ne mu nzubu yenu, tshivua munusokoke bualu nansha bumue buvua mua kunulengelela.

Bienzedi 20:30

Munkatshi muenu kabidi nemujuke bantu bakula malu a dishima, bua kukoka bena ditaba bua babalonde.

1 Timote 5:12

Nebapie tshibawu, bualu mbupule ndondu wa kumpala muabu bafue ne Kristu.

Tite 1:11

Nanku ubakandike, ubabuikidije mukana, bualu badi bajula bimvundu mu meku majima, balongesha malu adi kaayi makane, anu bua kupeta biuma mushindu mubi.

Yakobe 3:10

Mukana mumue mudi mupatuka miaku ya kuela tuasakidila ne ya kutshipa. Bana hetu, kanuenji nanku.

1 Petro 4:15

Muntu nansha umue wa kunudi kabuedi mu dikenga bua ne: uvua mushipe muntu, muibe, mukengeshe bantu, nansha mubuelakane mu malu a bende.

3 Yone 1:10

Nanku pandi mfika, ne mmanyishe patoke malu mabi onsu adiye wenza, miaku mibi idiye untamba, ne malu adiye utushiminyina. Ku bilema ebi udi usakidila kabidi tshikuabu: kena wakidila bena ditaba badi batutantshila. Udi ukandika kabidi badi basue kubakidila, ukeba kubipata mu Tshisumbu tshia bena ditaba.